Axwɛwɛwa 8:1 - ONUGBÙ NYƐNYÃ VUVƆ

¹ Klɛ Saolo aza ɔkɛlɛ, atrɔahwɛ yɛ tɛyiyi nɛa bha. Nɛ kiwi lɛ nɛa bha klɛ kititi lulɔ gbla koeyi nɛ Ɔha nɛ shu nɛ Yerusalɛm, klɛ banɔkpɛkpɛ nɛ mazɛlɛ mɛ banɔ gɔgɔɛ nɛ petee ba kɛka ganɔ Yuɖea anɛ Samaria.

Axwɛwɛwa 8:1 Iomraidhean Croise

Mateo 22:6

Bagɔgɔɛ nɛ be vu yɛ baxwɛdɛ, ba dɛ bhɛtɛ alɛ mɔmɔ klɛ be yi alɛ.

Mateo 23:34

Kɛlɛ so ɛsɛsɛ nɔ batɔnu anɛ bebuinyi anɛ badɔkasɛ. Balɛmɛayɛ teli no bo yia lɛ klɛ nɔ bɔ kplalɛɔsɔ; be teli nɔ bɔ tua lɛ nɛ wɔnɔ ixogokɔevu nɛ mɛ klɛ nɔ bɔ kpatɔnɔ alɛ denɔ ɔmam ɔvɛnɔ ɔmam.

Mateo 5:13

“Wɔnɔ nu kanɔ nɛ mɛ bɔmɔɛ. Pɔ onu gɛ bɔmɔɛ lɛla bulɛ ɔdzyɛ, kɛlɛ bu zɛ ba dzi bɔmɔɛ? Bɔ tia pɛ kɔ kɛdɔnyɛdɔ, ɔyɛkɔ dɛ sɛ tɛ ba yɛkɔ bulɛ atɛɛ elu kɔ banɔ la ga.

Yohanɛsɛ 15:20

Nɔ baka kibui nɛ gɛ ɛɖɔ tsre nɔ: ‘Axwɛdɛ atɛ be triadɛ yɛ Apalete.’ Onugɛ ba kpatɔnɔ mɛ, ba ba kpatɔnɔ wunɔ tsyɛ. Onugɛ babhɛtɛ atrɔ mɛ kɛdɔkɛkasɛ nɛabha, ba ba bhɛtɛ atrɔ wunɔ yɛ tsyɛ abha.

Yohanɛsɛ 16:2

Ba be bu nɔ nɛ oxogokɔvu nɛ mɛ, kɛgbɛagba, kibe ba gɛ anɔnyanɔ gɛ eyi nɔ aba yɛ kɔ sɛ adɛ xwɛ kɔ Kpaya.

Axwɛwɛwa 1:8

Pɔ nɔ bɔ yɛkɛ kemi onu gɛ Ɔfufɔɛ Dzyɔgo nɛ ɔɔba wɔnɔa bha, klɛ no bo dzi mɛ bebuimɔɖɔ nɛ Yerusalɛm, klɛ nɛ Yuɖia petee anɛ Samaria, ɔyɛkɔ ɔdɔnanɔ kesukpa nɛ ibekekɔ.”

Axwɛwɛwa 13:1

Nɛ Antiɔkɛ busɔlɛ mɛha nɛ mɛ batɔnu anɛ badɔkasɛ aza: Banabasɛ, Simeɔnɛ gɛ be klua yɛ sɛ Anɔtutu, Lusiusɛ gɛ ede Sirene, nɛ Manaɛn (edzi anɔ gɛ be he aplɛnɔ Heroɖesɛ gɛ edzi ekusi) nɛ Saolo.

Axwɛwɛwa 13:36

“Alasɛ gɛ Daviti atɛ wa Kpaya kɛxwɛ nɛ yɛ nahwɛ kibe nɛɛ, gɛ aba vɛ tram nɛɛ, ba vubɔ yɛ nɛ yakalɛ ɔbha klɛ yɛ anɔosi nɛ ɔtsɔmɔ.

Axwɛwɛwa 2:47

nɛ Kpaya kabhakpɛkpɛ anɛ samɛ mumɔ nɛ ɔhayɛ eshutukubui didi mɛ denɔ banɔ nɛ petee ɔkɔ. Klɛ Apalete nɛ abhɔ tikpikpe nɛm atrɔ kiwinyɛwi ɔplɛnɔ bagɛ be ti bu.

Axwɛwɛwa 22:20

Klɛ nɛ kibe lɛ mɛ gɛ be bu wɔ ebuimɔɖɔ Stefano dzyosu nɛɛ, ɛza ɔklɛ klɛ mɛ za kide kɔ banɔ nɛ gɛ bee yi yɛ klɛ mɛ nyɛna bagɛ bee yi yɛ nɛ bawi nɛ vunɔ kɔa lɛ.’

Axwɛwɛwa 26:10

Klɛ kana tutuu tu mɛ bhɛtɛ nɛ Yerusalɛm. Nɛ Kpayanɔgbla anɛ kabhaŋɛŋa nu ivu banɔnɛna gelee kpɛ buvu, klɛ onu gɛ kɛ lɛ sɛ be yialɛ nɛɛ, ɛtrɔ ahwɛ klɛa bha.

Axwɛwɛwa 5:18

Be vu Banɔkpɛkpɛ klɛ la yɛkɔ akpɛ ɔma buvu.

Axwɛwɛwa 5:20

Axwɛdɛ nɛ etsrea lɛ asɛ, “Nɔ vɛ, nɔ dɔ za busɔlɛvu kɛma nɛm,” “tɛ nɔ dɔ ɖɔ ɛkpã vuvɔɛ nɛ kibui petee otsre banɔ.”

Axwɛwɛwa 5:33

Kibe lɛ gɛ be nu kibui nɛɛ, ba mɔ oblo tsutsɔmɔ tsɔmɔ klɛ ba pɛa sɛ tɛ be yia lɛ.

Axwɛwɛwa 5:40

Anyɛ nɛ kaɖɔ na wa kɛxwɛ nɛ balɛ shu. Be klu banɔkpɛkpɛ nɛ amɛna klɛ le tua lɛ nɛ eshi. Klɛ la kpɛa lɛ ɔshã sɛ ba ta ɖɔaɖɔ nɛ Yesu kinyim, klɛ la shɛnahwɛ balɛ shu pɛ ba shɛ.

Axwɛwɛwa 7:38

Aza tɛxuxogom nɛ ayakpa nɛ mɛ, ɔyɛkɔ plɛnɔ axwɛdɛ nɛ gɛ aɖɔaɖɔ nɛ yɛ nɛ Sinai Butu nɛa bha, nɛ bulɔakalɛ, klɛ ayɛkɛ ekpã ebui amɛna lɔ.

Axwɛwɛwa 7:54

Gɛ be nu ebuia nɛ denɔ Stefano ɔkɔ nɛɛ bamɔ oblo klɛ la tã ele nɛ akpɛ yɛ.

Axwɛwɛwa 7:58

be vui klɛ be he yɛ ekoeyi nɔ nɛ ɔmagbla nɛm klɛ ba kpa yɛ aklãgbu hu. Nɛ kɛlɛ mɛ bebuimɔɖɔ nɛ be bu balɛ bawi nɛ ayɛkɔ lu ayɛsɔ̃ teli ɔbha gɛ be klu sɛ Saolo.

Axwɛwɛwa 8:14

Kibe lɛ gɛ banɔkpɛkpɛ nɛ Yerusalɛm be nu sɛ Samaria ayɛkɛ Kpaya kibui nɛɛ, be bu Petro anɛ Yohanɛsɛ akɔ sɛsɛ alɛ.

Axwɛwɛwa 8:2

Ayɛyɛkɛŋa teli aba yɛkɔ Stefano ada vubɔ klɛ be bi yɛ popoo po.

Axwɛwɛwa 8:4

Banɔ nɛ mɛ gɛ bakpɛ ozi nɛ vunɔ Kpaya kibui na ɖɔ nɛ ɔkɔnyɔkɔ gɛ be ku ko.

Axwɛwɛwa 8:5

Flipo ede tsoku Samaria ɔmagbla nɛm klɛ ede bu Kristo kibui nɛ aɖɔ nɛ ɔkɛlɛ.

Axwɛwɛwa 9:31

Klɛ busɔlɛha nɛ Yuɖia, Galelia anɛ Samaria petee ba za ishu yuyɔm. Busɔlɛɔha nɛ ɔgɛganɛ ɔtrɔ; klɛ Ɔfufɔɛ Dzyɔgo nɛ lɔ kpɛ alɛ kemi, lo she nɛ tikpikpem, ba za nɛ kifusisim kɔ Apalete.

Romanɛ 1:32

Kɛnya lɛ kɛlɛm sɛ be nyi Kpaya tɛzɛzam dzyɔgo ɔshã na sɛ, bagɛ balɛ abhɛtɛ ebuia lɛlɛ nɛɛ di na lɛ kɔ butsi, ganɛ sɛ be tsri alɛa bha bhɛbhɛtɛ ko, pɔ ba trɔahwɛ banɔ nɛ gɛ ba bhɛtɛ alɛ nɛ tsyɛa bha.

Filipianɛ 1:12

Ɔtsɔ̃ nɛɛ badzya mɔ, ɛpɛɛ sɛ tɛ no ti sɛ kibui nɛ gɛ ba mɛabha nɛ kpɛ kibui dzyɔgo nɛ otugba.

Hebriuanɛ 11:27

Tɛyɛyɛkɛŋa so ashɛ̃ nɛ Egipte, ekusi nɛ obulo odi ku yɛ kifu, alasɛ anyɛna agɛ ata mɔ gɛganɛ anasɛ bumɔ yɛamɔ yɛ.