Axwɛwɛwa 6:5 - ONUGBÙ NYƐNYÃ VUVƆ

⁵ Tɛtɛtrɔɛ nɛ ku banɔɛha nɛ petee awɔ̃. Be bu Stefano, gɛ enu anyɛ teli gɛ eyuku nɛ Ɔfufɔɛ Dzyɔgo anɛ tɛyɛyɛkɛŋa, ɔplɛnɔ Flipo, Prokorusɛ, Nikanɔ, Timɔnɛ, Parmenasɛ, anɛ Nikolasɛ gɛ ede Antiɔkɛ, pɛ ebe tsyina edzi Yuɖaɔha mɛ anɔ.

Axwɛwɛwa 6:5 Iomraidhean Croise

Mateo 23:15

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔɔ ga kidzo nɛ kesukpa anɛ aƒu abha sɛ tɛ no tsyina anɔ terikpo, klɛ onu gɛ eedzi wɔnɔ mɛayɛ teli beke, nɔ bɔ bhɛtɛ yɛ aba tsɔmɔ ɛzakɔ tɛbha dɛ ansɛ kifu mabeke mabeke mɛ eyi nɛ gɛ no nu.

Axwɛwɛwa 11:19

Ɔtsɔ̃ nɛɛ bagɛ balɛ mɛ lakpɛ ozi nɛ Stefano tɛkpɛkpa tɔnɔ nɛ mɛ na ga kidzo avɛ ede ku Foenisia, Siprɔsɛ anɛ Antiɔkɛ, klɛ ba ɖɔ kibui nɛ etsre Yuɖa nɛ nɛ ko.

Axwɛwɛwa 11:20

Pɔ nɛ banɔ nɛ teli gɛ bede Siprɔsɛ Sirene, na shɛ vɛ Antiɔk klɛ bada kpa kaɖɔ ɖɔ tsre Grikianɛ nɛ tsyɛ, edenɔ Apalete Yesu kibui dzyɔgo nɛ shu.

Axwɛwɛwa 11:22

Busɔlɛ ɔha nɛ Yerusalɛm obo nu kibui, klɛ ba kpɛ Banabas asɛsɛ Antiɔkɛ.

Axwɛwɛwa 11:24

Edzi anɔ dzyɔgo, gɛ eyuku nɛ Ɔfufɔɛ Dzyɔgo nɛ tɛyɛyɛkɛŋa, klɛ ba gbanɔ banɔ nɛ tikpikpe gbla tilim amɛna Apalete.

Axwɛwɛwa 11:26

klɛ gɛ amɔɛ nɛɛ, agbanɛ yɛ amɛna Antiɔkɛ. So nɛ kɛgɔ zɛzɛ petee mɛ Banabas nɛ Saul ba tsya nɛ busɔlɛɔha nɛ mɛ klɛ bakasɛ banɔɛ dɔ nɛ tikpikpem. Badɔkpasɛ nɛ, Antiɔkɛ be bhusoa lɛ kulu sɛ Kristoanɛ.

Axwɛwɛwa 11:27

Nɛ kibe lɛ nɛ mɛ nɛ batɔnu teli ba lɔ denɔ Yerusalɛm avɛ Antiɔkɛ.

Axwɛwɛwa 13:1

Nɛ Antiɔkɛ busɔlɛ mɛha nɛ mɛ batɔnu anɛ badɔkasɛ aza: Banabasɛ, Simeɔnɛ gɛ be klua yɛ sɛ Anɔtutu, Lusiusɛ gɛ ede Sirene, nɛ Manaɛn (edzi anɔ gɛ be he aplɛnɔ Heroɖesɛ gɛ edzi ekusi) nɛ Saolo.

Axwɛwɛwa 15:22

Ɔkɛlɛ Yesu Banɔkpɛkpɛ nɛ beshishe, busɔlɛ nɛ petee, ba trɔ sɛ be be bu balɛ nahwɛ mɛ banɔ tɛ ba sɛsɛ alɛ nɛ Antiɔkɛ ɔyɛkɔ plɛnɔ Paolo nɛ Banabasɛ. Be bu Yuɖas (gɛ be klua sɛ Basabbasɛ) nɛ Silasɛ, gɛ be dzi bagbɛgbanɔ nɛ ɔha nɛ shi.

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Axwɛwɛwa 21:8

Kiwi bhla nɛɛ, gɛ bu shɛ bu da ku Sizeria klɛ bu da za Filipo Kpaya atɔnu nɛ bupa mɛ, gɛ enu banɔ Tiegene nɛ ɔmayɛ teli.

Axwɛwɛwa 22:20

Klɛ nɛ kibe lɛ mɛ gɛ be bu wɔ ebuimɔɖɔ Stefano dzyosu nɛɛ, ɛza ɔklɛ klɛ mɛ za kide kɔ banɔ nɛ gɛ bee yi yɛ klɛ mɛ nyɛna bagɛ bee yi yɛ nɛ bawi nɛ vunɔ kɔa lɛ.’

Axwɛwɛwa 6:10

pɔ ba dɛ na kititi lɔ nɛ yɛ kibuititi nɛ shu ɔdɔgɔsɛ yɛ Ɔfufɔɛ nɛ gɛ ɔlɛa bha aga pɛ aɖɔ kaɖɔ.

Axwɛwɛwa 6:3

Badzya mɔ, nɔ bu banɔ tiegene denɔ wɔnɔm gɛ benu banɔ gɛ be yuku nɛ Ɔfufɔɛ anɛ kibuititi. Bu ba yɛkɔ kɛdɔŋɛŋa mɛma nɛ kpɛ balɛ ahwɛ

Axwɛwɛwa 6:8

Ɔtsɔ̃ Stefano, edzi anɔ teli gɛ eyuku nɛ Kpaya ɛyamyuyɔ anɛ kemi, abhɛtɛ ebui yiyinɔanɔ gbɛgbla anɛ ebui gɛ abhɛtɛ bi kɛdɔmumɔ nɛ banɔɛ shi.

Axwɛwɛwa 7:1

Klɛ kpayanɔgbla nɛ ebisi asɛ, “Ebuia nɛ gɛ ba yɛkɔ nɛ wɔ shu nɛ nu kɛgba dza?”

Tɛbubukasɛ 2:15

Kana wɔnɔ mɛ tsyɛ banɔ teli ba lɛ gɛ ba nyɛna Nikolaitansɛ kɛdɔkɛksɛ nɛ mɛ evunɔ.

Tɛbubukasɛ 2:6

Pɔ kɛɛ nɛ nɛ lɛ gɛ kɛ trɔ wɔa bha: Ɔdɛ pɛɛ Nikolatanɛ ebui bhɛbhɛtɛ nɛ bui, gɛ alɛ mɛ tsyɛ ɛdɛ pɛɛ.