Axwɛwɛwa 6:3 - ONUGBÙ NYƐNYÃ VUVƆ

³ Badzya mɔ, nɔ bu banɔ tiegene denɔ wɔnɔm gɛ benu banɔ gɛ be yuku nɛ Ɔfufɔɛ anɛ kibuititi. Bu ba yɛkɔ kɛdɔŋɛŋa mɛma nɛ kpɛ balɛ ahwɛ

Axwɛwɛwa 6:3 Iomraidhean Croise

Mateo 23:8

“Pɔ ama sɛ be kulu nɔ asɛ ‘Adɔkasɛ,’ alasɛ Apalete terikpo ko yɛ alɛ wɔnɔ ahwɛ klɛ wɔnɔ petee no nu badzya.

Yohanɛsɛ 21:23

Kɛbuinɛ so, nɔ ɖɔ ebui ɔkana nɛ bala badzya nɛ mɛ sɛ adɔkpasɛ anɛ eti be tsi. Pɔ Yesu adɛ ɖɔ sɛ etibe tsi, aɖɔ ko sɛ, “Onugɛ ɛpɛɛ sɛ tɛ azanɛ kpã ɔdɔtɔnɔ kɛbe gɛ ɛbatsodzi ba, kɛde lɛ nu kɔ wɔ?”

Axwɛwɛwa 1:15

Nɛ ewi alɛlɛ nɛm nɛɛ Petro alɔ kititi nɛ bagɛ bayɛkɛaŋa nɛ shi, (banɔ gɛ balɛ tɛkpɛkpem ba za ansɛ kɛfɔɛfɔ nɛ afɛtabha)

Axwɛwɛwa 1:21

Kɛlɛ so nɛɛ kɛlɛ sɛ tɛ bu klu banɔ nɛ gɛ aza plɛnɔ lɔ nɛ ɔmayɛ teli denɔ kibelɛ nɛm petee gɛ Apalete Yesu aavɛ pɛ aaba nɛ bulɔɛshi,

Axwɛwɛwa 10:22

Banyɛ nɛ bu ishu nu sɛ, “Kɔnelius gɛ enu Italia keyuovulo aka nɛ ɔkɔ lɔ de. Enu anɔ dzyɔgo klɛ esi Kpaya kifu, klɛ Yuɖanɛ nɛ petee akɔ yɛ ɔzakɔ. Axwɛdɛ nɛna teli etsre yɛ asɛ akɔ wɔ ɔba yɛ bupa mɛ tɛ enu ebui nɔɔ nɛ gɛ alɛ wɔ ahwɛ pɛ ɔbɔ ɖɔ.”

Axwɛwɛwa 15:23

Ɔyɛkɔ plɛnɔa lɛ ba sɛsɛ keplukpa sɛ: Bulɔ, banɔkpɛkpɛ anɛ beshishe nɛ, anɛ wɔnɔa dzyalɛ nɛ ɔkɔ, bu sɛnɛ nɔ bulɔ badzya nɛ petee gɛ be di nu Yuɖanɛ gɛ ba lɛ Antiɔkɛ, Siria anɛ Silisia.

Axwɛwɛwa 16:2

Ɔhamɛanɛ nɛ Listra anɛ Ikonio na ɖɔ kaɖɔ dzyɔgo nɛ yɛ shu.

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Axwɛwɛwa 22:12

“Anyɛ teli gɛ be klua sɛ Ananias aba klɛ aba mɔ mɛ. Enu anyɛ teli gɛ ayɛkɔ ishu akɔ ɔshã klɛ Yuɖaeyi kanyaka akɔ yɛ amɛ nɛ ɔkɛlɛ.

Axwɛwɛwa 28:14

Ɔkɛlɛ bu ba munɔ badzya teli gɛ be kulu lɔ asɛ bu ŋa ɔgɔnɛ zɛzɛ nɛ balɛ. Kɛlɛ so bu shɛ ba Roma.

Axwɛwɛwa 6:2

So nɛɛ Balɔfɔntiabha ne xogo badɔkpasɛ nɛ petee klɛ be tsrea lɛ sɛ, “Kɛ tɛ ba pɛɛ̃ kɔ lɔ sɛ tɛ bu shɛnahwɛ Kpayabui nɛ shu tɛ bu da zɛ di kɛŋɛŋa mɛma ɔkɔ.

Axwɛwɛwa 6:5

Tɛtɛtrɔɛ nɛ ku banɔɛha nɛ petee awɔ̃. Be bu Stefano, gɛ enu anyɛ teli gɛ eyuku nɛ Ɔfufɔɛ Dzyɔgo anɛ tɛyɛyɛkɛŋa, ɔplɛnɔ Flipo, Prokorusɛ, Nikanɔ, Timɔnɛ, Parmenasɛ, anɛ Nikolasɛ gɛ ede Antiɔkɛ, pɛ ebe tsyina edzi Yuɖaɔha mɛ anɔ.

Axwɛwɛwa 6:6

Ba yɛkɔ banɔ bubu na kpɛ ahwɛ kɔ banɔkpɛkpɛ, gɛ be klukpaya klɛ batrɔ ahwɛ nɛ balɛa bha.

Axwɛwɛwa 9:30

Gɛ badzya nɛ nu kibui nɛɛ, bagbanɔ yɛ ezhinɔ avɛnɔ Sizeria klɛ ba yɛkɔ yɛ asɛsɛ Tasusɛ.

1 Kɔrintioanɛ 12:8

Ganɔ Ɔfufɔɛ nɛabha ba kɔ anɔ teli kibuinyinyi ɔsɔ, kɔ anɔ bhlatɔ kɛbuititi ɔsɔ ganɔ Ɔfufɔɛ ɔlɛlɛ nɛabha,

1 Kɔrintioanɛ 16:3

Kɛlɛede onugɛ ɛba ku, ɛba ŋlɔmɛ keplukpa kɔ banɔ nɛ gɛ nɔ bu klɛ tɛ nɔ kpɛ alɛ nɛ wunɔ dɔkukɔ avɛ nɔ Yerusalem.

Efesoanɛ 5:18

Nɔ tɔ wɔɛ̃ bulu tɛ nɔ buku, gɛ bu gbanɔ anɔ vɛnɔ ebuizizi bhɛbhɛtɛ mɛ. Kɛlɛɔzakɔ, kɔ Ɔfufɔɛ oyuku wɔ shu mɛ.

1 Timotio 5:10

klɛ be nyi yɛ mɔmɔ nɛ yɛ ebui dzyɔgo shu, ansɛ beyi nyunyunɔ, anɔkɔdidi, butsrukpɔ puplu kɔ banɔnɛna, tɛpɛplɛnɔ kukɔ bagɛ be ku butɔ mɛ klɛ ayɛkɔ yɛ shu akpɛ ebui dzyɔgo kanyaka tɛbhɛbhɛtɛ mɛ.

Yakobo 1:17

Kɛdzyɔgo kanyaka anɛ kɛdɔkukɔ dzyɔgo ki de kabha, ba denɔ owũsise efu Aka nɛ ɔkɔ, gɛ yɛ ete tsyina ansɛ buyi gɛ fla.

3 Yohanɛsɛ 1:12

Anɔnyanɔ aɖɔaɖɔ dzyɔgo nɛ Demetrio shu-klɛ kibuigbɛagba nahwɛ tsyɛ ɖɔ. Bulɔ tsyɛ bu ɖɔ yɛ bui dzyɔgo, klɛ no nyi sɛ bulɔ kibuiɖuɖɔ denɔ yɛ shu kinu kɛgbɛagba.