Axwɛwɛwa 3:7 - ONUGBÙ NYƐNYÃ VUVƆ

⁷ Petro anyɛna yɛ kɛŋahwɛ, klɛ efeke yɛ edzu, klɛ ɔkɛlɛ nɛ ko, bugɛganɛ ku kɛkpata nɛ ɛtsrɛ anɛ butsrukpɔ oli nɛm.

Axwɛwɛwa 3:7 Iomraidhean Croise

Marko 1:31

So Yesu etsoku atɔnɔ adzɛ, klɛ ada nyɛna yɛ ɔhwɛ klɛ evu alɔ. Buwui nɛ shɛ̃nahwɛ adzɛ nɛ shu klɛ etenɔ balɛa bha di.

Marko 5:41

Yesu anyɛna anuvɔ nɛ ɔhwɛ klɛ etsre yɛ asɛ, “Talita Koum!” (Kɛlɛesi enu asɛ, “Adzɛnuvɔɛ bhli, itsre wɔ sɛ, vu ɔlɔ!” Nɛ Hela bunuhu mɛ).

Marko 9:27

Pɔ Yesu anyɛna anuvɔ nɛ ɔhwɛ klɛ efeke yɛ edzu yɛ ɛtsrɛa bha, klɛ alɔ kititi.

Luka 13:13

Ɔkɛlɛ atrɔ ɛhwɛ nɛ yɛ abha, klɛ tsɛ̃ɔ ko adzyɔ yɛ ɔhwɛ klɛ akpɛ Kpaya nyi nɛabha.

Axwɛwɛwa 3:6

Petro efeke aɖɔ asɛ, “Sɛkafufu ɔdɔgɔsɛ adzɛdzã ama mahwɛ, pɔ kɛgɛ lɛ mahwɛ nɛ mɛ ɛba kɔ wɔ. Nɛ Yesu Kristo Nazarɛtɛ eyi nɛ kinyi mɛ, lɔ ga.”

Axwɛwɛwa 3:8

Alɔtɛ̃ nɛ yɛ butsrukpɔ nɛa bha klɛ akpaa ga. Klɛ etsoku busɔlɛvu nɛm nɛ balɛ, akpaa ga klɛ alɔtɛ̃, klɛ akpɛ Kpaya nɛa bha.

Axwɛwɛwa 4:16

“Be bisi asɛ, kide lɔ ba bhɛtɛ nɛ banyɛa?” “Banɔnyanɔ nɛ Yerusalɛm be nyi asɛ banɔa na tɛ bhɛtɛ kibui yiyinɔanɔ gɛ ga ɔtɔ, klɛ bu tɛ ba na kɛlɛ ɔtro kɔ.

Axwɛwɛwa 4:9

Onu gɛ bee klu lɔ obo na se bisi ebui nɛ bulɔ ɛyampɛpɛ nɛ gɛ bu bu kasɛ kɛkpata nɛ kana gɛ kɛga pɛ yɛ bunya nɛ beke nɛɛ,

Axwɛwɛwa 9:41

Anyɛna yɛ ɔhwɛ klɛ aplɛnɔ yɛ alɔ za nɛ yɛ ɛtsrɛa bha. Klɛ eklu bagɛ bayɛkɛŋa anɛ banyɛtsi klɛ ayɛkɔ yɛ akpɛ ahwɛ kɔa lɛ elulu.