Axwɛwɛwa 3:6 - ONUGBÙ NYƐNYÃ VUVƆ

⁶ Petro efeke aɖɔ asɛ, “Sɛkafufu ɔdɔgɔsɛ adzɛdzã ama mahwɛ, pɔ kɛgɛ lɛ mahwɛ nɛ mɛ ɛba kɔ wɔ. Nɛ Yesu Kristo Nazarɛtɛ eyi nɛ kinyi mɛ, lɔ ga.”

Axwɛwɛwa 3:6 Iomraidhean Croise

Mateo 10:9

Nɔ tɛ yɛkɔ sɛkadzɛdzã pɛ sɛkafufu ɔdɔgɔsɛ sɛkahẽhẽ ɔkpɛ wɔnɔ ɔdzadi mɛ,

Mateo 7:22

Bee gelee aba ɖɔ etsre mɛ nɛ kiwi lɛ nɛa bha sɛ, ‘Apalete, Apalete ganɛ wɔɛ nyi mɛ lɔɔ ɖɔ ebui lu, klɛ lɔ kɛka ɛfufɔɛkpã bu klɛ bu bhɛtɛ ebui gɛ eyinɔ anɔ gelee?’

Marko 14:8

Adzɛ nɛ abhɛtɛ kɛgɛ aba naa bhɛtɛ. Edzuawɔ̃ asra bubɔ kɔ mɛ tɛvuvubɔ.

Marko 16:17

Klɛ ebuimumɔa nɛ aba ga plɛnɔ bagɛ ba yɛkɛ aŋa: Nɛ mɛ nyi mɛ ba ba kɛka ɛfufɔɛkpã ebu; baba ɖɔa ɖɔ nɛ anɛkɛ vuvɔm;

Yohanɛsɛ 19:19

Pilatio aŋlɔmɛ kɛdɔ ata butsiosi nɛ shu. Kɛlɛ tɛkɛkla nɛ ɖɔ sɛ: Yesu Nazarɛtɛeyi, Yuɖanɛ Ekusi.

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Axwɛwɛwa 16:18

Adzɛnuvɔɛ nɛ aza kibui nɛa bha ewi gelee. Gugɔɛ nɛɛ yɛ tɛbhɛbhɛtɛ ba kpɛ Paolo bunuhu ɔklɛ etsyina tɔ ɔfufɔɛ klɛ etrse ɔlɛ asɛ, “Nɛ Yesu Kristo kinyim nɛɛ ɛtsre wɔ sɛ koeyi ɔbɔ fla nɛ adzɛnɛvuɔɛ nɛm!” Nɛ kibelɛ nɛm ko klɛ ɔfufɔɛ nɛ ɔshɛnahwɛ adzɛnuvɔɛ nɛ shu.

Axwɛwɛwa 2:22

“Izraɛlanɛ mɔ, nɔ tatɔ kibui nɛ, Yesu Nazarɛtɛ eyi nɛɛ edzi anɔ gɛ Kpaya ebu kɔnɔ ganɔ ebui gɛ abhɛtɛ bi mɛ, ebui yiyinɔanɔ nɛ kɛdɔmumɔm gɛ Kpaya abhɛtɛ nɛ wɔnɔɛ shi ganɔ yɛa bha, ansɛ gɛ wɔnɔ nahwɛ no nyi.

Axwɛwɛwa 2:36

“Kɛlɛso kɔ Izraɛl petee aza kidzoenu didi mɛ sɛ, Kpaya atɛ bhɛtɛ Yesua nɛ, gɛ nɔ kplasɔ, nɛ Apalete anɛ Kristo.”

Axwɛwɛwa 3:16

Ganɔ tɛyɛyɛkɛŋa nɛ Yesu kinyim nɛɛ, anɔa nɛ gɛ nɔɔ mɔ klɛ no nyi nɛɛ ba bhɛtɛ yɛ agɛganɛ. Yesu kinyi nɛ tɛyɛyɛkɛŋa nɛ gɛ de yɛm koeyi nɛɛ klɛ kɔ yɛ bunya nɛ beke, ansɛ gɛ wɔnɔ petee ɔmɔ.

Axwɛwɛwa 3:5

So, anyɛ nɛ etsyinatɔ alɛ, nɛ kidzoenu didi sɛ aba yɛkɛ kɛdɔ tili edenɔ balɛ ɔkɔ.

Axwɛwɛwa 3:7

Petro anyɛna yɛ kɛŋahwɛ, klɛ efeke yɛ edzu, klɛ ɔkɛlɛ nɛ ko, bugɛganɛ ku kɛkpata nɛ ɛtsrɛ anɛ butsrukpɔ oli nɛm.

Axwɛwɛwa 4:10

klɛalɛ no ti kibui, wɔnɔ nɛ Izraɛlanɛ nɛ petee ɔsɛ, Yesu Kristo Nazarɛtɛ eyi, gɛ nɔ kplasɔ flogo pɛ Kpaya aba nyɛmɛ yɛ edenɔ betsitsi nɛ shi, yɛ kinyim anyɛa nɛ gɛ eli wɔnɔ amɛ nɛ aga pɛ eebeke banya.

Axwɛwɛwa 4:7

Ba gbanɔ Petro anɛ Yohanɛsɛ amɛna balɛ amɛ klɛ ba kpa lɛ ebui bisi asɛ: “Ganɔ kemi ɔdɔgɔsɛ ane kinyim nɔ bhɛtɛ kibui nɛ?”

Axwɛwɛwa 9:34

Petro etsre yɛ asɛ, “Eneasɛ, Yesu Kristo ebeke wɔ bunya. Lɔ tɛ ɔyɛkɔ wɔ oputso.” Ɔkɛlɛɔlɛlɛ nɛ ko, Aeneasɛ evua lɔ.

1 Kɔrintioanɛ 4:11

Ɔdɔ tɔnɔ ɔɖɔ nɛ mɛ bubhɛ nɛ oniwɛ ɔbɔ ta lɔ, bu lɛ apɔtɛ tsɛtsa mɛ, be tu lɔ klɛ bupa ma bulɔ ahwɛ.

2 Kɔrintioanɛ 6:10

samemamɔ mamɔ, pɔ kibenyɛbe bu mɔ same, be tsyutsyukpɛ̃, pɔ bu mɔ ehoeyi gelee, kɛdɔmaza maza anɔ ahwɛ, pɔ kɛdɔnyɛdɔ lɛ anɔ ahwɛ.

2 Kɔrintioanɛ 8:12

Alasɛ onugɛ tɛpɛpɛɛ lɛ ɔkɛlɛ, ba ba yɛkɛ kɛkukɔ anɛ kɛgɛ lɛ yɛahwɛ nɛ nu, ganɛ kɛ gɛ ma yahwɛ nɛ shu.

2 Kɔrintioanɛ 8:9

Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

1 Petro 4:10

anɔnyanɔ awa kɛdɔnɔ gɛ ayɛkɛ shu kɛxwɛ kɔ ɛhaglɔ, nɛ tɛyɛyɛkɛŋa mɛ gɛ kɛ nu Kpaya ɛyamyuyɔ edidedi