Axwɛwɛwa 3:25 - ONUGBÙ NYƐNYÃ VUVƆ

²⁵ Klɛ wɔnɔ nu be yi kɔ batɔnu nɛ onugbu nɛ gɛ wɔnɔ akashishe alɛ nɛ ba nya nɛ Kpaya. Etsre Abraham asɛ, ‘Ganɔ weyi mumɔa bha ba ba yula banɔ nɛ petee nɛ kesukpa nɛa bha.’

Axwɛwɛwa 3:25 Iomraidhean Croise

Axwɛwɛwa 2:39

Tɛtutrɔɛ nɛ lɛ kɔ wɔnɔ nɛ wɔnɔeyia lɛ nɛ bagɛ ba lɛ odzidzekɔ, nɛ kɔ bagɛ balɛ bulɔ Apalete Kpaya nɛ ebe klu.”

Galatianɛ 3:8

Kpaya kɛplukpa kamɔ ɖɔ sɛ Kpaya ebe butsya kɔ bagɛ bedinu Yuɖanɛ ɔganɔ tɛyɛyɛkɛŋa abha, klɛ eputɔ aɖɔ kibui dzyɔgo kɔ Abraham: “Ba bayula amadi petee aganɔ wɔabha.”

Tɛbubukasɛ 7:9

Kɛɛ nɛ nɛede idi klɛ nɛ mɛ amɛ banɔɛha gbla tili za gɛ anɔnyanɔ atɛ ba na banɔ nu kla, denɔ amadiha, kɛmadi, banɔ anɛ benuhu, be li kititi nɛ bukusiegbu nɛ amɛ anɛ Obhoshieyi nɛ otugba. Ba kpɛ bawidzidze fufu klɛ be vunɔ trɛwã nɛ balɛ ahwɛ mɛ.

Galatianɛ 3:16

Ba ɖɔ ebui tɛtrɔlu etsre Abraham anɛ yɛ beshui. Kɛdɔ ŋuŋlɔmɛ lu dɛ ɖɔ sɛ “klɛ kɔ beshui,” kɛlenu sɛ banɔ gelee, pɔ “klɛ kɔ wɔ shu,” kɛliesi kɛlɛnu anɔ terikpo, gɛ enu Kristo.

Romanɛ 4:13

Ganɛ sɛ ɔshã abha Abraham anɛ yɛeyialɛ nɛ ba ga pɛ ba yɛkɛ tɛtutrɔ denɔ Kpaya ɔkɔ sɛ aba ŋa kanɔ, pɔ ganɔ tɛnɛna nɛ gɛ ba denɔ tɛyɛyɛkɛŋa mɛ.

Galatianɛ 3:29

Onugɛ onu Kristo ayɛ, kɛlalɛ onu Abraham eshui, nɛ bagɛ ba baŋa yɛ ɔzakɔ nɛ kɛ tɛtrɔlu nɛ shu.

Tɛbubukasɛ 14:6

Ɔkɛlɛ mɛ ɛmɔ kpayaxwɛdɛ bhlatɔ gɛ epruru gɛ adɛ vɛ kɛlɛ mɛ fanɔ, klɛ evunɔ ɛkpã mabeke mabeke anɛ kibuidzyɔgo sɛ tɛ aɖɔɛ lɛ etsre bagɛ be tsri kesukpa nɛa bha— kɔ kɛmadigbla kanyaka, amadibhli, bunuhu anɛ banɔ nɛ petee.

Tɛbubukasɛ 5:9

Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.

Romanɛ 15:8

Alasɛ itsre nɔ sɛ Kristo eti dzi Yuɖanɛ axwɛdɛ nɛ Kpaya kɛgba nɛ nyi mɛ nu, sɛ tɛ ayɛkɔ atrɔ kɛklãgbu nɛ tɛtutrɔ nɛ gɛ abhɛtɛ kɔ bakashishe

Axwɛwɛwa 13:26

“Badzya mɔ, Abraham yɛeyia lɛ mɔ, ganɛ wɔnɔa gɛ odinu Yuɖanɛ pɛ no si Kpaya kifu, blɔ so pɛ ba sɛsɛ anɔbubu kibui.

Luka 1:72

tɛ edi bulɔ aka lɛ nɛ eshutukubui nɛ tɛ abaka yɛ shubhubhui onugbunyɛnya,