Axwɛwɛwa 27:1 - ONUGBÙ NYƐNYÃ VUVƆ

¹ Kibe lɛ gɛ ba trɔa sɛ bɔba za kenia bha vɛ Italia, Paolo nɛ bevuza nɛ teli ba yɛkɔa lɛ akpɛ ahwɛ kɔ behudugbani aka teli gɛ be klua sɛ Yuliusɛ, gɛ edi behudugbani nɛ gɛ epo Romanɛ Ekusigbla nɛ ɔmayɛ teli.

Axwɛwɛwa 27:1 Iomraidhean Croise

Mateo 27:54

Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Luka 23:47

Keyutugbani anɔ gbɛgbla, gɛ amɔ ebui gɛ la ba ba, akpɛ Kpaya kɛtɔkpu nɛabha klɛ aɖɔ sɛ, “Kɛgbɛagba anɔ dzyɔgo yɛ edzi.”

Luka 7:2

Ɔkɛlɛ Keyutugbani ovulo agbɛgbanɛ axwɛdɛ teli gɛ adɛ dɛmɛ nɛ yishu, anya klɛ avɛ otsi kɔ.

Axwɛwɛwa 10:1

Nɛ Sizeria nɛɛ anyɛ teli aza gɛ be klua sɛ Kɔnelusɛ, gɛ edzi keyutugbani kɛfɔɛfɔ aka nɛ Italia keyu ovulo toli nu.

Axwɛwɛwa 10:22

Banyɛ nɛ bu ishu nu sɛ, “Kɔnelius gɛ enu Italia keyuovulo aka nɛ ɔkɔ lɔ de. Enu anɔ dzyɔgo klɛ esi Kpaya kifu, klɛ Yuɖanɛ nɛ petee akɔ yɛ ɔzakɔ. Axwɛdɛ nɛna teli etsre yɛ asɛ akɔ wɔ ɔba yɛ bupa mɛ tɛ enu ebui nɔɔ nɛ gɛ alɛ wɔ ahwɛ pɛ ɔbɔ ɖɔ.”

Axwɛwɛwa 16:10

Gɛ Paolo amɔ kɛdɔ nɛ na beke, bu bala tsiɔ̃ kɔ Makedonia tɛ shɛshɛ vɛ, alasɛ bu yɛkɔ sɛ Kpaya eklu lɔ sɛ bu da ɖɔ kibui dzyɔgo nɛ tsrea lɛ.

Axwɛwɛwa 18:2

Nɛ ɔklɛ nɛ atsyanɔ Yuɖa eyi teli gɛ be klua sɛ Akuila, ede Pontus, klɛ ede Italia aba eke dze yɛ anɛ yɛedzini Prisilla, alasɛ ekusi Klauɖiusɛ atɛ kɔ ɔshã sɛ Yuɖaeyi kanyaka ashɛ̃ nɛ Roma. Paolo aba vɛ sɛ tɛ ada mɔa lɛ,

Axwɛwɛwa 19:21

Nɛ anɛ nɛ petee tɛbɛba kede nɛɛ, Paolo aba trɔa sɛ aba shɛ avɛ Yerusalɛm aganɔ Makedonia anɛ Atsyaia. Klɛ aɖɔ sɛ, “Onu gɛ ɛda ku ɔklɛ nɛɛ, alasɛ tɛ ɛvɛ Roma tsyɛ.”

Axwɛwɛwa 21:32

Nɛ kɛlɔ tili mɛ agbanɔ yɛ baxwɛwa anɛ behudugbani nɛ teli klɛ bakpa nɛ kisi avɛ ada tɔnɔ banɔɛza. Kibe lɛ gɛ banɔɛza na mɔ behudugbani aka anɛ yɛ banɔ nɛ ko klɛ bayɛlɔ Paolo tu.

Axwɛwɛwa 22:26

Gɛ behudugbani aka nɛ enu Paolo kibui nɛ gɛ ebisi nɛ, atɔnɔ Apalete nɛ avɛ ede tsrea sɛ kana aɖɔ. Klɛe bisi yɛa sɛ, “Kide wɔ ɔbɔ bhɛtɛ?” “Anya nɛ enu Romaeyi.”

Axwɛwɛwa 23:11

Nɛ kɛlɛ elishi nɛ mɛ Apalete nɛ aza plɛnɔ Paolo klɛ etsrea sɛ, “Kpɛ kite! Anasɛ gɛ ɔtɛ ɖɔ denɔ mɛshu nɛ Yerusalɛm nɛ, kana ko alasɛ tɛ ɔɖɔ nɛ Rom tsyɛ.”

Axwɛwɛwa 23:17

Ɛklɛ Paolo eklu behudugbani aka nɛ teli klɛ etsrea sɛ, “Gbanɔ anyɛnuvɔɛa nɛ ɔvɛnɔ wɔnɔ Apalete; evunɔ kibui tili asɛ etsre yɛ.”

Axwɛwɛwa 24:23

Akɔ sɛ yɛ behudugbani aka edi klɛ ɔkɔ sɛ akpɛ yɛ nɛ tɛpupoesi, pɔ akɔ kidzo nɛ yɛshu kɛbɔɛ sɛ tɛ yɛ ɔbhɛalɛ na mɔ yɛ ɔkɔɛ di.

Axwɛwɛwa 25:12

Gɛ Festusɛ ada ɖɔa ɖɔ nɛ yɛ beshishe nɛ beke, ebe bu aɖɔ asɛ: “Ɔbhɛtɛ tɛbibisi denɔ Kaɛza ahwɛ. Kaɛza kɔ ko ɔbɔ vɛ!”

Axwɛwɛwa 25:25

Ɛga ebuim klɛ ɛmɔ sɛ adɛ bhɛtɛ kibui nyɛ bui gɛ dzyenɔ butsi, pɔ gɛ atɛ bhɛtɛ tɛbibisi sɛ ba shɛnahwɛ yɛ shu denɔ akagbla nɛ ɔkɔ nɛ Rom so ɛbhɛtɛ tɛtɛtrɔ sɛ ɛba yɛkɔ yɛ ɛsɛsɛ ɔkɛlɛ.

Axwɛwɛwa 27:11

Pɔ nɛ kɛlɛm sɛ tɛ behudugbani aka nɛ gɛ agbanɔ lɛ nɛ ata batɔ nɛ kibui nɛ gɛ Paolo aɖɔ nɛɛ, ada lɛ opupuelete anɛ agɛ ebu ɔlɛ nɛ kibuiɖuɖɔe de.

Axwɛwɛwa 27:43

Pɔ balɛ akagbla nɛ apɛa sɛ tɛ ebu Paolo ɛkpã so nɛɛ adɛ dɛmɛ atrɔ tɛtutrɔɛ lɛ niabha kɔa lɛ. Akɔ sɛ tɛ balɛ aga ba na de nɛ betsoku keni nɛm eputɔnɔ tɛ be de ku obgigbe nɛa bha.

Axwɛwɛwa 27:6

Ɔkɛlɛ behudugbani aka nɛ gɛ agbanɔ alɛ nɛ amɔ Alɛksandranɛ keniabha opupugbla toli lɔ vɛ Italia, klɛ ayɛkɔ lɔ akpɛ ɔlɛm.

Axwɛwɛwa 28:1

Gɛ bu tsɔkɛ da zhi mɔɔ mɔ beke, bu mɔ sɛ be kulu kesukpa nɛa bha gɛ bu da ku nɛ sɛ Malta.

Axwɛwɛwa 28:16

Gɛ bu da ku Roma nɛɛ, bakɔ sɛ Paolo aza yɛshuahwɛ, anɛ ehudugbani terikpo tɛ epo yɛ.

Hebriuanɛ 13:24

Sɛnɛ bagɛ balɛ nɔ nu petee anɛ Kpaya banɔ petee. Bagɛ de Italia aba ba sɛnɛ nɔ.