Axwɛwɛwa 26:16 - ONUGBÙ NYƐNYÃ VUVƆ

¹⁶ ‘Ɔtsɔtsiɔ̃ nɛɛ, vu lɔ tɛ ɔza wɔ ɛtsrɛa bha. Ɛwɛ̃ nɛ wɔamɛ sɛ tɛ ɛkpɛ wɔ anasɛ axwɛdɛ anɛ ansɛ axwɛwa nɛ ebuimɔɖɔ kɔ kɛdɔnɔ nɛ gɛ ɔmɔ denɔ mɛ shu anɛ kɛgɛ ɛba kasɛ wɔ.

Axwɛwɛwa 26:16 Iomraidhean Croise

Luka 1:2

anasɛ gɛ ba yɛkɔ akpɛ bulɔ ahwɛ nɛ bagɛ denɔ kesikpɛkpɛ gɛ bedzi awɔ̃hũ bebuimɔɖɔ nɛ baxwɛdɛ kɔ ebui.

Axwɛwɛwa 1:17

edzi bulɔ mɛayɛ teli gɛ yɛ tsyɛ abhɛtɛ tili nɛ Kpayɛxwɛ nɛm.”

Axwɛwɛwa 1:25

sɛ tɛ yɛ ayɛkɔ anɔkpɛkpɛ Kpayɛxwɛ, nɛ shu gɛ Yuɖas ashɛ̃nahwɛ elu pɛ ashɛ̃ avɛ yɛ ɔvɛkɔ.”

Axwɛwɛwa 20:24

Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

Axwɛwɛwa 21:19

Paolo asɛnɛ banɔ klɛ etsrea lɛ kɛkanyaka kɛdɔnɔ nɛ gɛ Kpaya abhɛtɛ nɛ bagɛ di nu Yuɖanɛ nɛ shi ganɔ yɛ kɛdɔ kɛkasɛ nɛ mɛ.

Axwɛwɛwa 22:10

Ebisi sɛ, “ ‘Kide mɛ ɛba bhɛtɛ, Apalete?’ Apalete na ɖɔ sɛ, “ ‘Vu ɔlɔ,’ ‘tɛ otsoku Damaskosɛ. Ɔkɛlɛ be be tsre wɔ kɛxwɛ nyɛxwɛ gɛ batrɔ kɔ wɔ sɛ tɛ ɔwa.’

Axwɛwɛwa 23:11

Nɛ kɛlɛ elishi nɛ mɛ Apalete nɛ aza plɛnɔ Paolo klɛ etsrea sɛ, “Kpɛ kite! Anasɛ gɛ ɔtɛ ɖɔ denɔ mɛshu nɛ Yerusalɛm nɛ, kana ko alasɛ tɛ ɔɖɔ nɛ Rom tsyɛ.”

Axwɛwɛwa 26:15

“Kɛlɛ mɛ ɛbisi sɛ, “Wɔ onu ane, Apalete?’ Apalete nɛ ebu klɛ nu as, ‘Mɛ nu Yesu, gɛ ɔkpatɔnɔ.’

Axwɛwɛwa 6:4

tɛ bulɔ bu yɛkɔ ishu kɔ Kpaya kuklu anɛ yɛ kibui nɛ tɛɖuɖɔ.”

Romanɛ 1:5

Ganɔ yɛa bha anɛ yɛ kinyi nɛ so, bɔ yɛkɛ eshutukubui didi anɛ akpɛkpɛxwɛ sɛ tɛ ekulu banɔ denɔ bagɛ be di nu Yuɖanɛ nɛ petee mɛ kɔ batɔtɛta gɛ ede tɛyɛyɛkɛŋam.

Romanɛ 15:16

sɛ idzi Kristo Yesu kibui nɛ aɖuɖɔ kɔ bagɛ ba dɛ yɛkɛaŋa plɛnɔ kpayanɔ axwɛwa kɔ Kpaya kibui dzyɔgo nɛ tɛɖuɖɔ, sɛ tɛ bagɛ ba dɛ yɛkɛaŋa ne be dzi beyi gɛ Kpaya aba yɛkɛ, gɛ Ɔfufɔɛ Dzyɔgo nɛ ɔtrɔahwɛ.

2 Kɔrintioanɛ 4:1

Kɛlɛso ganɔ Kpaya eshutukubui didi belɛlɛ kɛxwɛwɛwa lɛlɛ nɛ lɛ bulɔ ahwɛ, idzyi edi koeyi nɛ bulɔɛ temɛ.

2 Kɔrintioanɛ 5:18

Anɛ petee de Kpaya kɔ, yɛ abhɛtɛ terikpo nɛ lɔ aganɔ Kristo abha klɛ akɔ lɔ kɛxwɛwɛwa nɛ terikpobhɛbhɛtɛ shu,

Galatianɛ 1:12

Ɛdɛyɛkɛ lɛ denɔ anɔnyanɔ kɔ, ɔdɔgɔsɛ bakasɛ mɛ lɛ, pɔ nɛɛ, ɛyɛkɛ lɛ ganɔ Yesu Kristo kibui bubukasɛ nɛ mɛ.

Galatianɛ 2:2

Ɛvɛ nɛ tɛdɛdɛmɛ kɔ tɛbubukasɛ mɛ klɛ ɛyɛkɔ kpɛ balɛ mɛ kibui dzyɔgo gɛ ɛɖɔ kɔ bagɛ bedinu Yuɖanɛ. Pɔ ɛbhɛtɛ kɛnɛ nɛ tɛkpukpuimɛ kɔ bagɛ balɛ bamɔ sɛ be nu bagbɛgbanɔ, nɛ kifusisi mɛ sɛ ɛkpanisi odɔgɔsɛ ɛkpanisi gɛ kibuinyɛbui ma kɛlɛ mɛ.

Efesoanɛ 3:3

kɛlɛ nu, kibui kpukpu gɛ akɔ mɛ tii ganɔ tɛbubukasɛ, anasɛ gɛ ɛtɛ ŋlɔmɛ kplita kɔ nɔ.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Koloseanɛ 1:25

Ɛba dzi kɛlɛ axwɛdɛ ganɔ Kpaya ahwɛ tɛtɛtrɔ abha gɛ akɔ mɛ tɛ ɛyɛkɔ Kpaya kibui kɔ nɔ nɛ kɛlɛ tɛkpikpe mɛ—

Koloseanɛ 1:7

Nɔ kpasɛ lɛ denɔ Epafrasɛ, bulɔ ɔhayɛ axwɛdɛ, gɛ enu Kristo axwɛwa gɛ ayɛkɛaŋa nɛ bulɔ nu,

1 Tɛsolonianɛ 3:2

Bu kpɛ Timotio, gɛ enu bulɔadzya nɛ Kpaya axwɛwa bhla nɛ Kristoebui nɛ tɛkɛkɛka mɛ, tɛ abhɛtɛ nɔ tɛ nɔ gɛganɛ tɛ akpɛ nɔ kemi nɛ nɔ tɛyɛyɛkɛŋa nɛ mɛ,

1 Timotio 1:12

Ihu bulɔ Apalete Kristo Yesu ahwɛ, gɛ akɔ mɛ bugɛganɛ, gɛ edi mɛ asɛ anɔ gɛ tɛyɛyɛkɛŋa lɛ mɛahwɛ, klɛ eebu mɛ akɔ yɛ kɛxwɛ.

1 Timotio 4:6

Onu gɛ obu ebuianɛ ɔkasɛ badzya nɛɛ, obo dzi axwɛwa dzyɔgo kɔ Kristo Yesu, gɛ ba mɛna edenɔ kɛgba tɛyɛyɛkɛŋa nɛ mɛ anɛ kɛdɔkɛkasɛ dzyɔgo nɛe de gɛ ɔlɛ.

2 Timotio 4:5

Pɔ wɔ, nyɛna ishu nɛ ebuinyɛbui di mɛ, za gɛganɛɛ nɛ butɔ́ mɛ, wa kɛxwɛ ansɛ anɔ gɛ akaka kibui, wa wɔ axwɛ nɛ petee gɛ ba kɔ wɔ nɛ Kpayɛxwɛ nɛ mɛ.