Axwɛwɛwa 24:5 - ONUGBÙ NYƐNYÃ VUVƆ

⁵ “Bɔ ba mɔ sɛ anyɛa nɛɛ enu anɔ gɛ akpɛ bunuhu, akpɛ ozi nɛ Yuɖanɛ nɛ kishi kana kanɔm petee. Enu otugbanɔ kɔ Nazarɛtɛanɛ ɔshɛ

Axwɛwɛwa 24:5 Iomraidhean Croise

Mateo 10:25

Abɔ kɔ adɔkpasɛ sɛ tɛ aza ansɛ yɛ adɔkasɛ, tɛ axwɛdɛ tsyɛ aza anasɛ yɛ apalete. Onu gɛ bee kulu apaka nɛ asɛ Ɔfufɔɛkpã ekusi, klɛ le be kulu yɛ bupa mɛanɛ!

Mateo 2:23

klɛ ada za ɔma toli gɛ bee kulu asɛ Nazarɛtɛ nɛm. Kana kɛda ba kɛlɛm anasɛ gɛ ba ɖɔɛ lɛ aganɔ batɔmu nɛa bha asɛ: “Be be kulu yɛ asɛ Nazarɛtɛeyi.”

Marko 1:24

“Kidee wɔ Yesu Nazarɛtɛ eyi nɛ ɔpɛɛ denɔ bulɔ ɔkɔ? Ɔba sɛ tɛ obo beke lɔ dza? Inyi anɔ nɛdi gɛ onu, wɔ nu Kpaya Ɔfufɔɛ Dzyɔgo Anɔ!”

Luka 23:19

(Barabas enu anɔ gɛ be vu akpɛ buvu sɛ akpɛ ogugu nɛ ɔma nɛ tɔkpu klɛ eyi anɔ.)

Luka 23:2

Klɛ be tenɔ kibui yɛkɔ nɛ yɛ shu aɖɔ sɛ, “Bu mɔ anyɛ anɛ gɛ alɔɛ titi nɛ bulɔ ɔma nɛ shu. Alɔɛ titi nɛ kadzɔ kukɔ kɔ Kaizaro klɛ abhɛtɛ yɛ shu sɛ yɛ enu Kristo ekusi.”

Luka 23:25

Ashɛnahwɛ anɔ nɛ gɛ bevu akpɛ buvu gɛ alɔɛtiti nɛ bekusi nɛ shu pɛ̀ eyianɔ nɛ shu, klɛ ayɛkɔ Yesu akɔ alɛ nɛ balɛ tɛpɛpɛɛ nɛ nu.

Luka 23:5

Pɔ ba za lɛabha sɛ, “ Akpɛ ebla nɛ banɔ petee gɛ balɛ Yuɖea shi ganɔ yɛ kɛdɔkɛkasɛ mɛ. Akpɛesi nɛ Galelia klɛ atɔnɛ dzo aba ɔkɛ̃ nɛ.”

Axwɛwɛwa 15:5

Ɔkɛlɛ bagɛ bayɛkɛaŋa nɛ teli gɛ be nu Farisianɛ ɔha mɛ elete nɛ vu alɔ klɛ la ɖɔ asɛ, “Alasɛ tɛ be bhui bunyɛnyɛ akɔ bagɛ edi nu Yuɖanɛ tɛ ba bhɛtɛ atrɔ Mose ɛshã nɛa bha.”

Axwɛwɛwa 21:28

nɛ igugu kpɛkpɛ sɛ, “Izraɛl banyɛ mɔ, nɔ plɛnɔ lɔ mɔ! Anyɛ nɛ gɛ akasɛ anɔnyanɔ kɛdɔ nɛ ɔkɔnyɔkɔ akɔ lɔ kititi nɛ blɔ nɛ blɔ ɛshã nɛ shu nɛ ɔkɛ̃ nɛ petee nɛ naa. Klɛ nɛ klɛede nɛɛ, agbanɔ Grikanɛ ayɛkɔ amɛna blɔ busɔlɛvu nɛm gɛ kinu ogu kpɛkpɛ blɔ buvu nɛm kɔlɔ.”

Axwɛwɛwa 22:22

Banɔɛza nɛ dzi aza ta yɛatɔ mɔɔ mɔ ɔdɔ nanɔ kibe lɛ mɛ gɛ aɖɔ sɛ Apalete nɛa kpɛ yɛ ko, oblo ku banɔ klɛ bakpa igugu kpɛ nɛ yɛa bha klɛ la ɖɔ sɛ, “Nɔ fla nɛ yɛ nɛ ɔkɛ̃! Edi dzyenɔ sɛ tɛ afla za nɛ ɛkpã!”

Axwɛwɛwa 24:14

Pɔ nɛɛ, ɛdɛmɛ sɛ ɛklu blɔakalɛ Kpaya anasɛ anɔ gɛ alɛ balɛ kidzo nɛede, gɛ be klua sɛ ɔshɛ. Ɛyɛkɛ kɛbuinyɛbui dia bha ŋa gɛ kɛ lɛ Ɔshã nɛ nu gɛ batɔnu nɛ aŋlɔmɛ,

Axwɛwɛwa 24:4

Pɔ tɛ bɔ tɛ kpɛ wɔ bunuhu fanɔ, ɛba pɛ sɛ tɛ ɔtatɔ nɛ lɔ kplita.

Axwɛwɛwa 25:7

Gɛ Paolo awɛ̃ nɛɛ, Yuɖanɛ nɛ gɛ zhi ede Yerusalɛm nɛ be li kititi akana yɛ, klɛ be bu ebui tsutsɔmɔtsɔmɔ kpi gɛ ba yɛkɔ nɛ yɛ shu nɛ aɖɔ, gɛ balɛ nahwɛ nɛ ba dɛ na alɛ shu danɛ.

Axwɛwɛwa 26:5

Be ti tim kukuku kibe dzidze nɛɛ klɛ ba ba na, onu gɛ ba pɛɛ, baɖɔaɖɔ nɛ mɛ shu, sɛ nɛ bulɔ busɔlɛ nɛ kidzogɛganɛ kapɛ mɛ, ɛza ansɛ Farisieyi ana.

Axwɛwɛwa 28:22

Pɔ nɛɛ bu pɛ sɛ tɛ bu nu denɔ wɔkɔ kana gɛ wɔ kɛdɔmumɔ nɛ lɛ, alasɛ bu nyi sɛ banɔ nɛ ɔkɔnyɔkɔ naa ɖɔ kaɖɔ kpã nɛ ɔha nɛ shu.”

Axwɛwɛwa 5:17

Ɔkɛlɛ kpayanɔgbla anɛ yɛ ɔhayɛalɛ, gɛ bakpasɛ Sarusianɛ ɔha nɛm, ne yuku nɛ kawɔ̃kpɛ.

Axwɛwɛwa 6:13

Itro ebuimɔɖɔ teli la gbanɔ amɛna pɛ ba ba ɖɔa ɖɔ, “Anya nɛ aka zukɔlɔ kititi lulɔ kaɖɔ ɖɔ nɛ ɔnɛnakɔ dzyɔgo anɛ kititi lulɔ nɛ ɔshã nɛ shu edi.

1 Kɔrintioanɛ 11:19

Otro ɔma kɛlɛ mɛ alasɛ tɛ ɔtɔgɛga ɔza wɔnɔɛ shi, tɛ kɛ kasɛ anɔ nɛ gɛ yɛ abha Kpaya atrɔ ahwɛ.

1 Kɔrintioanɛ 4:13

kibenɔ gɛ ba kula lɔ, bulɔ bu builɛ nu nɛ ishuyuyɔ. Denɔ ɔtsɔnɛ bu dzi kɛtɔ anɛ kesukpa, tɛwũlɔ nɛ kanɔ nɛ mɛ.

1 Petro 2:19

Alasɛ ki nu tɛyɛyɛkɛ kpɛ lɛ mɛ sɛ onugɛ anɔ amɔ butɔ gɛ bu ma kidzo abha alasɛ Kpaya so abhɛtɛ lɛ.