Axwɛwɛwa 2:9 - ONUGBÙ NYƐNYÃ VUVƆ

⁹ Patians, Medis anɛ Elamaɛts, banɔ gɛ alɛ Mesopotemia, Yuɖea anɛ Kapadokɛa, Pɔntus anɛ Asia,

Axwɛwɛwa 2:9 Iomraidhean Croise

Axwɛwɛwa 16:6

Paolo anɛ yɛshopoalɛ na nyɔa ganɔ Frigia anɛ Galatia kɛdɔ nɛm pete, gɛ Ɔfufɔɛ Dzyɔgo nɛ ɔdɛ kɔa lɛ kidzo sɛ baɖɔ kibui nɛ Eshia kɛdɔ nɛm.

Axwɛwɛwa 18:2

Nɛ ɔklɛ nɛ atsyanɔ Yuɖa eyi teli gɛ be klua sɛ Akuila, ede Pontus, klɛ ede Italia aba eke dze yɛ anɛ yɛedzini Prisilla, alasɛ ekusi Klauɖiusɛ atɛ kɔ ɔshã sɛ Yuɖaeyi kanyaka ashɛ̃ nɛ Roma. Paolo aba vɛ sɛ tɛ ada mɔa lɛ,

Axwɛwɛwa 19:10

Kɛdɔ kɛkasɛ nɛ vɛ klɛa bha agɔ tabha nyɔɔ, sɛ tɛ Yuɖanɛ anɛ Grikanɛ nɛ gɛ balɛ Asia kɛdɔ nɛ mɛ tsyɛ be nu Apalete nɛ kibui.

Axwɛwɛwa 19:27

Ganɛ blɔ kedzi tɛzizi shu ko kifu lɛ, pɔ ɔyɛkɔ plɛnɔ nɛ obudidzɛ gbla Artemisɛ busɔlɛvu nɛ shu tsyɛ ba zi, klɛ nɛ obudidzɛ nɛ nahwɛ gɛ ba kpɛ kɛtɔkpue si kɔ nɛ Asia nɛ kanɔm petee ishubhubhui gbɛgbla nɛ ba xule.”

Axwɛwɛwa 19:31

Otugba banɔ nɛ teli tsyɛ nɛ kɛma lɛlɛ nɛm gɛ benu Paolo yɛ ɔbhɛa lɛ na kla yɛ ɔsɔ aakɔ yɛ kɛtɔkpu sɛ atɛ pɛɛ sɛsɛ asɛ etsoku buwɔfuvu nɛm.

Axwɛwɛwa 2:8

Kɛlɛ klɛɛ lɛ dzi so pɛ bulɔ mɛ anɔnyanɔ enu kibui nɛesi nɛ yɛnahwɛ bunuhu mɛ?

Axwɛwɛwa 20:16

Paolo atɛ trɔ sɛ aba za kenia bha opupum ada fla Efesos sɛ tɛ ete de zi kibe nɛ Asia kɛdɔ nɛm, alasɛ anawɔ̃ sɛ tɛ ede ku Yerusalɛm, onu gɛ kɛ ba dɔ nɛ Pentekoste kiwi nɛa bha.

Axwɛwɛwa 20:18

Gɛ be be ku nɛɛ, Etsrea lɛ asɛ: “No nyi kana gɛ ɛza nɛ kibe nɛ peteem gɛ ɛza wɔnɔ bha, denɔ kiwi tutɔpu nɛ gɛ ɛba tsoku Asia kɛdɔ nɛm.

Axwɛwɛwa 20:4

Sopata gɛ enu Pirrus yɛeyi gɛ ede Bɛria, Aristatsyusɛ anɛ Sekundus gɛ bede Tɛsalonika, Gaiusɛ gɛ ede Dɛbi, Timotio tsyɛ, anɛ Taitsyikus anɛ Trofimusɛ gɛ bede Asia kɛdɔ nɛm petee ba kpɛ ketsu nɛ yɛ nɛ tɛ shɛshɛ nɛm.

Axwɛwɛwa 21:27

Kibe lɛ nɛ gɛ ewi tegene na vɛ obeke kɔ nɛɛ, Yuɖanɛ nɛ teli gɛ ede Asia kibe na mɔ Paolo nɛ busɔlɛvu nɛm. Banɔa lɛ na kɔ sɛ banɔɛza nɛ vu alɔ klɛ be vu yɛ,

Axwɛwɛwa 24:18

Ɛza ishu bhubhui mɛ onu gɛ ba mɔm nɛ busɔlɛvu nɛ be mɛ bhɛtɛ ana. Banɔɛza kanyaka dɛ za plɛnɔ mɛ, ɔdɔgɔ sɛ ɛda kpɛ onugbu nɛ hunyahunya kanyaka mɛ.

Axwɛwɛwa 27:2

Buku kenia bha opupugbla gɛ lo de Adramitiɔm pɛ lɔ bala kɔ aƒu shu ɛdzrɔkɔ nɛ Asia kɛdɔ nɛm tɛvɛvɛ, klɛ lɔ shɛ. Aristatsyusɛ gɛ enu Makedonian eyi teli gɛ ede Tɛsalonika tsyɛ aza blɔɛ shi.

Axwɛwɛwa 6:9

Kititi lulɔ ba ba, pɔ, denɔ banɔ nɛ gɛ be nu ishuahwɛ zɛzanɔ oxogokɔvu nɛm ɔkɔ (ansɛ gɛ beklua lɛ) Yuɖanɛ ge de Sirene anɛ Alɛksandrɛa ɔkɔ plɛnɔ Silisia anɛ Asia amadi nɛm. Banɔa na ba kpa ebui wɛlãkɛ nɛ Stefano,

Axwɛwɛwa 7:2

Ebui lɛ nu aɖɔ sɛ, “Madzyalɛ anɛ mɛakalɛ mɔ, nɔ tatɔ tɛ nɛ mɛ! Ishu dɛdanɛ Kpaya nɛ ebu ishu akasɛ bulɔ Aka Abraham nɛ kibe lɛ gɛ aka lɛ Mesopotemia, flogo pɛ aba za Haran.

Romanɛ 16:5

Ɛsɛnɔ basɔlɛha tsyɛ gɛ ɔzaesi nɛ balɛ bapa nɛ mɛ. Ɛsɛnɔ mɔbhɛa dzyɔgo Epenetusɛ, gɛ edzi anɔ tutɔpu gɛ etsyina ku Kristo mɛ nɛ Esia kɛdɔnɛm.

1 Kɔrintioanɛ 16:19

Basɔlɛha gɛ lɛ lɛ Asia ekpo nɛ mɛ ba sɛnɛ nɔ asɛsɛ. Akwila anɛ Prisila ba sɛnɛ nɔ mɔmɔ nɛ Apalete nɛ nyi mɛ, klɛ kana busɔlɛɔha gɛ lɛ tsa nɛ balɛ bupanɛ mɛ balɛ tayɛ abhɛtɛ.

2 Kɔrintioanɛ 1:8

Bu dɛ pɛɛ sɛ tɛ nɔ za matimati mɛ, badzya, denɔ butɔ nɛ gɛ bu mɔ nɛ Asia ɛma nɛ mɛ. Bu za ebui gɛganɛ gɛ atrɔ bulɔa bha, gɛ bu tɛ ba na alɛ nu za, gɛ kɔ sɛ kidzoenu didi dɛ za bulɔ ɛkpã.

2 Timotio 1:15

Onyi sɛ anɔnyanɔ nɛ Asia kɛdɔ nɛ mɛ na tɛ shɛ alɔ mɛ, ɔyɛkɔ plɛnɔ Fidzyelusɛ anɛ Hɛmodzyenesɛ.

1 Petro 1:1

Mɛ Petro, Yesu Kristo anɔkpɛkpɛ, Ɛŋlɔmɛ kɔ Kpaya yɛ ekuklu, befu nɛ kanɔ nɛ mɛ, gɛ bakɛkaku Ponto, Galatia, Kapadokia, Asia anɛ Bitinia,

Tɛbubukasɛ 1:11

gɛ kaa ɖɔ sɛ, “Ŋlɔmɛ kɛdɔnɔ nɛ gɛ ɔmɔ nɛ ɔtrɔ keplukpa bha tɛ ɔyɛkɔ sɛsɛ basɔlɛha tigene: Efesusɛ, Simina, Pɛgamum, Taɛtira, Saɖisɛ, Filadelfia anɛ Laoɖisea.”

Tɛbubukasɛ 1:4

Denɔ mɛ Yohanɛsɛ ɔkɔ, Kɔ basɔlɛha tigene nɛ Esia kɛdɔ nɛ mɛ: Ɛyamyuyɔ anɛ ishuyuyɔ kɔ nɔ denɔ agɛ yɛ alɛ, anɛ agɛ yɛ aza, nɛ agɛ yɛ aba tɛ ba nɛ ɔkɔ, anɛ denɔ ɛfufɔɛ tigene nɛ ɔkɔ nɛ yɛ kegbu nɛ amɛ,