Axwɛwɛwa 2:41 - ONUGBÙ NYƐNYÃ VUVƆ

⁴¹ Banɔ nɛ gɛ ba yɛkɛ kibui ba kpɛ buni akɔa lɛ, klɛ banɔ ansɛ akpãtata balɛ la za yɛkɔ ata tɛkpikpe nɛm kiwi lɛlɛ.

Axwɛwɛwa 2:41 Iomraidhean Croise

Yohanɛsɛ 14:12

Kɛ bui gbɛagba mɛ tsre nɔ, anɔnyanɔ gɛ tɛyɛyɛkɛŋa lɛ yɛ awɛ nɛ mɛ́ mɛ aba bhɛtɛ kɛdɔnyɛdɔ gɛ ɛbhɛtɛ. Aba bhɛtɛdɛ ebui gbɛgbla dɛ anɛ nɛ tsyɛ, alasɛ ɛvɛ Aka nɛ ɔkɔ.

Yohanɛsɛ 21:11

Simɔnɛ Petro ewuku opupu nɛ mɛ klɛ ehe dzikle nɛ kɛdzya nɛ amɛna kigbigbe nɛa bha. Eyuku nɛ kenimɛadzya gbla, kɛfɔɛfɔ nɛ afeti nɛ tɛata, pɔ nɛ adzya geleea nɛ tsyɛ dzikle nɛ adɛ tsyɔɛ̃.

Axwɛwɛwa 1:15

Nɛ ewi alɛlɛ nɛm nɛɛ Petro alɔ kititi nɛ bagɛ bayɛkɛaŋa nɛ shi, (banɔ gɛ balɛ tɛkpɛkpem ba za ansɛ kɛfɔɛfɔ nɛ afɛtabha)

Axwɛwɛwa 13:48

Gɛ bagɛ edi nu Yuɖanɛ ne nu kibui nɛɛ, ba mɔ same klɛ ba yɛkɛ Apalete nɛ bui, klɛ bagɛ balɛ petee be klua kɔ ɛkpã mabeke mabeke na yɛkɛaŋa.

Axwɛwɛwa 2:37

Gɛ banɔ nɛ nu kibui nɛɛ, kibhui balɛ kite mɛ ohui klɛ baa ɖɔ tsre Petro anɛ Banɔkpɛkpɛ gɔgɔɛ nɛ asɛ, “Badzya mɔ, kide lɔ ba bhɛtɛ?”

Axwɛwɛwa 2:47

nɛ Kpaya kabhakpɛkpɛ anɛ samɛ mumɔ nɛ ɔhayɛ eshutukubui didi mɛ denɔ banɔ nɛ petee ɔkɔ. Klɛ Apalete nɛ abhɔ tikpikpe nɛm atrɔ kiwinyɛwi ɔplɛnɔ bagɛ be ti bu.

Axwɛwɛwa 27:37

Nɛ tɛxuxogo mɛ bu za banɔ kɛfɔɛfɔ edi tabha anɛ aftegene nɛ tɛehlo (276) nɛ keniabha opupu nɛ mɛ.

Axwɛwɛwa 3:23

Anɔnyanɔ gɛ atɛ ba ta yɛ batɔ nɛ be bu yɛ atɛɛ petee nɛ yɛɔhayɛalɛ shi.’

Axwɛwɛwa 4:4

Pɔ banɔ gelee gɛ be nu kibui nɛɛ ba yɛkɛ aŋa, klɛ banɔ nɛ tɛkpikpem ba vɛ otugba dananɔ ansɛ akpã teti.

Axwɛwɛwa 7:14

Kɛɛnɛ nɛede, Yosɛfu aba kpɛ asɛ be klu yaka Yakɔp anɛ yɛeshopoalɛ nɛ petee, gɛ balɛ peteea lɛ afɛtegene nɛ tieti.

Romanɛ 13:1

Anɔnyanɔ akpɛ kɛtɔkpuesi kɔ bagɛaŋɛabha pɛ ba gbanɔ anɔ, alasɛ kabhaŋɛŋa kanyaka ma gɛ odinu sɛ Kpaya yɛ edzua lɛ. Bukusi ɛŋakɔ nɛ petee gɛ lɛ Kpaya yɛ edzu ɛlɛ.

1 Tɛsolonianɛ 1:6

No bo dzi banɔ gɛ no di bulɔ anɛ Apalete nɛ pɛ nɔɔ bhɛtɛ; nɛ butɔ gɛganɛɛ mɛ tsyɛ, nɔ yɛkɛ kibui nɛ gɛ ba mɛna nɔ nɛ same ganɔ Ɔfufɔɛ Dzyɔgo nɛ ɔkɔ.

1 Petro 3:20

agɛ adɛ tatɔ kibe dzidze bafla gɛ Kpaya epo nɛ ishunyɛnyɛna mɛ nɛ Noah ewui nɛabha gɛ àfatɛ yɛ otsyokpo. Nɛ ɔlɛ mɛ banɔ bhliyi ko, banɔ petee balɛ tɛɔsɔɛ, balɛ be bhuiayɛkɛ ɔganɔ buni mɛ,

Tɛbubukasɛ 16:3

Kpayaxwɛdɛ bhla nɛ etsyina yɛ kesugba nɛ abalɛ akpɛ aƒu nɛ mɛ, klɛ aƒu nɛ etsyina dzi ansɛ anɔtsitsi dzyosu, klɛ kɛdɔ lulu kanyaka tsi nɛ aƒu nɛ mɛ.