Axwɛwɛwa 2:4 - ONUGBÙ NYƐNYÃ VUVƆ

⁴ Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Axwɛwɛwa 2:4 Iomraidhean Croise

Mateo 10:19

Pɔ onu gɛ bee vu nɔ, nɔ tɛ ga nɛ awɔ̃ nɛ kibui nɔ nɛ gɛ nɔ bɔ ɖɔ ɔdɔgɔsɛ kana gɛ nɔ bɔ ɖɔɛ lɛ. Ɔɖɔ lɛlɛ nɛ mɛ ba ba kɔ nɔ kibui nɔ nɛ gɛ nɔ bɔ ɖɔ,

Marko 16:17

Klɛ ebuimumɔa nɛ aba ga plɛnɔ bagɛ ba yɛkɛ aŋa: Nɛ mɛ nyi mɛ ba ba kɛka ɛfufɔɛkpã ebu; baba ɖɔa ɖɔ nɛ anɛkɛ vuvɔm;

Luka 1:15

alasɛ ebe dzi agbɛgbla nɛ Apalete nɛ amɛ. Ama sɛ tɛ awɔɛ̃ bulu ɔdɔgɔsɛ kɛdɔ wuwɔɛ̃ gɛganɛ kanyakaɛ di, klɛ Ɔfufɔɛ Dzyɔgo kuratsyɛ lɔ bo yuku yɛ de nɔ yɛ tɛmumɔɛ mɛ.

Luka 1:41

Gɛ Elizabɛtɛ enu Maria kɛdɔ sɛsɛnɔ nɛ ko, anuvɔ nɛ ahwa nɛ yɛ yamɛ, klɛ Elizabɛtɛ eyuku nɛ Ɔfufɔɛ Dzyɔgo.

Luka 1:67

Yɛ aka Zakaria eyuku nɛ Ɔfufɔɛ dzyɔgo klɛ aɖɔ kibuielu asɛ:

Luka 12:12

alasɛ Ɔfufɔɛ Dzyɔgo nɔ bɔkasɛ nɔ kibe lɛlɛ kɛ gɛ nɔ bɔ ɖɔ.”

Luka 21:15

Alasɛ ɛba kɔ wɔ ebuiɖɛɖɔ nɛ kibuinyinyi sɛ ba gɛ bata pɛɛ wɔɛbui ba tɛ bana kibui nɛ shu shɛ̃nahwɛ pɛnɔ betsyinɛ la ɖɔ.

Luka 4:1

Yesu, Ɔfufɔɛ dzyɔgo nɛ yuku yɛ, etsodzi ede Yɔdan klɛ Ɔfufɔɛ nɛ ɔgbanɛ yɛ avɛnɔ odzogbe,

Yohanɛsɛ 14:26

Pɔ Apɛplɛnɔ, Ɔfufɔɛ Dzyɔgo, gɛ Aka na ba sɛsɛ nɔ nɛ mɛ nyimɛ, lɔ bɔ kasɛ nɔ ebui nɛ petee klɛ lɔ bɔ baka nɔ kibuinyɛbui gɛ ɛtsre nɔ.

Yohanɛsɛ 20:22

Klɛ nɛ kɛlɛlɛ afɔɛ kpɛ alɛ mɛ klɛ aɖɔ sɛ, “Nɔ yɛkɛ Ɔfufɔɛ Dzyɔgo.

Axwɛwɛwa 1:5

Alasɛ Yohanɛsɛ akpɛ buni kɔ anɔ nɛ buni, pɔ nɛ ewi bhli teli mɛ, ba ba kpɛ buni kɔnɔ nɛ Ɔfufɔɛ Dzyɔgo.”

Axwɛwɛwa 1:8

Pɔ nɔ bɔ yɛkɛ kemi onu gɛ Ɔfufɔɛ Dzyɔgo nɛ ɔɔba wɔnɔa bha, klɛ no bo dzi mɛ bebuimɔɖɔ nɛ Yerusalɛm, klɛ nɛ Yuɖia petee anɛ Samaria, ɔyɛkɔ ɔdɔnanɔ kesukpa nɛ ibekekɔ.”

Axwɛwɛwa 10:46

Alasɛ benua lɛ tsyɛ kɛdɔ gɛ be dzia ɖɔa ɖɔ nɛ anɛkɛ vuvɔm klɛ bakpɛ Kpaya nɛa bha. Klɛ Petroa sɛ,

Axwɛwɛwa 10:47

“Anɔ teli aba na banɔa nɛa bha dzua hwɛ sɛ ba tɛ kpɛ buni akɔa lɛ dza? Ba tɛ yɛkɛ Ɔfufɔɛ Dzyɔgo nɛ ansɛ gɛ blɔ tsyɛ tɛ yɛkɛ.”

Axwɛwɛwa 11:15

“Gɛ ɛkpɛ kaɖɔ nɛesi ko, Ɔfufɔɛ Dzyɔgo nɛ ɔba balɛa bha ansɛ gɛ lɔ ba lɔa bha nɛ kesi kpɛkpɛ.

Axwɛwɛwa 11:24

Edzi anɔ dzyɔgo, gɛ eyuku nɛ Ɔfufɔɛ Dzyɔgo nɛ tɛyɛyɛkɛŋa, klɛ ba gbanɔ banɔ nɛ tikpikpe gbla tilim amɛna Apalete.

Axwɛwɛwa 13:52

Klɛ badɔkpasɛ nɛ yuku nɛ same anɛ Ɔfufɔɛ Dzyɔgo.

Axwɛwɛwa 13:9

Ɔkɛlɛ Saolo nɛ gɛ beke klu tsyɛ asɛ Paolo, gɛ eyuku nɛ Ɔfufɔɛ Dzyɔgo nɛɛ edi Elimasɛ nɛ amɛ kprarara klɛ aɖɔ asɛ,

Axwɛwɛwa 15:8

Kpaya, gɛ enyi idzyi mɛ, nɛ ebu akasɛ asɛ ayɛkɛ balɛ aganɔ Ɔfufɔɛ Dzyɔgo nɛ tɛyɛyɛkɔ kɔalɛ mɛ, ansɛ gɛ abhɛtɛ akɔ lɔ.

Axwɛwɛwa 19:6

Kibe lɛ gɛ Paolo atrɔ ahwɛ nɛ balɛa bha nɛ, Ɔfufɔɛ Dzyɔgo nɛ ɔba balɛa bha, klɛ baɖɔ kaɖɔ nɛ anɛkɛvuvɔ mɛ klɛ ba ɖɔ ebui tsyɛ elu.

Axwɛwɛwa 2:11

(gɛ be nu Yuɖanɛ nɛ bagɛ be tsyina eku Yuɖanɛ busɔlɛ mɛ), Kreteanɛ anɛ Arabanɛ— bunu gɛ be bu Kpaya ebuiyiyinɔanɔ nɛ aɖɔ nɛ bulɔ nahwɛ benuhum!”

Axwɛwɛwa 2:3

Bamɔ kɛdɔ tili anasɛ kifu ɛlɛklɛmɛ gɛ ba dɔ anɔnyanɔa bha terikpo terikpo.

Axwɛwɛwa 4:31

Gɛ be klu Kpaya beke, ɔkɛlɛ gɛ be xogo nɛ ɔhwa. Klɛ balɛ petee yuku nɛ Ɔfufɔɛ Dzyɔgo klɛ be bu Kpaya kibui nɛ aɖɔ nɛ kifu masimasi.

Axwɛwɛwa 4:8

Ɔkɛlɛ Petro, gɛ eyuku nɛ Ɔfufɔɛ Dzyɔgo, nɛ etsre balɛ asɛ, “Beshishe nɛ bagɛ baŋɛabha mɔ!

Axwɛwɛwa 6:3

Badzya mɔ, nɔ bu banɔ tiegene denɔ wɔnɔm gɛ benu banɔ gɛ be yuku nɛ Ɔfufɔɛ anɛ kibuititi. Bu ba yɛkɔ kɛdɔŋɛŋa mɛma nɛ kpɛ balɛ ahwɛ

Axwɛwɛwa 6:5

Tɛtɛtrɔɛ nɛ ku banɔɛha nɛ petee awɔ̃. Be bu Stefano, gɛ enu anyɛ teli gɛ eyuku nɛ Ɔfufɔɛ Dzyɔgo anɛ tɛyɛyɛkɛŋa, ɔplɛnɔ Flipo, Prokorusɛ, Nikanɔ, Timɔnɛ, Parmenasɛ, anɛ Nikolasɛ gɛ ede Antiɔkɛ, pɛ ebe tsyina edzi Yuɖaɔha mɛ anɔ.

Axwɛwɛwa 6:8

Ɔtsɔ̃ Stefano, edzi anɔ teli gɛ eyuku nɛ Kpaya ɛyamyuyɔ anɛ kemi, abhɛtɛ ebui yiyinɔanɔ gbɛgbla anɛ ebui gɛ abhɛtɛ bi kɛdɔmumɔ nɛ banɔɛ shi.

Axwɛwɛwa 7:55

Pɔ Stefano gɛ eyuku nɛ Ɔfufɔɛ Dzyɔgo nɛ edi owũsise klɛ amɔ Kpaya ishuyuyɔ, anɛ Yesu gɛ eli kititi nɛ Kpaya kɛŋam.

Axwɛwɛwa 8:17

Ɔkɛlɛ Petro anɛ Yohanɛsɛ ba trɔ ahwɛ nɛ balɛa bha, klɛ ba yɛkɛ Ɔfufɔɛ Dzyɔgo.

Axwɛwɛwa 9:17

Klɛ Ananiasɛ avɛ bupa nɛ shu klɛ etsoku bulɛ mɛ. Atrɔ ahwɛ nɛ Saolo abha, klɛ aɖɔ sɛ, “Adzya Saolo, Apalete—Yesu nɛ gɛ awɛ̃ nɛ wɔ amɛ nɛ kidzo nɛm gɛ ɔɔba ɔkɛ̃nɛ—akpɛ mɛ asɛ eba bhɛtɛ wɔ tɛ otsodzi ɔzɔ mɔ tɛ oyuku nɛ Ɔfufɔɛ Dzyɔgo.”

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

1 Kɔrintioanɛ 12:10

kɔ anɔ bhlatɔ ebuiyinɔanɔ kemi, kɔ abhlatɔ kibuiɖɔlu, kɔ abhlatɔ ɔtɔgɛga titi nɛ ɛfufɔɛ mɛ, kɔ abhlatɔ kaɖɔɖuɖɔ nɛ benuhu gelee mɛ klɛ kɔ anɔ bhlatɔ tsyɛ bunuhu kesibubu.

1 Kɔrintioanɛ 13:1

Onugɛ ɛɖɔ banɔ anɛ kpayaxwɛdɛ ɔfufɔɛmɛaɖɔ, pɔ ɛdɛ dɛmɛ anɔɛbui, inu ɔɖawuro ɔdɔgɔsɛ ɔɖa gɛ oyi .

1 Kɔrintioanɛ 13:8

Tɛdɛdɛmɛnɔ tɛ ba wɔlɛ. Pɔ ɔkɛlɛ gɛ ebuiɖɔlu alɛ, alɛ nu ba fla, ɔkɛlɛ gɛ ɔfufɔɛmɛaɖɔ ka lɛ, ba ba dzrɔ nɛ alɛ; ɔkɛlɛ gɛ kibuititi lɛ, kɛ ba koeyi fla.

1 Kɔrintioanɛ 14:18

Ihu Kpaya ahwɛ sɛ ɛɖɔ ɔfufɔɛmɛaɖɔ dɛ wɔnɔ petee.

1 Kɔrintioanɛ 14:5

Ɛta pɛɛ sɛ tɛ anɔnyanɔ aɖɔ ɔfufɔɛmɛaɖɔ, pɔ ɛpɛɛ dɛ sɛ tɛ nɔ ɖɔɛbuiolu. Anɔ nɛ gɛ aɖɔɛbuielu aŋaedzi dɛ agɛ aɖɔ ɔfufɔɛmɛaɖɔ, odinu sɛ ebuialɛ esi, sɛ tɛ busɔlɛɔha nɛ ɔmɔ otugba vɛvɛ.

Efesoanɛ 3:19

klɛ tɛ nɔ tii yɛ anɔɛbui tɛdɛdɛmɛ gɛ kɛdɔ fla tititi—tɛ be yuku nɔ kɔ tɛsɛsɔnɔ Kpaya tɛyuyuku petee.

Efesoanɛ 5:18

Nɔ tɔ wɔɛ̃ bulu tɛ nɔ buku, gɛ bu gbanɔ anɔ vɛnɔ ebuizizi bhɛbhɛtɛ mɛ. Kɛlɛɔzakɔ, kɔ Ɔfufɔɛ oyuku wɔ shu mɛ.

Efesoanɛ 6:18

Klɛ klukpaya nɛ Ɔfufɔɛ nɛ mɛ kibenyɛbe nɛ kpayakuklu kanyakaɛdi anɛ tɛbibisi. Nɛ̀ kɛnɛ nɛ́ tɔkpuimɛ, zanɛ awɔ̃ klɛ kibenyɛbe za kpayakuklu abha kɔ kpaya banɔ.

1 Petro 1:12

Bebu akasɛ alɛ sɛ anɛ balɛ nahwɛ ba dɛ axwɛ kɔ pɔ wũnɔ, kibelɛlɛ gɛ ba ɖɔ ebuianɛ gɛ ɔtsɔnɛ be tsre nɔ bagɛ balɛ ɖɔ Kibui Dzyɔgo kɔ nɔ nɛ Ɔfufɔɛ Dzyɔgo ba sɛsɛ denɔ owũsise. Baxwɛdɛ kuratsyɛ ba pɛɛ kukuku sɛ tɛ be di ebuia nɛ mɛ.

2 Petro 1:21

Alasɛ kibuiɖɔlu kɛtɛde kɛlɛ odekɔ nɛ anɔ tɛ pɛpɛɛ mɛ, pɔ banɔ baɖɔaɖɔ denɔ Kpaya kɔ anasɛ gɛ Ɔfufɔɛ Dzyɔgo nɛ otuku alɛ.