Axwɛwɛwa 2:3 - ONUGBÙ NYƐNYÃ VUVƆ

³ Bamɔ kɛdɔ tili anasɛ kifu ɛlɛklɛmɛ gɛ ba dɔ anɔnyanɔa bha terikpo terikpo.

Axwɛwɛwa 2:3 Iomraidhean Croise

Mateo 3:11

“Ɛɛkpɛuni kɔ wɔnɔ nɛ buni kɔ kite mɛ tsyitsyina. Pɔ mɛede anɔ nɛ gɛ alɛ kemi adɛ mɛ aba ba, yɛ butsrukpɔaklɔ tsyɛ ɛdɛ na gɛ ɛba vunɔ. Yɛ aba kpɛuni kɔ nɔ nɛ Ɔfufɔɛ Dzyɔgo anɛ kifu.

Mateo 3:15

Yesu ebui lɛ nu asɛ, “Kɔ kɛ za na ɔtsɔ̃; kɛbɔ sɛ tɛ bubhɛtɛ ana sɛ tɛ kɛ na nɛ tɛzɛza dzyɔgo mɛ petee.” Klɛ Yohanɛsɛ ayɛkɛ lɛ.

Luka 24:32

Be bisi ɔhaglɔ asɛ, “Bulɔ idzyi adɛ pɔɛ lɔ nɛ́ kibelɛlɛ gɛ aɖɔaɖɔ etsre lɔ nɛ kidzo nɛ mɛ klɛ adanɛ Kpayaeplukpa nɛ akɔ lɔ?”

Axwɛwɛwa 1:15

Nɛ ewi alɛlɛ nɛm nɛɛ Petro alɔ kititi nɛ bagɛ bayɛkɛaŋa nɛ shi, (banɔ gɛ balɛ tɛkpɛkpem ba za ansɛ kɛfɔɛfɔ nɛ afɛtabha)

Axwɛwɛwa 2:11

(gɛ be nu Yuɖanɛ nɛ bagɛ be tsyina eku Yuɖanɛ busɔlɛ mɛ), Kreteanɛ anɛ Arabanɛ— bunu gɛ be bu Kpaya ebuiyiyinɔanɔ nɛ aɖɔ nɛ bulɔ nahwɛ benuhum!”

Axwɛwɛwa 2:2

Nɛ kɛba tilim ko olim toli oyi anasɛ kɛlɛɛ gɛganɛ tili kɛ fu denɔ owũsise ba yuku nɛ bupa nɛm gɛ be zhiedzi.

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

1 Kɔrintioanɛ 12:10

kɔ anɔ bhlatɔ ebuiyinɔanɔ kemi, kɔ abhlatɔ kibuiɖɔlu, kɔ abhlatɔ ɔtɔgɛga titi nɛ ɛfufɔɛ mɛ, kɔ abhlatɔ kaɖɔɖuɖɔ nɛ benuhu gelee mɛ klɛ kɔ anɔ bhlatɔ tsyɛ bunuhu kesibubu.

Yakobo 3:6

Kɛnɛkɛ nɛ tsyɛ nu kifu, kanɔ mɛ butsutsɔmɔ anɛ ishuidzya nɛ bupɛ tuli. Kii zi anɔ osi nɛ petee, kɛɛ shɔ anɔ ɛkpã zɛza nɛ petee kifu, klɛ kɛlɛnahwɛ nɛ kɛɛ shɔ ishui fu ganɔ kifu mabeke mabekea bha.

Tɛbubukasɛ 11:3

Klɛ ɛba kɔ mɛ bebuimɔɖɔ tɛabha nɛ kemi, klɛ la ba ɖɔ ebui elu ewi 1,260 mɛ, nɛ ɛdɔnyinye apɔtɛ mɛ.”

Tɛbubukasɛ 14:6

Ɔkɛlɛ mɛ ɛmɔ kpayaxwɛdɛ bhlatɔ gɛ epruru gɛ adɛ vɛ kɛlɛ mɛ fanɔ, klɛ evunɔ ɛkpã mabeke mabeke anɛ kibuidzyɔgo sɛ tɛ aɖɔɛ lɛ etsre bagɛ be tsri kesukpa nɛa bha— kɔ kɛmadigbla kanyaka, amadibhli, bunuhu anɛ banɔ nɛ petee.