Axwɛwɛwa 16:5 - ONUGBÙ NYƐNYÃ VUVƆ

⁵ Klɛso nɛ busɔlɛha nɛ ba gɛganɛ nɛ kabha yɛyɛkɛŋam klɛ lɛ she trɔ nɛ tikpikpem kiwi nyɛ wi.

Axwɛwɛwa 16:5 Iomraidhean Croise

Axwɛwɛwa 11:21

Apalete nɛ ɔhwɛ ɔza plɛnɔa lɛ, klɛ banɔ nɛ tikpikpe gblam ayɛkɛ aŋa klɛ be tsyina tɔ Apalete.

Axwɛwɛwa 12:24

Pɔ nɛ Kpaya kibui nɛ kabha koe lɛ vɛ pɛ kɛ kaka.

Axwɛwɛwa 15:41

Aga Siria anɛ Silisia ekoeyi, klɛ akpɛ busɔlɛha nɛ bugɛganɛ.

Axwɛwɛwa 2:47

nɛ Kpaya kabhakpɛkpɛ anɛ samɛ mumɔ nɛ ɔhayɛ eshutukubui didi mɛ denɔ banɔ nɛ petee ɔkɔ. Klɛ Apalete nɛ abhɔ tikpikpe nɛm atrɔ kiwinyɛwi ɔplɛnɔ bagɛ be ti bu.

Axwɛwɛwa 4:4

Pɔ banɔ gelee gɛ be nu kibui nɛɛ ba yɛkɛ aŋa, klɛ banɔ nɛ tɛkpikpem ba vɛ otugba dananɔ ansɛ akpã teti.

Axwɛwɛwa 5:14

Pɔ kɛ za kɛlɛm sɛ, banyɛ anɛ badzɛ gelee ba ba yɛkɛ Apalete nɛa bha aŋa klɛ ba yɛkɔa lɛ ata plɛnɔ balɛ tɛkɛkla nɛm.

Axwɛwɛwa 6:7

So nɛɛ Kpayɛbui nɛ ba nɛ. Badɔkpasɛ nɛ tikpikpe nɛ mɛ ba wu kabha nɛ Yerusalɛm zia zia, klɛ kpayanɔ gelee aba ta tɔ nɛ tɛyɛyɛkɛŋa.

Axwɛwɛwa 9:31

Klɛ busɔlɛha nɛ Yuɖia, Galelia anɛ Samaria petee ba za ishu yuyɔm. Busɔlɛɔha nɛ ɔgɛganɛ ɔtrɔ; klɛ Ɔfufɔɛ Dzyɔgo nɛ lɔ kpɛ alɛ kemi, lo she nɛ tikpikpem, ba za nɛ kifusisim kɔ Apalete.

Romanɛ 16:25

Ɔtsɔ̃, kɔ anɔ nɛ gɛ yɛ ana wɔnɔesi dzu ganɔ mɛ kibui dzyɔgo nɛ Yesu Kristo kibui nɛ tɛbubuɖɔ, anɛ ebuikpukpu tɛbubukasɛ gɛ ekpu agɔagɔ gɛ atɛ ba fla nɛ nu,

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

Galatianɛ 5:1

Ishuahwɛzɛza so gɛ Kristo ebe bhulɔayɛkɛ. Nɔ za ishu mɛ gɛganɛ, nɛ kɛlɛede, klɛ nɔ tɔ kɔ sɛ ba fla ba trɔ nɔ anɔdzidzi ɔkpakasi kituku.

Koloseanɛ 2:6

Kɛlɛso anasɛ gɛ nɔ yɛkɛ Kristo Yesu anasɛ Apalete, nɔ vɛ kɛlɛ abha tɛ nɔ za nɛ́ yɛ mɛ,

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

1 Tɛsolonianɛ 3:2

Bu kpɛ Timotio, gɛ enu bulɔadzya nɛ Kpaya axwɛwa bhla nɛ Kristoebui nɛ tɛkɛkɛka mɛ, tɛ abhɛtɛ nɔ tɛ nɔ gɛganɛ tɛ akpɛ nɔ kemi nɛ nɔ tɛyɛyɛkɛŋa nɛ mɛ,

2 Tɛsolonianɛ 2:16

Kɔ bulɔ Apalete Yesu Kristo nahwɛ anɛ bulɔ Aka Kpaya, gɛ aɖɔ lɔ klɛ ganɔ yɛ eshutukubui didi mɛ pɛ akɔ lɔ ɔfufɔɛ mɛ kemikpɛkpɛ anɛ kidzoenudidi dzyɔgo,

Hebriuanɛ 13:9

Nɔ tɛkɔ kɛdɔ kɛkasɛ bhlatɔ dinyɛdi kɛ gbanɛ nɔ koeyi nɛ kidzo dzyɔgo nɛabha. Kɛbɔ sɛ tɛ kɛdɔkukɔ kpɛ lɔ idzyi kemi, anɛ kibenyɛbe dɔ ŋɛŋa gɛ kɛdɛ plɛnɔ bagɛ baŋa lɛ.

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.