Axwɛwɛwa 16:1 - ONUGBÙ NYƐNYÃ VUVƆ

¹ Paolo ebe ku Dɛbi klɛ afla vɛ Listra, ɔkɛlɛ adɔkpasɛ teli gɛ be klua sɛ Timotio aza, yɛeni edzi Yuɖadzi teli gɛ ayɛkɛaŋa, pɔ yaka nɛ edzi Grikieyi teli.

Axwɛwɛwa 16:1 Iomraidhean Croise

Axwɛwɛwa 14:1

Nɛ Ikonio nɛɛ anasɛ gɛ kɛɛ za nɛɛ Paolo nɛ Banabas eze de tsoku Yuɖanɛ oxogokɔvu nɛm. Ɔkɛlɛ ba ɖɔ kaɖɔ klɛ bakasɛ kɛdɔ mɔɔ mɔ gɛ kɛ kɔ sɛ banɔ tɛkɛklam kpi gɛ be nu Yuɖanɛ anɛ bagɛ be di nu Yuɖanɛ ba yɛkɛ aŋa.

Axwɛwɛwa 14:21

Baɖɔ kibui dzyɔgo nɛ ɔmagbla lɛ nɛm klɛ badɔkpasɛ nɛ tɛkpikpem gelee. Ɔkɛlɛ be tsodzi avɛ Listra, Ikonio nɛ Antiɔkɛ,

Axwɛwɛwa 14:6

Pɔ be be ti klɛ be si ashɛ̃ avɛ Likaonianɛ ɛmagbla nɛm gɛ nu Listra anɛ Dɛbi anɛ busukpa nɛ gɛ kana kibe lɛ nɛm,

Axwɛwɛwa 17:14

Nɛ kɛbhɛtɛ tili ko ɔhamɛanɛ na yɛkɔ Paolo asɛsɛ aƒu nɛ shu, pɔ Silas anɛ Timotio xũ na wɔ Bɛrea.

Axwɛwɛwa 18:5

Gɛ Silas anɛ Timotio ede Makedonia aba, Paolo ayɛkɔ kibuinɛ tɛɖuɖɔ atrɔ shu, klɛ ebu akasɛ Yuɖanɛ na sɛ Yesu yɛ enu Kristo.

Axwɛwɛwa 19:22

Akpɛ Timotio anɛ Erastusɛ gɛ enu yɛ bapɛplɛnɔ nɛ asɛsɛ Makedonia, nɛ kibe lɛ nɛ mɛ gɛ yɛ awɔ Asis kɛdɔ nɛm kibe dzidze bɔɛ.

Romanɛ 16:21

Timotio, mɔhayɛ axwɛwa, asɛnɛ nɔ asɛsɛ, ansɛ gɛ Lusiusɛ, Yasɔnɛ anɛ Sosipata gɛ nu meshopoalɛ nɛ tsyɛa bhɛtɛ.

1 Kɔrintioanɛ 16:10

Onugɛ Timotio aba, nɔ di lɛ kɔ sɛ etisifu nɛ kibuinyɛbui shu nɛ kibe gɛ alɛ wɔnɔ bha, alasɛ Apalete nɛ xwɛ yɛ awa anasɛ mɛ ana.

1 Kɔrintioanɛ 4:17

Nɛ kibui nɛ so ɛsɛsɛ nɔ Timotio, mɛ yi gɛ ɛdɛmɛnɔ, gɛ enu ayɛyɛkɛŋa nɛ Apalete mɛ. Aba baka nɔ mɛ kpã dzo gɛ ɛyɛ kɔ za Kristo Yesu ede, gɛ kɛsɔnɔ kɛdɔ gɛ ɛkasɛ nɛ ɔkɔnyɔkɔ nɛ busɔlɛ kanyaka mɛ.

1 Kɔrintioanɛ 7:14

Alasɛ anyɛ mayɛkɛŋa ba kɔ yɛ shubhui aganɔ adzɛ nɛabha, klɛ adzɛ mayɛkɛŋa ba kɔ yɛ shubhui ganɔ anyɛ nɛabha. Odi nu kana wɔnɔ yialɛ balɛ shu tɛ ba bhui, pɔ anasɛ gɛ kɛ lɛ, balɛ shu bhui.

2 Kɔrintioanɛ 1:1

Mɛ Paolo, Kristo Yesu anɔkpɛkpɛ nɛ́ Kpaya tɛpɛpɛɛ nu, Timotio bulɔ adzya. Kɔ Kpaya busɔlɛɔha nɛ́ Kɔrintio, ɔyɛkɔ plɛnɔ kpayabanɔ nɛ petee ganɔ Akasia:

2 Kɔrintioanɛ 1:19

Alasɛ Kpaya yɛ Yi, Yesu Kristo, gɛ yɛ bui mɛ nɛ Silas anɛ Timotio bu ɖɔ nɛ wunɔ shi, kɛ dɛ nu “Ee” nɛ “Oo,” pɔ nɛ yɛ mɛ kɛbenyɛbe kɛnu “Ee.”

Filipianɛ 1:1

Mɛ Paolo anɛ Timotio, Kristo Yesu baxwɛwa. Kɔ Kpayabanɔ nɛ petee gɛ balɛ Kristo Yesu mɛ nɛ́ Filipi, ɔyɛkɔ plɛnɔ bagɛ be di axwɛ nɛa bha anɛ baxwɛwa:

Filipianɛ 2:19

Idi kidzoenu nɛ Apalete Yesu mɛ sɛ tɛ ɛsɛsɛ nɔ Timotio zia, sɛ tɛ kɛ kpɛ mɛ same onu gɛ inu kibui denɔ wɔnɔ shu.

Koloseanɛ 1:1

Paolo, Kristo Yesu anɔkpɛkpɛ nɛ́ Kpaya tɛ pɛpɛɛ nu, nɛ Timotio bulɔ adzya,

1 Tɛsolonianɛ 1:1

Paolo, Silasɛ anɛ Timotio, kɔ Tɛsalonianɛ busɔlɛɔha nɛ Kpaya gɛ enu Aka anɛ Apalete Yesu Kristo: Eshutukubui didi anɛ ishuyuyɔ kɔ nɔ.

1 Tɛsolonianɛ 3:2

Bu kpɛ Timotio, gɛ enu bulɔadzya nɛ Kpaya axwɛwa bhla nɛ Kristoebui nɛ tɛkɛkɛka mɛ, tɛ abhɛtɛ nɔ tɛ nɔ gɛganɛ tɛ akpɛ nɔ kemi nɛ nɔ tɛyɛyɛkɛŋa nɛ mɛ,

1 Tɛsolonianɛ 3:6

Pɔ otsiko Timotio ede nɔ bha ebe ku bulɔ bha klɛ amɛna kibui dzyɔgo edenɔ wɔnɔ tɛyɛyɛkɛŋa anɛ tɛɖuɖɔ shu. Eti tsre lɔ asɛ nɔɔ baka lɔ bui mɔmɔ kibenyɛbe klɛ nɔ pɛ sɛ tɛ nɔ mɔ lɔ, ansɛ gɛ bulɔ tsyɛ pɛ sɛ tɛ bu mɔ nɔ.

2 Tɛsolonianɛ 1:1

Paolo, Silasɛ anɛ Timotio, kɔ Tesalonikanɛ busɔlɛɔha anɛ Kpaya bulɔ anɛ Apalete Yesu Kristo mɛ:

1 Timotio 1:18

Meyianyɛ, Timotio, itsre wɔ kibui nɛ kɛnyɛna nɛ gɛ ɔbɔ nyɛna ebui nɛ gɛ ba ɖɔelu nɛ wɔ shu nɛm ovunɔ, sɛ tɛ ganɔ alɛede zɛza tɛ ɔbɔ gɔnɛ tɛgugɔnɛ dzyɔgo,

1 Timotio 1:2

Kɔ Timotio gɛ enu mɛ eyianyɛ kɛgbɛagba nɛ tɛyɛyɛkɛŋa nɛ mɛ, Ɛyamyuyɔ, eshutukubui didi anɛ ishuyuyɔ denɔ Kpaya gɛ enu Aka anɛ Kristo Yesu bulɔ Apalete nɛ ɔkɔ.

2 Timotio 1:2

Kɔ Timotio, meyianyɛ mumɔa: Ɛyamyuyɔ, eshutukubuididi anɛ ishuyuyɔ gɛ de Aka Kpaya anɛ Kristo Yesu bulɔ Apalete ɔkɔ.

2 Timotio 1:5

Ba tɛ bakam nɛ tɛyɛyɛkɛŋa gɛganɛ nɛ gɛ lɛ wɔ ahwɛ nɛ shu, gɛ ɛlɛ di ɛlɛ za wenishishe Loisɛ anɛ weni Yunisi ahwɛ putɔnɔ, klɛ ɛyɛkɛŋa sɛ, ɛlɛ kpasɛ wɔ tsyɛ mɛ ɔtsɔ̃.

2 Timotio 3:11

tɛkpɛkpatɔnɔ, batɔ—ebui nɛɛ di gɛ aba mɛa bha nɛ Antiɔkɛ, Ikonio anɛ Listra, tɛkpɛkpatɔnɔ nɛ nu gɛ ɛza. Tsyɛ pɛ Apalete nɛ ebu mɛ nɛ alɛ nɛ petee mɛ.

Filimɔnɛ 1:1

Paolo, Kristo Yesu evuza, anɛ Timotio bulɔ adzya, Kɔ Filimɔnɛ bulɔ ɔbhɛa dzyɔgo anɛ bulɔ axwɛwaglɔ,

Hebriuanɛ 13:23

Ɛpɛɛ sɛ tɛ nɔ ti sɛ ba shɛ̃nahwɛ bulɔ adzya Timotio shu nɛ buvu. Onugɛ ebe ku mɛ ɔbha zia, blɔnɛ yɛ ba ba bu ba di nɔ.