Axwɛwɛwa 15:4 - ONUGBÙ NYƐNYÃ VUVƆ

⁴ Gɛ be be ku Yerusalɛm, busɔlɛɔha nɛ banɔkpɛkpɛ nɛ beshishe na yɛkɛalɛ mɔɔ mɔ. Ba ɖɔ kibuinyɛbui gɛ Kpaya abhɛtɛ aganɔ balɛa bha nɛ etsre alɛ.

Axwɛwɛwa 15:4 Iomraidhean Croise

Mateo 10:40

Aanɔ nɛ gɛ aayɛkɛ wɔnɔ mɛ ayɛkɛ, klɛ agɛ aayɛkɛ mɛ ayɛkɛ anɔ nɛ gɛ akpɛ mɛ.

Axwɛwɛwa 11:30

Ba bhɛtɛ lɛ ana, klɛ baa sɛsɛ beshishe nɛ kɛdɔkukɔ ganɔ Banabasɛ anɛ Saolo abha.

Axwɛwɛwa 14:27

Nɛ balɛ ɔkɛlɛ tɛkuku mɛ, be klu basɔlɛha nɛ exogo klɛ ba ɖɔ etsrea lɛ ebui nɛ petee gɛ Kpaya abhɛtɛ ganɔ balɛa bha nɛ kana gɛ adanɛ tɛyɛyɛkɛŋa kidzo akɔ bagɛ be di nu Yuɖanɛ.

Axwɛwɛwa 15:12

Banɔɛha nɛ petee kɛ dɔ sɛɛ̃ edzi atatɔ nɛ Banabasɛ anɛ Paolo gɛ be dzi aza ɖɔa ɖɔ edenɔ Kpaya kɛdɔmumɔ nɛ gɛ bhɛtɛbi nɛ agɛ eyinɔanɔ nɛ gɛ abhɛtɛ nɛ bagɛ be di nu Yuɖanɛ nɛ kishi ganɔ balɛa bha.

Axwɛwɛwa 15:2

Bunyɛnyɛ bhubhui bui nɛ ba dzi kehe gɛganɛɛ nɛ Paolo anɛ Banabasɛ kishi. So be be bu Paolo anɛ Banabasɛ, ɔyɛkɔ plɛnɔ baga yɛkɛ aŋa na sɛ ba vɛ Yerusalɛm tɛ ba da mɔ Yesu Banɔkpɛkpɛ anɛ banɔ shishe nɛ kibui nɛ shu.

Axwɛwɛwa 15:22

Ɔkɛlɛ Yesu Banɔkpɛkpɛ nɛ beshishe, busɔlɛ nɛ petee, ba trɔ sɛ be be bu balɛ nahwɛ mɛ banɔ tɛ ba sɛsɛ alɛ nɛ Antiɔkɛ ɔyɛkɔ plɛnɔ Paolo nɛ Banabasɛ. Be bu Yuɖas (gɛ be klua sɛ Basabbasɛ) nɛ Silasɛ, gɛ be dzi bagbɛgbanɔ nɛ ɔha nɛ shi.

Axwɛwɛwa 15:3

Busɔlɛɔha nɛ ɔkpɛ alɛ dzo, klɛ gɛ ba ga Foenisia anɛ Samaria aafla, ba ɖɔ kana gɛ bagɛ di nu Yuɖanɛ nɛ be tsyina ku ɔha nɛm. Kibui nɛ bhɛtɛ ɔha mɛanɛ petee la mɔ same mɔmɔ.

Axwɛwɛwa 15:6

Banɔkpɛkpɛ anɛ beshishe nɛ ba tsya sɛ tɛ banyɛna tɛbibisi nɛ edi.

Axwɛwɛwa 16:4

Nɛ balɛ tɛnyunyɔ denɔ ɔma nɛm ɔvɛ ɔma nɛ mɛ nɛ, be bu ɛshã nɛ gɛ banɔkpɛkpɛ anɛ beshishe na bhɛtɛ nɛ Yerusalɛm sɛ tɛ ɛlɛa bha la bhɛtɛ na kasɛ banɔ.

Axwɛwɛwa 18:27

Kibelɛ gɛ Apollosɛ apɛa sɛ tɛ ashɛ̃ avɛ Atsyia nɛɛ, badzya na kpɛ yɛ kemi klɛ ba ŋlɔmɛ asɛsɛ badɔkpasɛ nɛ ɔklɛ sɛ ba yɛkɛ yɛ mɔɔ mɔ. Nɛ yɛ ɛklɛ tɛ kuku mɛ nɛ, ede dzi tɛpɛplɛnɔ gelee kɔ bagɛ ganɔ Kpaya tɛpɛpɛ mɛ gɛ ba tɛ yɛkɛ kibui nɛa bha ŋa.

Axwɛwɛwa 21:17

Gɛ bu da ku Yerusalɛm nɛɛ, badzya na yɛkɛ lɔ mɔɔ mɔ.

Axwɛwɛwa 21:19

Paolo asɛnɛ banɔ klɛ etsrea lɛ kɛkanyaka kɛdɔnɔ nɛ gɛ Kpaya abhɛtɛ nɛ bagɛ di nu Yuɖanɛ nɛ shi ganɔ yɛ kɛdɔ kɛkasɛ nɛ mɛ.

Romanɛ 15:18

Ɛtɛ ba di sɛ ɛɛɖɔ kaɖɔ denɔ kɛdɔnyɛdɔ shu ɔyɛkɔ dɛ kɛ gɛ Kristo atɛ bhɛtɛ beke ganɔ mɛa bha anɛ bagɛ ba dɛ yɛkɛaŋa nɛ tɛgbɛgbanɔ mɛ sɛ tɛ ba tatɔ nɛ Kpaya ganɔ kɛgɛ kɛlɛ ɛɖɔ klɛ mɛ bhɛtɛ nɛm—

Romanɛ 15:7

Nɔ yɛkɛ aglɔ, ka, ansɛ gɛ Kristo ayɛkɛ nɔ, sɛ tɛ nɔ mɛna kabha kpɛkpɛ kɔ Kpaya.

1 Kɔrintioanɛ 15:10

Pɔ nɛ Kpaya ɛyɛmɛyuyɔ enu agɛ enu, klɛ yɛ ɛyɛmɛyuyɔ kɔ mɛ kɛdi dzi kɛkpɛkpa. Oo, ɛwa kɛxwɛ dɛ balɛ petee—ganɛ mɛ nahwɛ, pɔ Kpaya ɛyɛmɛyuyɔ kɛlɛ za plɛnɔ mɛ.

2 Kɔrintioanɛ 5:19

sɛ Kpaya abhɛtɛ terikpo nɛ kanɔ kɔ yɛnahwɛ shu nɛ Kristo mɛ, ganɛ sɛ akla banɔ nɛ ebuizizi nɛ balɛ shu. Klɛ ayɛkɔ terikpobhɛbhɛtɛ ɔklasɔ nɛ akpɛ bulɔahwɛ.

2 Kɔrintioanɛ 6:1

Anasɛ Kpaya baxwɛwa bu bisi denɔ nɛ wunɔ ahwɛ sɛ nɔ tɛ yɛkɛ Kpaya kɛdɔkukɔ nɛ kuã.

Koloseanɛ 4:10

Mɛ ɔhayɛ evuza Aristakusɛ asɛsɛ nɔ tɛsɛsɛnɔ, kana Marko abhɛtɛ, Barnaba yɛa kɛdzyayi. (Nɔ tɛ yɛkɛ odu denɔ yɛ shu, onugɛ aba wɔnɔ kɔ, nɔ yɛkɛ yɛ mɔmɔ.)

2 Yohanɛsɛ 1:10

Onugɛ anɔ teli aba wɔ kɔ klɛ adɛ mɛna nɔ kɛdɔkɛkasɛ nɛ, nɔ tɛ yɛkɛ yɛ akpɛ wɔnɔ bupa mɛ ɔdɔgɔsɛ nɔ kɔ yɛ wola.