Axwɛwɛwa 15:3 - ONUGBÙ NYƐNYÃ VUVƆ

³ Busɔlɛɔha nɛ ɔkpɛ alɛ dzo, klɛ gɛ ba ga Foenisia anɛ Samaria aafla, ba ɖɔ kana gɛ bagɛ di nu Yuɖanɛ nɛ be tsyina ku ɔha nɛm. Kibui nɛ bhɛtɛ ɔha mɛanɛ petee la mɔ same mɔmɔ.

Axwɛwɛwa 15:3 Iomraidhean Croise

Luka 15:32

Pɔ kɛ lɛ kɔ lɔ sɛ tɛ bumɔ same te buŋa kɛdɔ alasɛ wɔ adzya ne etsi pɔ akalɛ nɛ ɛkpã alɛla klɛ bumunɔ yɛ.’ ”

Axwɛwɛwa 1:15

Nɛ ewi alɛlɛ nɛm nɛɛ Petro alɔ kititi nɛ bagɛ bayɛkɛaŋa nɛ shi, (banɔ gɛ balɛ tɛkpɛkpem ba za ansɛ kɛfɔɛfɔ nɛ afɛtabha)

Axwɛwɛwa 13:48

Gɛ bagɛ edi nu Yuɖanɛ ne nu kibui nɛɛ, ba mɔ same klɛ ba yɛkɛ Apalete nɛ bui, klɛ bagɛ balɛ petee be klua kɔ ɛkpã mabeke mabeke na yɛkɛaŋa.

Axwɛwɛwa 13:52

Klɛ badɔkpasɛ nɛ yuku nɛ same anɛ Ɔfufɔɛ Dzyɔgo.

Axwɛwɛwa 14:27

Nɛ balɛ ɔkɛlɛ tɛkuku mɛ, be klu basɔlɛha nɛ exogo klɛ ba ɖɔ etsrea lɛ ebui nɛ petee gɛ Kpaya abhɛtɛ ganɔ balɛa bha nɛ kana gɛ adanɛ tɛyɛyɛkɛŋa kidzo akɔ bagɛ be di nu Yuɖanɛ.

Axwɛwɛwa 15:1

Banyɛ teli alɔ ede Yuɖia ede ku Antiɔkɛ klɛ la kasɛ baga yɛkɛ aŋa nɛ dɔ sɛ: “Dzaa sɛ be bhui bunyɛnyɛakɔ wɔ ansɛ gɛ Mose akasɛ nɛɛ ɔtɛ bɔ mɔ tɛyɛyɛkɛ.”

Axwɛwɛwa 15:12

Banɔɛha nɛ petee kɛ dɔ sɛɛ̃ edzi atatɔ nɛ Banabasɛ anɛ Paolo gɛ be dzi aza ɖɔa ɖɔ edenɔ Kpaya kɛdɔmumɔ nɛ gɛ bhɛtɛbi nɛ agɛ eyinɔanɔ nɛ gɛ abhɛtɛ nɛ bagɛ be di nu Yuɖanɛ nɛ kishi ganɔ balɛa bha.

Axwɛwɛwa 15:22

Ɔkɛlɛ Yesu Banɔkpɛkpɛ nɛ beshishe, busɔlɛ nɛ petee, ba trɔ sɛ be be bu balɛ nahwɛ mɛ banɔ tɛ ba sɛsɛ alɛ nɛ Antiɔkɛ ɔyɛkɔ plɛnɔ Paolo nɛ Banabasɛ. Be bu Yuɖas (gɛ be klua sɛ Basabbasɛ) nɛ Silasɛ, gɛ be dzi bagbɛgbanɔ nɛ ɔha nɛ shi.

Axwɛwɛwa 15:32

Yuɖasɛ anɛ Silasɛ gɛ balɛ nahwɛ ne nu batɔnu so nɛɛ, baɖɔ kaɖɔ gelee ayɛkɔ akpɛ badzya nɛ kite anɛ bugɛganɛ nɔ.

Axwɛwɛwa 15:4

Gɛ be be ku Yerusalɛm, busɔlɛɔha nɛ banɔkpɛkpɛ nɛ beshishe na yɛkɛalɛ mɔɔ mɔ. Ba ɖɔ kibuinyɛbui gɛ Kpaya abhɛtɛ aganɔ balɛa bha nɛ etsre alɛ.

Axwɛwɛwa 17:15

Banyɛ nɛ ga gbanɔ Paolo nɛ ayɛkɔ yɛ amɛna Atɛns klɛ bayɛkɔ ɔsɔ avɛnɔ kɔ Silas anɛ Timotio sɛ ba ba tɔnɔ yɛ Paolo zɛa nɛ kibe nyɛbem gɛ kidzo za.

Axwɛwɛwa 20:38

Kɛgɛ klɛ trɔ balɛa bha dɛ petee klɛ nu kibui nɛ gɛ aɖɔ sɛ ba tɛa mɔ yɛ amɛ edi. Ɔkɛlɛ ba za yɛede avɛ keniabha opupu nɛ shu.

Axwɛwɛwa 21:5

Pɔ kibe lɛ gɛ bulɔ ɔɖa nɛ mɛ ɔna, bu shɛ klɛ bu vɛ bulɔ kidzo gɛga nɛa bha. Badɔkpasɛ nɛ petee anɛ balɛ edzini alɛ nɛ aplɛnɔ lɔ pɛ bu koeyi nɛ ɔmagbla nɛ mɛ, klɛ ɔkɛlɛ nɛ aƒu nu tɔ bu zhikpla kɔ kpayakuklu.

Axwɛwɛwa 28:15

Bagɛ ba yɛkɛaŋa nɛ ɔklɛ nɛ nua sɛ bu baa nɛɛ, klɛ ba ga kidzo edenɔ Appiusɛ Kedzi nɛm nɛ Efuɛyakɔ Tɛta aba tsyanɔ lɔ. Nɛ banɔa nɛ tɛmumɔ mɛ Paolo ehu Kpaya ahwɛ klɛ ayɛkɛ kitekpɛkpɛ.

Axwɛwɛwa 8:14

Kibe lɛ gɛ banɔkpɛkpɛ nɛ Yerusalɛm be nu sɛ Samaria ayɛkɛ Kpaya kibui nɛɛ, be bu Petro anɛ Yohanɛsɛ akɔ sɛsɛ alɛ.

Romanɛ 15:24

ɛtrɔ sɛ tɛ ɛbhɛtɛ kɛlɛ ana onu gɛ ɛvɛ Speni. Idi kidzoenu sɛ ɛba ga wɔnɔ ɔbha onu gɛ ɛba fla klɛ sɛ tɛ ɛkɔ nɔ plɛnɔ mɛ nɛ kidzogɛga nɛa bha nɛ ɔkɛlɛ, nɛ kibe lɛm gɛ ɛmɔ same nɛ wɔnɔɛ shi bɔɛ beke.

1 Kɔrintioanɛ 16:11

Anɔnyanɔ, nɛlɛmɛ, atɛ ɖɔ sɛ ata yɛkɛ yɛ. Nɔ kpɛ yɛ dzo nɛ ishu yuyɔ mɛ sɛ tɛ ebe tsodzi aba mɛ ɔbha. Idi yɛ anɛ badzya nɛ́ dzoenu.

1 Kɔrintioanɛ 16:6

Obhi ɛba za wɔnɔ bha kɛbɔɛ, ɔdɔgɔsɛ ɛza ɔkɛlɛ nɛ bulɔɛ be nɛ tsyɛ, sɛ tɛ bɔ plɛnɔ mɛ nɛ mɛ kidzogɛga nɛa bha, nɛ ɔkɔnyɔkɔ gɛ ɛba vɛ.

2 Kɔrintioanɛ 1:16

Ɛtrɔ sɛ tɛ ɛba wunɔ kɔ nɛ mɛ kidzogɛga vɛ Makedonia klɛ tɛ ɛtsodzi ba wunɔ kɔ gɛ ide Makadonia, klɛ kɛlɛede tɛ nɔ plɛnɔ mɛ tɛ ɛga kidzo vɛ Yuɖea.

Titusɛ 3:13

Bhɛtɛ kɛdɔnyɛdɔ gɛ ɔbɔ na bhɛtɛ sɛ tɛ ɔplɛnɔ Zenasɛ gɛ enu ɔshãnɔ anɛ Apollosɛ nɛ balɛ kidzogɛga nɛ mɛ klɛ tɛ odi kɛlɛ ɔkɔ sɛ kɛdɔnyɔdɔ gɛ ba ba pɛɛ ba mɔɛ lɛ.