Axwɛwɛwa 13:5 - ONUGBÙ NYƐNYÃ VUVƆ

⁵ Gɛ be de ku Salamisɛ, ba ɖɔ Kpaya kibui nɛ Yuɖanɛ ixogokɔevu nɛm. Yohanɛsɛ Marko aza ɔkɛlɛ ansɛ balɛ apɛplɛnɔa na.

Axwɛwɛwa 13:5 Iomraidhean Croise

Mateo 20:26

Kɛ ma kɔ wɔnɔ kana. Nɛ klɛ shu, aanɔ nɛ gɛ apɛɛ sɛ tɛ edzi agbɛgbla nɛ wɔnɔɛ shi ala sɛ tɛ edzi wɔnɔ axwɛdɛ,

Axwɛwɛwa 12:12

Kibe lɛ nɛ gɛ Petro amɔ yɛ shu edzyesi beke sɛ Kpaya ebui nɛ butsi mɛ beke nɛ, ashɛ̃ avɛ Yohanɛsɛ gɛ be ke kulu asɛ Marko yɛeni Maria bupa mɛ, nɛ ɔkɛlɛ gɛ banɔ gelee be xogo pɛ bee klu Kpaya.

Axwɛwɛwa 12:25

Kibe lɛ nɛ gɛ Banabas anɛ Saolo ba bhɛtɛ beke pɛ ashɛ nɛ Yerusalɛm nɛ, be vunɔ Yohanɛsɛ gɛ beke klua sɛ Marko tsyɛ amɛna.

Axwɛwɛwa 13:14

Denɔ Pɛga ba shɛ avɛ Antiɔkɛ Pisidian. Nɛ kimuenewi nɛa bha nɛɛ be de tsoku oxogokɔvu nɛm ada za kesi.

Axwɛwɛwa 13:46

Ɔkɛlɛ Paolo anɛ Banabasɛ ebu etsrea lɛ nɛ kifu masimasim asɛ: “Alasɛ tɛ bu ɖɔ Kpaya kibui nɛ tsre nɔ putɔnɔ. Gɛ no ti gbe lɛ klɛ nɔ dɛ mɔ nɔ shu sɛ nɔ na kɔ ɛkpã mabeke mabeke nɛɛ, ɔtsɔ̃ nɛɛ bu tsyina tɔ bagɛ edi nu Yuɖanɛ.

Axwɛwɛwa 14:1

Nɛ Ikonio nɛɛ anasɛ gɛ kɛɛ za nɛɛ Paolo nɛ Banabas eze de tsoku Yuɖanɛ oxogokɔvu nɛm. Ɔkɛlɛ ba ɖɔ kaɖɔ klɛ bakasɛ kɛdɔ mɔɔ mɔ gɛ kɛ kɔ sɛ banɔ tɛkɛklam kpi gɛ be nu Yuɖanɛ anɛ bagɛ be di nu Yuɖanɛ ba yɛkɛ aŋa.

Axwɛwɛwa 15:37

Banabasɛ apɛɛ sɛ tɛ agbanɔ Yohanɛsɛ gɛ beke klua sɛ Marko ataa lɛ shu,

Axwɛwɛwa 17:17

Klɛ so nɛ aza ɖɔ kaɖɔ nɛ Yuɖanɛ anɛ Grikanɛ gɛ esi Kpaya kifu nɛ oxogokɔvu nɛm anɛ budzim banɔ kiwinyɛwi nɛ banɔ nɛ gɛ bala ba ɛklɛ.

Axwɛwɛwa 18:4

Nɛ kimuenewi kanyaka bha adɛ oxogokɔvu nɛ mɛ, klɛ ada ɖɔaɖɔ nɛ Yuɖanɛ anɛ Grikanɛ sɛ tɛ awɛa lɛ nu.

Axwɛwɛwa 19:22

Akpɛ Timotio anɛ Erastusɛ gɛ enu yɛ bapɛplɛnɔ nɛ asɛsɛ Makedonia, nɛ kibe lɛ nɛ mɛ gɛ yɛ awɔ Asis kɛdɔ nɛm kibe dzidze bɔɛ.

Axwɛwɛwa 19:29

Edidze ko ɔmagbla nɛ mɛ oyuku nɛ igugu kpɛkpɛ. Edi dze klɛ be vu Gaiusɛ anɛ Aristatsyusɛ, gɛ nu Paolo yɛ beshopo denɔ Makedonia, klɛ be si eku buwɔfu ɔwɔkɔgbla ansɛ anɔ terikpo.

Axwɛwɛwa 19:8

Paolo ebe tsoku oxogokɔvu nɛ mɛ klɛ aɖɔ kaɖɔ nɛ bugɛganɛ mɛ nɛ ɔkɛlɛ wele tɛata, atsya ebui mɛ ebu nɛ Kpaya bukusiɔŋakɔ nɛ shu.

Axwɛwɛwa 9:20

Tsɛɔ̃ ko Saolo agbla kpa Kpayɛbui nɛ ɖɔ nɛ oxogokɔ bevugbla nɛm asɛ Yesu yɛenu Kpaya yɛ Eyi.

Koloseanɛ 4:10

Mɛ ɔhayɛ evuza Aristakusɛ asɛsɛ nɔ tɛsɛsɛnɔ, kana Marko abhɛtɛ, Barnaba yɛa kɛdzyayi. (Nɔ tɛ yɛkɛ odu denɔ yɛ shu, onugɛ aba wɔnɔ kɔ, nɔ yɛkɛ yɛ mɔmɔ.)

2 Timotio 4:11

Luka tite yɛ aka lɛ plɛnɔ mɛ. Mɔ Marko tɛ ɔgbanɛ yɛ ɔplɛnɔ shu ɔmɛna, alasɛ aplɛnɔ mɛ nɛ mɛ kɛxwɛwa nɛ mɛ.