Axwɛwɛwa 13:10 - ONUGBÙ NYƐNYÃ VUVƆ

¹⁰ “Wɔ, ɔfufɔɛkpã nɛ yɛeyi onu, klɛ ɔlɔ kititi nɛ kibui dzyɔgo kanyakaɛ di shu! Wɔ oyuku nɛ anɔ wɛwɛ edidedi anɛ kɛtɔkpum kpã. Klɛ so ɔtɛ bɔ zukɔlɔ Apalete nɛ edzo dzyɔgo nɛ bu tsyina?

Axwɛwɛwa 13:10 Iomraidhean Croise

Mateo 13:38

Buya nɛ mɛ bulɛ nu kanɔ nɛ mɛ, klɛ eyi dzyɔgo nɛ alɛ nu bukusiɔŋakɔ nɛ mɛ bee yi. Tɛwa nɛ klɛ nu ezizi nɛ yeyialɛ,

Mateo 15:19

Alasɛ idzyi nɛ mɛ atɔkpum kpã, gɛ enu anɔyiyi, aglɔbui, azhuzhɔlɛbui, buzi, otro ebuimɔɖɔ, anɔshuzizi ede.

Mateo 23:13

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔ da owũsise bukusiɔŋakɔ nɛ ɔkpɛ banɔa. Wɔnɔ nahwɛ no to tsoku, klɛ nɔ tɔ kɔ bagɛ ba pɛa sɛ be tsoku nɛ tsyɛ etsoku.

Mateo 3:7

Pɔ gɛ amɔ Farisianɛ anɛ Sarusianɛ gɛ baa ba ɔkɛlɛ gɛ aakpɛ buni, etsre alɛ asɛ, “Wɔnɔ atagblashã yam banɔ! Anee ye tsre nɔ sɛ no si ɔlɔ butɔ nɛ gɛɛ ba?

Luka 11:39

Ɔkɛlɛ Apalete nɛ etsre yɛ asɛ, “Ɔtsɔnɛ ɔkɛlɛ, wɔnɔ Farisianɛ no tsi bũtse nɛ busugba nɛede, pɔ wunɔ kɛmɛ nɛ mɛ kɛyuku nɛ kɛdɔ gbɛgbla pɛpɛɛ anɛ kɛtɔkpu mɛ gɛganɛ.

Luka 11:52

“Butɔ kɔ ɛshã badɔkasɛ, alasɛ nɔ nyɛna kibui titi kedunaɖɛ ayɛkɔ ɔshɛnɔ. Wunɔ nahwɛ nɔ dɛ tsoku klɛ nɔ dɛ kɔɛdzo sɛ bagɛ ba pee asɛ tɛ betsoku tsyɛ tɛ be tsoku.”

Yohanɛsɛ 1:23

Yohanɛsɛ aɖɔ tsre alɛ nɛ atɔnu Yezaya ebuiɖuɖɔ, “Mɛ nu olimɛ gɛ lɔ klu nɛ ayakpa sɛ, ‘Nɔ bu kidzo dzyudzyɔ kɔ Apalete.’ ”

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Axwɛwɛwa 20:30

Nɛ wɔnɔ nahwɛ tɛkpikpem tsyɛ banɔ aba lɔ kititi klɛ le be futsu kɛgba nɛ akpɛ sɛ tɛ be yinɔ badɔkpasɛ nɛ gɛ ba lɛ kɛlɛede nɛ kide.

2 Kɔrintioanɛ 11:3

Pɔ isifu sɛ anasɛ gɛ eblidzya bushɛ wuwa wɔɛ Eva, wunɔ tɔkpuimɛ kɛba na tsyina lɛla denɔ wunɔ kɛmumɔ nɛ kɛdzyɔgo kɔ Kristo.

Galatianɛ 1:7

gɛ kɛgbɛagba kɛdɛ nu kibui dzyɔgo nɛ ɔkɔnyɔkɔ. Kibuinɛ nu banɔ teli balɛ tii nɔ akpɛ tɛfufutsu mɛ klɛ ba wlãnkɛ sɛ tɛ betsyina Kristo kibui dzyɔgo.

Efesoanɛ 4:14

Kɛlɛ bu tɛa dzi banɛvɔ, gɛ kɛlɛɛ ba wanya vɛnɔ kede anɛ otugba klɛ kɛdɔkɛkasɛ kɛlɛɛ ba fu lɔ vɛnɔ ɔkɛ̃ anɛ mɛna ɔkɛ̃ ganɔ banɔ anɔwuwɔɛ anɛ bushɛ edzo bhɛbhɛtɛ mɛ.

2 Petro 2:15

Ba shɛnahwɛ kidzo dzyudzyɔ nɛ shu klɛ ba lɛlaɛ dzo gɛ batɔnɔ Balaam Beor ye yi nɛ gɛ adɛmɛnɔ kɛtɔkpu mɛ gɛganɛ kɔbaɛ dzo.

1 Yohanɛsɛ 3:8

Anɔ nɛ gɛ abhɛtɛ kibuizizi enu ɔfufɔɛkpã ayɛ, alasɛ ɔfufɔɛkpã nɛ lɔ bhɛtɛ kizizi denɔ kesikpɛkpɛ ke. Kibui nɛ so gɛ Kpaya yɛ Yi aba kɛlɛ nu sɛ tɛ ezi ɔfufɔɛkpã nɛ kɛxwɛwɛwa.