Axwɛwɛwa 12:4 - ONUGBÙ NYƐNYÃ VUVƆ

⁴ Gɛ evu Petro beke, ada yɛkɔɛ akpɛ buvu, klɛ aza bepupo etsu talɛ ahwɛ mɛ, keyutugbani tɛalɛ balɛ abhɛtɛ kitsu zɛzɛ. Heroɖesɛ atrɔ sɛ tɛ ayɛkɔɛ amɛna tɛ beklu kebhui nɛ yɛ nɛ ɔtɔ nɛ Tɛfɛflɛ̃wi nɛe de.

Axwɛwɛwa 12:4 Iomraidhean Croise

Mateo 24:9

“Ɔkɛlɛ la ba yɛkɔ wɔnɔ akpɛ ahwɛ kɔ sɛ ba kpatɔnɔ klɛ be be yi nɔ, klɛ amadi nɛ petee atɛ ba pɛɛ wɔnɔɛ bui akpɛ mɛ so.

Mateo 26:5

Ba sɛ, “Pɔ ganɛ kiwiŋɛŋa nɛ mɛ, odinuana eblaebui aba ba nɛ banɔ nɛ shi.”

Marko 14:1

Gɛ agɔ ansɛ ewi tabha ko tɛ Yuɖanɛ ba ŋa balɛ Ɔmɛwi gɛ nu Tɛfɛflãwi nɛ Gbɛgbɛvu gɛ ba dɛ kpɛ lɛ bunɛyekedɔ kiwi nɛ, ɛshãdɔkasɛ anɛ kpayaɔzakɔanɔ nɛ baa pɛ bushɛdzo nɔɔ nɛa bha gɛ la ba ga pɛ ba ebe vu Yesu pɛ le be yi yɛ.

Luka 21:12

“Pɔ flogo gɛ anɛ nɛ petee aba ba, ba be vu nɔ klɛ ba ba yɛkɔ nɔ akpɛ ahwɛ. Ba ba yɛkɔ nɔ akɔ bebhuiklu nɛ oxogokɔvu nɛ mɛ klɛ la ba kpɛ nɔ vu, klɛ la ba gbanɛ nɔ vɛnɔ bekusi nɛ̀ ba mani nɛ ɔkɔ nɛ mɛ nyi nɛ tɔkpu.

Luka 22:33

Ebuilɛnu asɛ, “Apalete, ɛbala sɛ buvu anɛ̀ butsi mɛ ɛba vɛ plɛnɛ wɔ.”

Yohanɛsɛ 19:23

Gɛ keyutugbani ba kpla Yesu beke, bayɛkɔ yɛ apɔtɛ dɔ ama kpɛ ɛzakɔ tɛlɛ̃, kapɛ tierikpo kɔ akanyaka, yɛ akpɛkpɛ dzidze yɛ agɔ. Awui kpɛkpɛ alɛlɛ ba dɛ kamɛ yɛ, be yui yɛ denɔ kabha ɔmɛna kesi.

Yohanɛsɛ 21:18

Itsre wɔ bui gbɛagba sɛ kɛbelɛlɛ nɛ gɛ odzi anuvɔ, wɔnahwɛ onyumu kɛdɔ klɛ okoeyi ɔvɛ ɔkɛlɛ gɛ ɔpɛɛ, pɔ kibenɔ gɛ obo she obɔ bu wɔ ɛhwɛ klɛ anɔ bhlatɔ abe nyumu kɛdɔ kɔ wɔ klɛ aba gbanɛ wɔ avɛnɔ ɔkɛlɛ gɛ ɔdɛ pɛɛ sɛ tɛ ɔvɛ.”

Axwɛwɛwa 12:3

Gɛ Heroɖes amɔ sɛ yɛ anɔ yiyi ne ku Yuɖanɛ nɛ awɔ̃, aza vɛ klɛa bha ede vu Petro tsyɛ. Kibui nɛ bɛlɛm nɛ Mawɛ manyɛnya manyɛnya wi nɛɛ ŋa be.

Axwɛwɛwa 12:5

So nɛɛ banyɛna Petro evunɔ nɛ buvu, pɔ busɔlɛ ɔha nɔ za Kpaya tɛkuklua bha gɛganɛɛ nɛ yɛ kɛtɔkpu.

Axwɛwɛwa 4:28

Ba bhɛtɛ kɛgɛ wɔ kemi nɛ tɛpɛpɛ nɛ tɛ trɔ lu kukuuku sɛ kɛ ba kɛlɛ mɛ.

Axwɛwɛwa 4:3

Be vu Petro nɛ Yohanɛsɛ, klɛ gɛ keli ti bele so nɛɛ, ba yɛkɔa lɛ ada kpɛ buvu kɔ keli zɛza.

Axwɛwɛwa 5:18

Be vu Banɔkpɛkpɛ klɛ la yɛkɔ akpɛ ɔma buvu.

Axwɛwɛwa 8:3

Pɔ Saolo akpɛ busɔlɛ mɛha nɛ tɛ yɛyɛesi. Alɔ nɛ bupa mɛ avɛ bupa mɛ, klɛ evu banyɛ nɛ badzɛ ada kpɛ be vu.