Axwɛwɛwa 12:3 - ONUGBÙ NYƐNYÃ VUVƆ

³ Gɛ Heroɖes amɔ sɛ yɛ anɔ yiyi ne ku Yuɖanɛ nɛ awɔ̃, aza vɛ klɛa bha ede vu Petro tsyɛ. Kibui nɛ bɛlɛm nɛ Mawɛ manyɛnya manyɛnya wi nɛɛ ŋa be.

Axwɛwɛwa 12:3 Iomraidhean Croise

Mateo 26:17

Nɛ Gbɛgbɛvu nɛ gɛ Bunayekedɔ ma yɛ mɛ Kiwi Ŋɛŋa nɛɛ wi tutɔpu nɛa bha, badɔkpasɛ nɛ ba tɔnɔ Yesu aba klɛ be bisi yɛ asɛ, “Fakɔ ɔpɛɛ sɛ tɛ bubhɛtɛ tɛbɛbala kɔ Tɛfɛflawi nɛ tɛŋɛŋa?”

Yohanɛsɛ 12:43

alasɛ ba dɛmɛnɔ kɛnyi kpɛkpɛ nɛabha denɔ banɔ kɔ dɛ kɛnyi kpɛkpɛ denɔ Kpaya kɔ.

Yohanɛsɛ 19:11

Yesu ebushunu asɛ, “Kemi tɛ ba za wɔ ahwɛ nɛ mɛabha onugɛ ba dɛ kɔ wɔ denɔ kabha. Kɛlɛso agɛ yɛ ayɛkɔ mɛ akpahwɛ kɔ wɔ be bu yɛ buzizi pɔ gbɛgbladɛ.”

Yohanɛsɛ 21:18

Itsre wɔ bui gbɛagba sɛ kɛbelɛlɛ nɛ gɛ odzi anuvɔ, wɔnahwɛ onyumu kɛdɔ klɛ okoeyi ɔvɛ ɔkɛlɛ gɛ ɔpɛɛ, pɔ kibenɔ gɛ obo she obɔ bu wɔ ɛhwɛ klɛ anɔ bhlatɔ abe nyumu kɛdɔ kɔ wɔ klɛ aba gbanɛ wɔ avɛnɔ ɔkɛlɛ gɛ ɔdɛ pɛɛ sɛ tɛ ɔvɛ.”

Axwɛwɛwa 12:4

Gɛ evu Petro beke, ada yɛkɔɛ akpɛ buvu, klɛ aza bepupo etsu talɛ ahwɛ mɛ, keyutugbani tɛalɛ balɛ abhɛtɛ kitsu zɛzɛ. Heroɖesɛ atrɔ sɛ tɛ ayɛkɔɛ amɛna tɛ beklu kebhui nɛ yɛ nɛ ɔtɔ nɛ Tɛfɛflɛ̃wi nɛe de.

Axwɛwɛwa 2:14

Ɔkɛlɛ Petro alɔ kititi nɛ banɔ Lɔfɔntoli, klɛ adanɛ yɛ olim klɛ aɖɔ kaɖɔ kɔ banɔɛza na sɛ: “Mɛɔhayɛalɛ Yuɖanɛ nɛ wɔnɔ petee gɛ nɔ lɛ Yerusalɛm, kɔ mɛ bu kibuii nɛesi kɔ nɔ, nɔ ta batɔ mɔɔ mɔ nɛ kibui nɛ gɛ ɛba ɖɔ.

Axwɛwɛwa 20:6

Pɔ nɛɛ bulɔ lɔ za kenia bha denɔ Filipi nɛ Gbɛgbɛvuwi ŋɛŋa nɛede, klɛ nɛ ewi tetie de nɛɛ butsodzi ada tɔnɔ bagɔgɔɛ nɛ Troasɛ, nɛ ɔklɛ gɛ bu za ewi tegene.

Axwɛwɛwa 24:27

Gɛ agɔ tabha aba fla, Pɔsiɔs Festusɛ aba yɛkɛ Felikisi ɔzakɔ, pɔ gɛ Felikisi apɛa sɛ tɛ atrɔ ahwɛ nɛ Paolo eshutukubui so, ashɛ̃nahwɛ yɛ shu akpɛ buvu.

Axwɛwɛwa 25:9

Gɛ Festusɛ apɛa sɛ tɛ aplɛnɔ Yuɖanɛ nɛ so, ebisi Paolo asɛ, “Ɔpɛɔ sɛ tɛ owu ɔvɛ Yerusalɛm tɛ ɔdɔ za kebhui nɛ mamɛ nɛ ebuia nɛ gɛ ba yɛkɔ nɛ wɔ shu nɛ dza?”

Axwɛwɛwa 4:13

Gɛ banɔ na mɔ kemi nɛ di ga kpasɛ Petro anɛ Yohanɛsɛ mɛ klɛ be vu awɔ̃hũ sɛ ba dɛ dɛ́ adɛdɛ kanyaka tsyɛ, benu banɔ tite ko nɛɛ kɛbhɛtɛ balɛ bi klɛ ba kpɛ balɛ kɛxawũ sɛ benu banɔ gɛ ba za nɛ Yesu.

Galatianɛ 1:10

Ɔtsɔ̃nɛ ɛwlãnkɛ sɛ ɛmɔ ahwɛ tɛtrɔ denɔ banɔ kɔ pɛnɔ Kpaya kɔ? Pɛnɔ ɛwlãkɛ sɛ tɛ ɛku banɔ awɔ̃? Onugɛ ɛka wlãnkɛ sɛ tɛ ɛku banɔ awɔ̃, ɛtɛba dzi Kristo axwɛwa.

1 Tɛsolonianɛ 2:4

Kɛɛlɛ nɛ mazɛ lɛ mɛ, bu ɖɔaɖɔ anasɛ banɔ gɛ Kpaya atrɔahwɛ bulɔa bha pɛ ba ba yɛkɔ kibuidzyɔgo nɛ akpɛ bulɔ ahwɛ. Bu tɛ bhɛtɛ sɛ tɛ bu ku banɔ awɔ̃ pɔ Kpaya, gɛ eefeke bulɔ idzyi nɛ mɛ edi.