Axwɛwɛwa 11:3 - ONUGBÙ NYƐNYÃ VUVƆ

³ klɛ baɖɔ sɛ, “Ɔvɛ ba gɛ edi bhui bɔnyɛnyɛ nɛ bupa mɛ klɛ ɔdɔ ŋa kɛdɔ na lɛ.”

Axwɛwɛwa 11:3 Iomraidhean Croise

Mateo 9:11

Gɛ Farisianɛ na mɔa na, be bisi yɛ badɔkpasɛ nɛ asɛ, “Kide so pɛɛ wɔnɔ Adɔkasɛ nɛ xũ nɛ aaŋa kɛdɔ nɛ badɔdzyɔ anɛ ‘bezizi’?”

Luka 15:2

Pɔ Farisianɛ anɛ ɛshã badɔkasɛ bakpɛ onugbuesi kɔ yɛ sɛ, “Anyɛa nɛ ayɛkɛ banɔ kpã bui klɛ aŋaɛ dɔ nɛ alɛ.”

Yohanɛsɛ 18:28

Ɔkɛlɛ Yuɖanɛ nɛ agbanɔ Yesu edenɔ Kayafasɛ ɔkɔ avɛnɔ Romanɛ ekusi nɛ ɔkɔ. Kibe lɛ nɛ mɛ dzi kɛvlɔ pinii, klɛ tɛ ba tɛ ba da nɛ ishu mabhui mabhui begu nɛ shu so Yuɖanɛ ne di tsoku bupa nɛ mɛ, ba pɛɛ sɛ tɛ ba mɔɛ dzo aŋa Tɛfɛflaɛwui.

Axwɛwɛwa 10:23

Klɛ Petro ayɛkɛ banyɛ nɛ ansɛ yɛ befu akpɛ yɛ bupa mɛ. Nɛ keli zɛzam nɛɛ Petro ebe koeyi aplɛnɔ alɛ, anɛ badzya teli gɛ be de Yoppa tsya tɔnɔ alɛ.

Axwɛwɛwa 10:28

Etsrea lɛ asɛ: “No nyi mɔmɔ sɛ ɔshã nɛ ɔdɛ kɔ kidzo sɛ tɛ Yuɖa eyi aga nɛ bagɛ edi nu Yuɖanɛ ɔdɔgɔsɛ adɛ yɛ ɔbha. Pɔ Kpaya atɛ bu akasɛ mɛa sɛ ɛtɛ klu anɔnyanɔ sɛ adɛ na ɔdɔgɔsɛ sɛ yɛ shu di bhui.

Axwɛwɛwa 10:32

Kpɛ anɔ nɛ Simɔnesi gɛ be klua sɛ Petro nɛ Yoppa. Enu efu nɛ Simɔnɛ nɛ gɛ abhɛtɛ buzaplukpa nɛ bupa mɛ, nɛ aƒu nɛ tɔ.’

Axwɛwɛwa 10:48

So nɛ Petro akɔ sɛ tɛ ba kpɛ buni nɛ Yesu Kristo kinyim kɔa lɛ tsyɛ. Klɛ be bisi sɛ Petro aza balɛ ɔbha ewi bhli teli ko.

1 Kɔrintioanɛ 5:11

Pɔ ɔtsɔnɛ ɛŋlɔmɛ sɛsɛ nɔ sɛ nɔ tɔ ganɔ nɛ anɔnyanɔ gɛ ɛklu yɛ shu sɛ adzya pɔ abhɛtɛ aglɔbui pɛnɔ kɛdɔ gbɛgbla pɛpɛɛ, obudielete, anɔshu zizi, eluwɔ̃ɛ pɛnɔ ezi. Anɔa nɛdi tɔ ŋa ɛdɔ kura tsyɛ nɛ yɛ.

Galatianɛ 2:12

Flogo gɛ banɔ teli ede Yakobo ɔkɔ aba, aganɛ kɛdɔ aŋa nɛ bagɛ be di nu Yuɖanɛ nɔ kɔ. Pɔ gɛ ba ba, etenɔ kide yi klɛ ebushu nɛ bagɛ be dinu Yuɖanɛ nɛ shi alasɛ esifu nɛ banɔ nɛ gɛ ba lɛ bunyɛnyɛ bhubhui ɔha nɛ mɛ nɛ shu.

2 Yohanɛsɛ 1:10

Onugɛ anɔ teli aba wɔ kɔ klɛ adɛ mɛna nɔ kɛdɔkɛkasɛ nɛ, nɔ tɛ yɛkɛ yɛ akpɛ wɔnɔ bupa mɛ ɔdɔgɔsɛ nɔ kɔ yɛ wola.