Axwɛwɛwa 10:11 - ONUGBÙ NYƐNYÃ VUVƆ

¹¹ Nɛ kɛlɛ mɛ nɛɛ amɔ owũsise lɔ danɛ klɛ amɔ kɛdɔ tili ansɛ keplukpa bhlɛkɛ gɛ be zhinɔ denɔ owũsise nɛ aamɛna kesukpa, nɛ bupɛ tɔlɛ nɛm nɛa bha.

Axwɛwɛwa 10:11 Iomraidhean Croise

Mateo 8:11

Itsre nɔ sɛ banɔ gelee ebe de owuwu anɛ ozhizhi, klɛ la ba za balɛ ɛzakɔ nɛ kɛdɔŋakɔ nɛ Abraham, Isakɛ anɛ Yakɔb nɛ owũsisɛ bukusi nɛ mɛ.

Luka 3:21

Kɛbelɛlɛ gɛ ba kpɛ buni kɔ banɔ petee beke, ba kpɛ kɔ Yesu tsyɛ. Klɛ gɛ eklukpaya, owũsise danɛ

Yohanɛsɛ 1:51

Kɛlɛ azaɖɔ sɛ, “Itsre nɔ kibui gbɛagba sɛ nɔ bɔ mɔ owũsise lɔ bɔ danɛ klɛ Kpaya yɛ baxwɛdɛ ba baza ewu klɛ baza ezhi aba nɛ Anɔdzyrame Yi nɛabha.”

Yohanɛsɛ 11:52

klɛ anɛ kɔ ɔma lɛlɛ tite so, pɔ kɔ Kpaya banuvɔ nɛ gɛ balɛ ebha tɛ ba gbanɛ ala exogo tɛ ba bhɛtɛ alɛ terikpo.

Yohanɛsɛ 12:32

Pɔ mɛ, kibelɛlɛ gɛ befeke mɛ avɛnɔ kabha denɔ kesukpɛa nɛ mɛ, ɛba gbanɔ banɔ petee ɛmɛna me shu.”

Axwɛwɛwa 10:12

Keplukpa nɛ keyuku nɛ ɛtsrɛ tɛlɛ̃ aga petee, anɛ ɛyɛabhaga, anɛ kɛlɛm buzhɔɛ.

Axwɛwɛwa 11:5

“Ɛza Yoppa ɔmagbla nɛm ɛklu Kpaya, klɛ ansɛ tram dza nɛ ɛmɔɛ dɔ. Ɛmɔ kɛdɔ tili ansɛ keplukpagbla gɛ be zhinɔ denɔ owũsise nɛ bupɛ tɔlɛ nɛm, klɛ kɛ ba zhidɔ ɛklɛ gɛ ɛza.

Axwɛwɛwa 7:56

Asɛ, “Di mɔ,” “Ɛmɔ owũsise lɔ danɛ klɛ Anɔdzyrame yɛ Eyi nɛ li kititi nɛ Kpaya kɛŋam.”

Romanɛ 1:16

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

Romanɛ 9:4

gɛ be nu Izraɛlanɛ. Balɛ yɛ kɛlɛ nu sɛ tɛ bayɛkɛ balɛ ansɛ beyi, balɛ yɛ kɛlɛ nu ɔfufɔɛ mɛ ishubhubhui, inugbunyɛnya, ɔshã anɛ tɛyɛyɛkɛ, busɔlɛvu mɛ tɛsusɔlɛ nɛ tɛtutrɔ.

Galatianɛ 2:15

“Bulɔ gɛ nu Yuɖanɛ mumɔ klɛ anɛ bagɛ be dinu ‘Yuɖanɛ ebuikpã elete’

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

Efesoanɛ 1:10

tɛ aba yɛkɔ kpɛ tɛbhɛtɛmɛ nɛ kibelɛlɛmɛ gɛ na kɔ kɛlɛ tɛbhɛbhɛtɛ—tɛ amɛna ebui petee gɛ la lɛ owũsise anɛ̀ kesukpa gɛ kɛxogo nɛ kɛtɔkpu tirikpoesi, Kristo kura tsyɛ.

Efesoanɛ 3:6

Kibui kpukpuinɛ kɛlɛ nu sɛ ganɔ kibui dzyɔgoe nɛ mɛ ba gɛ be di nu Yuɖanɛ tsyɛ ba baŋa kidedɔ nɛ̀ Izraɛlanɛ, ɔhamanɛ xuxogo tirikpo, klɛ bɛ xogonɛ ishuidzya nɛ mɛ ayɛkɛ kɛ gɛ aɖɔlu nɛ Kristo Yesu mɛ.

Koloseanɛ 3:11

Ɔkɛ̃nɛ Griki ɔdɔgɔsɛ Yuɖaeyi ama, bunyɛnyɛ bhubhui, ɔdɔgɔsɛ bunyɛnyɛ mabhuimabhui, bunuhu bhlatɔ ehuhu, amɛ mabhuimabhui, banɔdzidzi, ɔdɔgɔsɛ ɛshuahwɛ zɛza, pɔ Kristo enu balɛ petee, klɛ alɛ balɛ petee mɛ.

Tɛbubukasɛ 11:19

Ɔkɛlɛ Kpaya busɔlɛvu nɛ owũsise nɛ danɛ, klɛ nɛ yɛ busɔlɛvu nɛ mɛ ba mɔ yɛ onugbunyɛnya osiakputɔ. Klɛ kifu ɛmɔɛ ba, ilimgugu, subhalɛlɛ aklãgbu, kesukpa huhwa anɛ amuklãgbuilɛ gbɛgbla.

Tɛbubukasɛ 19:11

Ɛmɔ owũsise gɛ ɔdanɛ oli klɛ nɛ mɛ amɛ ɛsɔ fufu eli, gɛ agɛ etsri yɛa bha be kulua sɛ Tɛyɛyɛkɛŋa anɛ Kɛgba. Plɛnɔ tɛnɛna mɛ ekluebhui klɛ ata keyu.

Tɛbubukasɛ 4:1

Kɛnɛ nɛe de idi, klɛ nɛ mɛ amɛ kedunu tieli kadanɛ li nɛ owũsise. Klɛ olim tutɔpu nɛ gɛ inu lɔ ɖɔ kaɖɔ otsrem ansɛ kaxũlɛ̃ nɛ ɔsɛ, “Wu ɔba ɔkɛ̃, klɛ ɛba kasɛ wɔ kɛgɛ alasɛ kɛ ba nɛ kɛɛ nɛ nɛe de.”