Axwɛwɛwa 1:3 - ONUGBÙ NYƐNYÃ VUVƆ

³ Nɛ yɛ butɔ nɛede nɛɛ, Yesu ebu yɛ shu akasɛ banɔ klɛ abhɛtɛ ebui gelee ayɛkɔ akasɛ sɛ alɛ nɛ ɛkpã. Awɛ̃ nɛ balɛ amɛ ganɔ ewi afɛtalɛ̃ mɛ klɛ aɖɔ kaɖɔ denɔ Kpaya bukusi ɔŋakɔ nɛ shu.

Axwɛwɛwa 1:3 Iomraidhean Croise

Mateo 21:43

Kɛlɛ so itsre nɔ sɛ ba ba nyɛna Kpaya bukusiɔŋakɔ nɛ ayɛkɛ nɛ wɔnɔ ahwɛ ayɛkɔ ada kɔ banɔ nɛ gɛ be yu ɔkɛlɛ eyuyu.

Mateo 28:9

Nɛ ɔkɛlɛ ɔlɛlɛ nɛ ko Yesu agbla tsyanɔa lɛ. Asɛ “Ɛsɛnɔ nɔ.” Badzɛ nɛ etsobunɔ yɛ, klɛ ba nyɛna yɛ butsrukpɔ klɛ ba kpɛ kɛtɔkpuesi akɔ yɛ.

Mateo 3:2

klɛ aaɖɔ asɛ, “Tsyinaɛtem, alasɛ owũsise bukusiɔŋakɔ nɛ otsobunɔ.”

Mateo 4:2

Gɛ anya onugbu ewi afɛtalɛ̃ anɛ elishi afɛtalɛ̃ nɛ beke, bubhɛ ba yi yɛ.

Marko 16:19

Gɛ Apalete Yesu aɖɔ ebuia nɛ etsrea lɛ beke nɛɛ, baa yɛkɔ yɛ avɛnɔ owũsise klɛ ede zhiaza Kpaya kɛŋam,

Yohanɛsɛ 20:26

Ɔgɔnɛ zɛzɛ ede yɛ badɔkpasɛ ba za bupa nɛ mɛ, klɛ Toma aza balɛ shi. Kɛlɛlɛmɛ sɛ bevu nɛ da, pɔ Yesu etsoku bale shi klɛ aɖɔ sɛ, “Nɔ lɛ mɔmɔ!”

Yohanɛsɛ 21:1

Kɛlɛede Yesu eze bu ishuakasɛ yɛ badɔkpasɛ, nɛ́ Tiberiasɛ aƒu nɛ shu. Kɛbɛlɛmɛ nɛ kidzoe nɛa bha:

Yohanɛsɛ 21:14

Kɛnɛ kɛlɛnu butramɛ gɛ Yesu ebu ishu akasɛ yɛ badɔkpasɛ nɛ yɛ tɛnyɛnyɛ mɛ ede nɛ bekpui mɛ.

Axwɛwɛwa 13:31

klɛ nɛ ewi geleem nɛɛ bagɛ ba ga nɛ yɛ edenɔ Galelia avɛnɔ Yerusalɛm na mɔɛ. Balɛ nu baga mɔ aplɛnɔ nɛ akɔ blɔkɔayɛ.

Axwɛwɛwa 19:8

Paolo ebe tsoku oxogokɔvu nɛ mɛ klɛ aɖɔ kaɖɔ nɛ bugɛganɛ mɛ nɛ ɔkɛlɛ wele tɛata, atsya ebui mɛ ebu nɛ Kpaya bukusiɔŋakɔ nɛ shu.

Axwɛwɛwa 28:23

Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Axwɛwɛwa 28:31

Ganɔ kitekpɛkpɛ anɛ kide madimadi mɛ aɖɔ kaɖɔ edenɔ Kpaya bukusi ɔŋakɔ nɛ shu klɛ akasɛ kɛdɔ denɔ Apalete Yesu Kristo shu.

Axwɛwɛwa 8:12

Pɔ kibe lɛ gɛ ba yɛkɛ Flipoa bha ŋa gɛ aɖɔ kibui dzyɔgo nɛ denɔ Kpaya bukusi ɔŋakɔ nɛ shu anɛ Yesu Kristo kinyi, ba kpɛ buni kɔa lɛ, banyɛ anɛ badzɛ.

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

Koloseanɛ 1:13

Alasɛ ebhulɔayɛkɛ denɔ otumu ɔzakɔ klɛ amɛna lɔ aba kpɛ nɛ Eyi bukusiɔŋakɔ gɛ adɛmɛnɔ,

1 Tɛsolonianɛ 2:12

balɛ kemikpɛkpɛ, ishumyuyɔ klɛ etsre nɔ asɛ tɛ nɔ za nɛ ɛkpã gɛ ku Kpaya awɔ̃, gɛ eekulu nɔ akpɛ yɛ bukusiɔŋakɔ nɛ ishubhubhui nɛ mɛ.

1 Yohanɛsɛ 1:1

Kɛ gɛ de kesikpɛkpɛ nɛ mɛ, gɛ bu nu, gɛ bu mɔ nɛ bu lɔ awɔ̃hu, gɛ bu di klɛ bulɔ ɛhwɛ nɛ hunɔ—kɛnɛ bu buɖɔ denɔ ɛkpã Ebui shu.