Axwɛwɛwa 1:16 - ONUGBÙ NYƐNYÃ VUVƆ

¹⁶ klɛ asɛ, “Badzya mɔ, alasɛ tɛ Kpayɛbui ŋuŋlɔmɛ nɛ ba kɛlɛm gɛ Ɔfufɔɛ Dzyɔgo nɛ ɔɖɔ kukuuku ganɔ Daviti onugbu mɛ denɔ Yuɖasɛ nɛ gɛ akɔ bagɛ be vu Yesu nɛ tɛpɛplɛnɔ.

Axwɛwɛwa 1:16 Iomraidhean Croise

Mateo 26:14

Ɔkɛlɛ banɔ lɔfɔntɛabha nɛ ɔmayɛ teli gɛ be kulu asɛ Yuɖasɛ Iskarɔtɛ nɛ atɔnɔ kpayaɔzakɔanɔ gbla nɛ avɛ

Mateo 26:47

Nɛ kibe lɛ nɛ gɛ eke dzia ɖɔ kaɖɔ, Yuɖasɛ, gɛ enu Kɛfɔntɛabha nɛ ɔmɛayɛ teli, nɛ ebe ku. Banɔɛza gbla lɛ yɛe de nɛ baa hɛ nɛ busukpogunu, gɛ benu banɔ gɛ kpayaɔzakɔanɔ anɛ beshishe nɛ ba kpɛ yɛe si.

Mateo 26:54

Pɔ kɛlɛ kɛba za pɛ kibui nɛ ba bhɛtɛ ansɛ gɛ ba ŋlɔ̃mɛ lɛ elu nɛ Kpayɛbui keplukpa nɛ mɛ?”

Mateo 26:56

Pɔ ebuia nɛ petee aba kɛlɛ mɛ sɛ tɛ batɔnu nɛ kɛdɔ nɛ gɛ ba ŋlɔ̃mɛ elu nɛ aba kɛlɛ mɛ.” Kibe lɛ nɛ mɛ badɔkpasɛ nɛ petee atɛ pɔɛhle alɔ yɛ.

Marko 12:36

Deviti nahwɛ nɛ, yɛ kaɖɔɖuɖɔ ganɔ Ɔfufɔɛ Dzyɔgo nɛa bha nɛ, ebu aɖɔ sɛ, “ ‘Apalete na ɖɔ etsre mɛ Apalete nɛ asɛ, “Za mɛ kɛŋa nɛ mɛ ɔdɔ nanɔ kibee lɛ gɛ ɛba yɛkɔ baga dɛ pɛɛ wɔ nɛ ɛkpɛ wɔ butsrukpɔ kesi.”

Marko 14:43

Gɛ Yesu azaa ɖɔaɖɔ nɛ ko, Yuɖasɛ Kɛfɔntɛabha nɛ ɔmɛayɛ teli aba wɛ̃. Yɛ anɛ banɔɛza tili gɛ ba bala shu nɛ bupamɛ anɛ busukpogunu, gɛ ba kpɛ edenɔ bakpayanɔgbla, ɛshãdɔkasɛ anɛ beshishe nɛ ɔkɔ.

Luka 22:47

Kɛbelɛlɛ nɛ gɛ aza ɖɔaɖɔ banɔɛza ba be xogo, klɛ anɔ nɛ gɛ bɛ́ klu asɛ, Yuɖasɛ, Kɛfɔnɛtɛabha nɛ teli, yɛ putɔ nɔ nɛ alɛ. Etsobunɔ Yesu tɛ amukɔ yɛ onugbu.

Yohanɛsɛ 10:35

Onugɛ Kpaya eklu alɛ sɛ ‘bakpaya,’ gɛ Kpayɛbui nɛ ba kɔ—klɛ ba tɛ ba tsyina Kpayɛbui nɛ gɛ ba ŋlɔmɛ elu—

Yohanɛsɛ 13:18

“Anɛ nɔ petee mɛ ɖɔ, enyi ba gɛ eklu. Pɔ sɛ tɛ Kpaya bui nɛ bɛlɛmɛ, ‘Anɔ nɛ gɛ bulɔ nɛ yɛ bu kpahwɛ kɛsugbɛ tirikpo mɛ, yɛ alɔ kititi nɛ mɛ shu.’

Yohanɛsɛ 17:12

Kɛbelɛlɛ gɛ ɛlɛ ba lɛ ɔbha ɛkpɛ buka kpɛ alɛ klɛ idi ba lɛabha mɔmɔ ganɔ kɛ nyi gɛ ɔkɔ mɛ nɛabha. Anɔnyanɔ adɛ lɛla ɔdɛ nu agɛ yɛ ba trɔ sɛ tɛ alɛla nɛ sɛ tɛ be bu Kpayaplukpa mɛ ebui nɛ akasɛ.

Yohanɛsɛ 19:36

Kɛbui nɛ bɛlɛmɛ sɛ tɛ Kpayaplukpa bui nɛ bɛlɛmɛ, “Yɛ xwa terikpo tsyɛ be tibe dzyini,”

Axwɛwɛwa 1:20

Petro asɛ, “Alasɛ,” ba ŋlɔmɛ akpɛ Ɛdzɛeplukpa nɛ mɛ asɛ, “ ‘Kɔ yɛ bupa nɛ wɔ akpɛkpa, kɔ sɛ anɔnyanɔ atɛ za bulɛ mɛ,’ klɛ, “ ‘Kɔ sɛ anɔbhlatɔ ayɛkɛ yɛ ɔzakɔ nɛ otugbazɛzam.’

Axwɛwɛwa 13:15

Nɛ kibe lɛ gɛ bakla kɛdɔ edenɔ Ɔshã anɛ Batɔnu nɛ ɔkɔ bagɛ ba ŋɛabha nɛ oxogokɔvu nɛmɛ ne tsre Paolo anɛ yɛadzyalɛ nɛ odu aaɖɔ asɛ, “Badzya mɔ, onu kibui tili gɛ kɛ ba kpɛ anɔ nɛ otugba ba za wɔnɔ ahwɛ kɔ banɔ nɛɛ, tɛ nɔ ɖɔ.”

Axwɛwɛwa 13:38

“Kɛlɛso nɛɛ, madzyalɛ mɔ, ɛpɛ sɛ tɛ no ti sɛ ganɔ Yesua bha la ɖɔ buzizi tɛyɛyɛkɔ tsye bui etsre nɔ.

Axwɛwɛwa 15:13

Gɛ ba bhɛtɛ beke, Yakobo ebu aɖɔ asɛ “Badzya mɔ, nɔ ta mɛ batɔ.

Axwɛwɛwa 15:7

Nɛ ebui nyɛnyɛnadi gelee de, Petro ebe vu alɔ klɛ aɖɔ kaɖɔ akɔa lɛ asɛ: “Badzya mɔ, no nyi ɔsɛ, nɛ kibe tili gɛ ba fla nɛ mɛ Kpaya ebu anɔ teli edenɔ wɔnɔm sɛ tɛ baga dɛ nu Yuɖanɛ nɛ tsyɛ be nu edenɔ mɛ onugbu mɛ kɛgɛ kibui dzyɔgo nɛ vunɔ tɛ ba yɛkɛ aŋa.

Axwɛwɛwa 2:23

Anɔa nɛɛ bayɛkɔ yɛ akpɛahwɛ kɔ nɔ ganɔ Kpaya tɛtɛtrɔ nɛ kibuititi kpɛ otugbam, klɛ wɔnɔ, ganɔ atɔkpumgɛganɛ banɔ tɛpɛplɛnɔm nɛɛ, no yi yɛ ganɔ yɛ tɛkpɛkplasɔ butsiosi shu.

Axwɛwɛwa 2:37

Gɛ banɔ nɛ nu kibui nɛɛ, kibhui balɛ kite mɛ ohui klɛ baa ɖɔ tsre Petro anɛ Banɔkpɛkpɛ gɔgɔɛ nɛ asɛ, “Badzya mɔ, kide lɔ ba bhɛtɛ?”

Axwɛwɛwa 22:1

“Madzyalɛ anɛ Makalɛ mɔ, ɛba bu ishu nu, ɔtsɔlɛ nɔ ta batɔ tɛ no nu mɛ shu nu tɛbubu.”

Axwɛwɛwa 23:1

Paolo edi bebhuiklu nɛ amɛ klɛ aɖɔ sɛ, “Madzyalɛ mɔ, ɛtɛ wa mɛ kɛxwɛ nɛ gɛ Kpaya atrɔ kɔ mɛ nɛ mɛ idzyi petee ɔbɔ tɔnɔ obo wi.”

Axwɛwɛwa 23:6

Ɔkɛlɛ nɛɛ Paolo, gɛ enyi asɛ banɔ nɛ teli benu Sarusianɛ klɛ bagɔgɔɛ nɛ enu Farisianɛ so nɛɛ, akpɛ onugbu klɛ eklu edenɔ Bebhuiklu nɛ mɛ asɛ, “Madzyalɛ mɔ, mɛ nɛ Farisieyi mɛ ɛnu, Farisieyi ya mɔ mɛ. Ili kititi kɔ kebhui kuklu nɛ mɛ alasɛ ɛyɛkɛ ŋa sɛ tɛ lɔlɔ lɛ nɛ butsie de.”

Axwɛwɛwa 28:17

Nɛ ewi tata kede nɛɛ eklu Yuɖanɛ otugba banɔ nɛ petee exogo. Gɛ be xogo beke, Paolo etsrea lɛ asɛ: “Madzya Izraɛlanɛ mɔ, kɛ lɛ klɛm sɛ ɛdɛ bhɛtɛ buzizi kanyaka vɛnɔ anɔnyanɔ kɔ ɔdɔgɔsɛ ɛda trɔ bulɔa kalɛ nɛ begu kanyakaɛ bha, tsyɛ be vum nɛ Yerusalɛm klɛ la da yɛkɔ mɛ ada kpɛ ahwɛ kɔ Romanɛ.

Axwɛwɛwa 28:25

Ba taa ba yɛkɛ aglɔ abha aŋa nɛ kibui nɛm klɛ la ba kpaa shɛ nɛ Paolo kibui ɖuɖɔ gɔgɔɛ nɛe de sɛ: “Ɔfufɔɛ Dzyɔgo nɛ ɔɖɔ kɛgba nɛ otsre wɔnɔ bakakuku ganɔ atɔnu Yezaya bha sɛ:

Axwɛwɛwa 7:2

Ebui lɛ nu aɖɔ sɛ, “Madzyalɛ anɛ mɛakalɛ mɔ, nɔ tatɔ tɛ nɛ mɛ! Ishu dɛdanɛ Kpaya nɛ ebu ishu akasɛ bulɔ Aka Abraham nɛ kibe lɛ gɛ aka lɛ Mesopotemia, flogo pɛ aba za Haran.

1 Petro 1:11

ba wlãnkɛ sɛ tɛ beti kibe klɛ nɛ la gɛ lalɛ alɛshu kɔ Kristo Ɔfufɔɛ nɛ́ balɛ mɛ akasɛ kibe nɛ gɛ aɖɔ Kristo butɔ anɛ yɛ shu bhubhui gɛ kɛ ba za lɛede.

2 Petro 1:21

Alasɛ kibuiɖɔlu kɛtɛde kɛlɛ odekɔ nɛ anɔ tɛ pɛpɛɛ mɛ, pɔ banɔ baɖɔaɖɔ denɔ Kpaya kɔ anasɛ gɛ Ɔfufɔɛ Dzyɔgo nɛ otuku alɛ.

2 Petro 2:21

Kɛ tapɛ̃ kɔalɛdɛ gɛ be di ti kɛdzo kɔ kɛdzyɔgo bhɛbhɛtɛ, dɛ sɛ tɛ be ti lɛ klɛ tɛ be tsyina kede akpɛ ɛshã bhubhui nɛ gɛ bakpɛ kɔ alɛ.