Axwɛwɛwa 1:15 - ONUGBÙ NYƐNYÃ VUVƆ

¹⁵ Nɛ ewi alɛlɛ nɛm nɛɛ Petro alɔ kititi nɛ bagɛ bayɛkɛaŋa nɛ shi, (banɔ gɛ balɛ tɛkpɛkpem ba za ansɛ kɛfɔɛfɔ nɛ afɛtabha)

Axwɛwɛwa 1:15 Iomraidhean Croise

Mateo 13:31

Yesu aza kpɛ kɛkpalɛ bhlatɔ asɛ: “Owũsise bukusiɔŋakɔ nɛ odzi ansɛ eyixwɛtsɛ, gɛ anɔ teli ada ɖa nɛ yɛ buya mɛ.

Luka 22:32

Pɔ iklukpaya nɛ wunɔɛ tɔkpu, Simɔn, sɛ tɛ wɔ tɛyɛyɛkɛŋa tɛ wɔlɛ. Klɛ kibenɔ gɛ otsodzi otsyina ɔtɔ mɛ, kpɛ wɔ adzyalɛ nɛ kemi.”

Yohanɛsɛ 14:12

Kɛ bui gbɛagba mɛ tsre nɔ, anɔnyanɔ gɛ tɛyɛyɛkɛŋa lɛ yɛ awɛ nɛ mɛ́ mɛ aba bhɛtɛ kɛdɔnyɛdɔ gɛ ɛbhɛtɛ. Aba bhɛtɛdɛ ebui gbɛgbla dɛ anɛ nɛ tsyɛ, alasɛ ɛvɛ Aka nɛ ɔkɔ.

Yohanɛsɛ 21:23

Kɛbuinɛ so, nɔ ɖɔ ebui ɔkana nɛ bala badzya nɛ mɛ sɛ adɔkpasɛ anɛ eti be tsi. Pɔ Yesu adɛ ɖɔ sɛ etibe tsi, aɖɔ ko sɛ, “Onugɛ ɛpɛɛ sɛ tɛ azanɛ kpã ɔdɔtɔnɔ kɛbe gɛ ɛbatsodzi ba, kɛde lɛ nu kɔ wɔ?”

Axwɛwɛwa 10:23

Klɛ Petro ayɛkɛ banyɛ nɛ ansɛ yɛ befu akpɛ yɛ bupa mɛ. Nɛ keli zɛzam nɛɛ Petro ebe koeyi aplɛnɔ alɛ, anɛ badzya teli gɛ be de Yoppa tsya tɔnɔ alɛ.

Axwɛwɛwa 11:1

Banɔkpɛkpɛ anɛ balɛ adzyalɛ nɛ Yuɖia petee nu asɛ bagɛ edi nu Yuɖanɛ nɛ tsyɛ atɛ yɛkɛ Kpaya kibui.

Axwɛwɛwa 11:12

Ɔfufɔɛ nɛ otsrem ɔsɛ iti yi kide nɛ banɔ nɛ kede zɛza shu. Badzya tiehloa nɛ tsyɛ avɛ plɛnɔ mɛ, klɛ bu tsoku anyɛ nɛ bupa mɛ.

Axwɛwɛwa 11:26

klɛ gɛ amɔɛ nɛɛ, agbanɛ yɛ amɛna Antiɔkɛ. So nɛ kɛgɔ zɛzɛ petee mɛ Banabas nɛ Saul ba tsya nɛ busɔlɛɔha nɛ mɛ klɛ bakasɛ banɔɛ dɔ nɛ tikpikpem. Badɔkpasɛ nɛ, Antiɔkɛ be bhusoa lɛ kulu sɛ Kristoanɛ.

Axwɛwɛwa 11:29

Badɔkpasɛ, akanyaka nɛ yɛ tɛzɛzam nu, na trɔ sɛ ba ba kɔ balɛ adzyalɛ nɛ ga lɛ Yuɖia nɛ tɛpɛplɛnɔ.

Axwɛwɛwa 12:17

Klɛ mɛ nɛ Petro akasɛ alɛ ahwɛ sɛ ba da onugbu ba tɛ ɖɔ kaɖɔ, klɛ akplahwɛ kana gɛ Apalete nɛ ebu yɛ nɛ buvu. Klɛ aɖɔ sɛ, “No tsre Yakobo nɛ yɛadzyalɛ nɛ tsyɛ kibui, ko klɛ Petro ashɛ̃ avɛ ɔkɔ bhlatɔ.

Axwɛwɛwa 14:2

Pɔ Yuɖanɛ nɛ gɛ adɛ pɛa sɛ tɛ ba yɛkɛ aŋa nɛ de feke bagɛ edi nu Yuɖanɛ nɛ edzu klɛ zi kɛtɔkpum kɔa lɛ sɛ tɛ ba lɔ kititi nɛ bagɛ ayɛkɛ aŋa nɛ shu.

Axwɛwɛwa 15:1

Banyɛ teli alɔ ede Yuɖia ede ku Antiɔkɛ klɛ la kasɛ baga yɛkɛ aŋa nɛ dɔ sɛ: “Dzaa sɛ be bhui bunyɛnyɛakɔ wɔ ansɛ gɛ Mose akasɛ nɛɛ ɔtɛ bɔ mɔ tɛyɛyɛkɛ.”

Axwɛwɛwa 15:3

Busɔlɛɔha nɛ ɔkpɛ alɛ dzo, klɛ gɛ ba ga Foenisia anɛ Samaria aafla, ba ɖɔ kana gɛ bagɛ di nu Yuɖanɛ nɛ be tsyina ku ɔha nɛm. Kibui nɛ bhɛtɛ ɔha mɛanɛ petee la mɔ same mɔmɔ.

Axwɛwɛwa 16:2

Ɔhamɛanɛ nɛ Listra anɛ Ikonio na ɖɔ kaɖɔ dzyɔgo nɛ yɛ shu.

Axwɛwɛwa 16:40

Nɛ Paolo anɛ Silas buvu kukoeyi nɛe de ba shɛ avɛ Liɖia bupa mɛ, ɛklɛ bada tsyanɔ balɛ ɔha mɛanɛ klɛ bakpɛa lɛ kemi klɛ ba shɛ.

Axwɛwɛwa 17:10

Nɛ keli bibele nɛm ko, badzya nɛ bayɛkɔ Paolo anɛ Silas asɛsɛ Bɛrea. Nɛ balɛ ɔkɛlɛ tɛkuku mɛ, ba shɛ avɛ Yuɖanɛ oxogokɔvu nɛm.

Axwɛwɛwa 17:14

Nɛ kɛbhɛtɛ tili ko ɔhamɛanɛ na yɛkɔ Paolo asɛsɛ aƒu nɛ shu, pɔ Silas anɛ Timotio xũ na wɔ Bɛrea.

Axwɛwɛwa 17:6

Pɔ gɛ ba dɛ mɔa lɛ nɛɛ, bede vu Yasɔn nɛ tɛgbɛgbam anɛ badzya teli ayɛkɔa lɛ avɛnɔ ɔmagbla nɛ mɛ banɔ shishe nɛ ogugu kpɛkpɛ sɛ: “Banɔa nɛ gɛ ba mɛna butɔ nɛ kanɔ nɛ mɛ petee atsya balɛ be yi ɔkɛ̃ tsyɛ ɔtsɔ̃ naa,

Axwɛwɛwa 18:18

Paolo adzrɔ bɔɛ nɛ Kɔrintio. Klɛe de aba shɛ alɔ badzya klɛ aza kenia bha avɛ Siria, Prisilla anɛ Akuila tsya plɛnɔ yɛ avɛ. Flogo tɛ aba za keni nɛa bha ashɛ̃ nɛ, akɔ la tsɛ yɛ kɛtɔkpu nɛ akɔɛ nɛ Sentsyria akpɛ atabu teli gɛ aka so.

Axwɛwɛwa 18:27

Kibelɛ gɛ Apollosɛ apɛa sɛ tɛ ashɛ̃ avɛ Atsyia nɛɛ, badzya na kpɛ yɛ kemi klɛ ba ŋlɔmɛ asɛsɛ badɔkpasɛ nɛ ɔklɛ sɛ ba yɛkɛ yɛ mɔɔ mɔ. Nɛ yɛ ɛklɛ tɛ kuku mɛ nɛ, ede dzi tɛpɛplɛnɔ gelee kɔ bagɛ ganɔ Kpaya tɛpɛpɛ mɛ gɛ ba tɛ yɛkɛ kibui nɛa bha ŋa.

Axwɛwɛwa 21:17

Gɛ bu da ku Yerusalɛm nɛɛ, badzya na yɛkɛ lɔ mɔɔ mɔ.

Axwɛwɛwa 21:20

Gɛ be nua na nɛɛ, ba kpɛ Kpaya nɛa bha. Kɛlɛ ba ɖɔ tsre Paolo asɛ: “Ɔmɔ nɛɛ, madzya, Yuɖanɛ akpã tashɛ̃ gɛ atɛ yɛkɛ aŋa, klɛ balɛ petee balɛ gɛganɛɛ kɔ ɔshã.

Axwɛwɛwa 21:7

Bu vɛ blɔ kidzogɛga nɛa bha denɔ Taɛre klɛ bu da dzrɔ nɛ Ptolemais, ɛklɛ bu dzrɔ kiwi zɛzɛ klɛ bu sɛnɔ blɔa dzyalɛ.

Axwɛwɛwa 22:5

anasɛ gɛ kpayanɔgbla anɛ Beshisheha nɛ petee tsyɛ ba ba mɔɛlɛ aɖɔ. Mɛ ɛyɛkɛ klɛ shu buplukpa denɔ balɛ ahwɛ ɛyɛkɔ vɛnɔ balɛ dzyalɛ nɛ Damaskosɛ, klɛ mɛ tɔnɔ vɛ ɛda gbanɔ banɔa nɛ ɛmɛna anasɛ bevuza nɛ Yerusalɛm kɔ butɔtɛtɛta.

Axwɛwɛwa 28:14

Ɔkɛlɛ bu ba munɔ badzya teli gɛ be kulu lɔ asɛ bu ŋa ɔgɔnɛ zɛzɛ nɛ balɛ. Kɛlɛ so bu shɛ ba Roma.

1 Kɔrintioanɛ 15:6

Nɛ kɛlɛede, ebu shu akasɛ banɔ gɛ baza yɛede, bekpe adɛ kɛfɔɛfɔ ɛzakɔ titi nɛ kibe trikpo mɛ gɛ be teli aka lɛ nɛ kpã, kɛlɛlɛmɛ sɛ be teli ti tsi.

Tɛbubukasɛ 11:13

Nɛ ɔɖɔ lɛlɛ nɛ mɛ ɖɛɛ kesukpa gɛganɛ tieli ka ba hwa klɛ ɔmagbla nɛ kapɛ tierikpo nɛ bupɛ lɔfɔm na tsra. Banɔ akpã tegene balɛ etsi nɛ kesukpa huhwa nɛ mɛ, klɛ bagɛ ba gɔ nɛ si kifu zizi klɛ ba kɔ Kpaya nɛ owũsise nɛ kabhakpɛkpɛ.

Tɛbubukasɛ 3:4

Pɔ banɔ tɛashɛ aka lɛ wɔ ahwɛ nɛ Saɖisɛ gɛ be ke tutru balɛ kɛdɔnyunyumu. Balɛ ba ba ga plɛnɔ mɛ, aza kɛdɔ fufu mɛ, alasɛ balɛ kedziŋɛŋa lɛ alɛ.