Wiyaegü 127:3 - Tupanaarü Ore

³ Rü ngẽma taxacügü rü wüxi i ngü̃xẽxẽ i taxü̃ ya Tupana tüxna ãxü̃ nixĩgü.

Wiyaegü 127:3 Iomraidhean Croise

Naanearü ügüchiga 1:28

Rü yexguma ga Tupana rü mexü̃ namaxã naxuegu rü ñanagürü nüxü̃: —¡Pexãxacü rü pimu! ¡Rü penapaxẽxẽ i ñaa naane, rü namaxã ipecuá! ¡Rü namaxã ipecuá i choxnigü, rü ngẽma naeü̃gü i ixãxpe̱xatüxü̃, rü guxü̃ma i naeü̃gü i waixü̃müanegu ixũxü̃! —ñanagürü.

Naanearü ügüchiga 24:60

Rü ngĩenexẽgü rü mexü̃ Rebécamaxã naxuegugü rü ñanagürügü: —Pa Toeya̱x, ẽcü muxũchixü̃ i duü̃xü̃güarü mama tá quixĩ. Rü ngẽma cutaagü rü tá narüporamaegü nüxü̃ i norü uanügü —ñanagürügü.

Naanearü ügüchiga 33:5

Rü yemawena ga Echaú rü guxema ngexegüxü̃ rü buxegüxü̃ nadawenü rü ínaca rü ñanagürü: —¿Texégü tixĩ ya daxegü? —ñanagürü. Rü Acóbu nanangãxü̃ rü nüxü̃ ñanagürü: —Tupana rü chomaxã namecüma rü ngẽmaca̱x choxna nanamugü i ñaa chaunegü —ñanagürü.

Naanearü ügüchiga 4:1

Rü yexguma ga gumá yatü rü naxma̱x ga Ébamaxã namaxü̃. Rü ixãxacü namaxã ga ngĩne ga Caíü̃. Rü ngĩgürügü: —Marü choxü̃́ nangẽxma ya chaune ya Cori ya Tupana choxna namucü —ngĩgürügü.

2 Chamué 3:5

Rü norü 6 ga Dabí nane rü Itareáü̃ nixĩ, rü Égra iyixĩ ga naé. Rü ngĩma rü nai ga Dabí naxma̱x iyixĩ. Rü yemagü nixĩ ga Dabí nanegü ga Ebróü̃gu buexü̃ ga yexguma Ebróü̃wa nayexmagu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:5

Rü ñu̱xma rü namu i chaunegü ya Tupana choxna mugüxü̃, rü ngẽma chaunegütanüwa rü Tupana nüxü̃ naxuneta ya chaune ya Charomóü̃ nax nüma chauchicüxü ãẽ̱xgacü yixĩxü̃ca̱x i Iraéanewa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 8:40

Rü Uráü̃ nanegü rü churaragü ga tama muü̃wa̱xegüxü̃ nixĩ, rü würawa rü mexchinüxü̃chixü̃ nixĩgü. Rü namuxũchi ga nanegü rü nataagü. Rü guxü̃wama 150 nixĩ ga norü mu. Rü guxü̃ma ga nümagü rü Bẽyamíü̃tanüxü̃ nixĩgü.

Yox 1:2

Rü nüma ga Yox rü nüxü̃́ nayexma ga 7 ga nanegü rü tomaepü̱x ga naxacügü. Rü nüxü̃́ nayexma ta ga 7,000 ga carnérugü, rü 3,000 ga caméyugü, rü 500 chimüü̃ ga wocagü ga puracüruxü̃ ixĩgüxü̃, rü 500 ga búrugü ga ingexü̃. Rü yexgumarüxü̃ ta nüxü̃́ nayexma ga muxü̃ma ga norü puracütanüxü̃. Rü yemaacü ga nüma ga Yox rü wüxi ga yatü ga guxãarü yexera muarü yemaxü̃ã̱xü̃chicü nixĩ ga yema nachixü̃ane ga éstewaama yexmaxü̃wa.

Ichaía 13:18

Rü ngẽma duü̃xü̃gü rü tá norü chuxchimaxã ngextü̱xü̃güxü̃ nadai. Rü taxũtáma nüxü̃́ taxãũxãchitümüxü̃ ya yíxema ngexwaca íxragüxe rü ñu̱xũchi yíxema marü iyaxüraxe.

Ichaía 8:18

Rü nüma ya Cori ya Tupana ya Guxãétüwa Ngẽxmacü ya ma̱xpǘne ya Chióü̃gu ãchiü̃cü rü choxna nanamu i chaunegü nax wüxigu chaunegümaxã cua̱xruxü̃ tixĩgüxü̃ca̱x naxca̱x i Iraétanüxü̃.

Wenaxarü naxümatü ga Tupanaarü mugü 28:11

Rü ngẽxguma marü nawa pengẽxmagügu i ngẽma naane i Cori ya Tupana perü o̱xigümaxã nüxü̃ ixuxü̃ nax pexna naxããxü̃, rü ngẽxguma ya nüma ya Cori ya Tupana rü tá pexü̃ nanawe̱x i norü ngechaü̃, rü tá nimu i penegü, rü pexacügü, rü pexü̃nagü rü penetügüarü o.

Wenaxarü naxümatü ga Tupanaarü mugü 28:4

Rü nüma ya Cori ya Tupana rü tá pexacügüxü̃ narüngü̃xẽxẽ. Rü penetügü rü tá namu i norü o. Rü perü wocagü rü perü carnérugü rü guxü̃ma i pexü̃nagü rü tá pexü̃́ nimu.

Ãẽ̱xgacügü ga guxchaxü̃güarü mexẽxẽruü̃gü 12:9

Rü nüma rü 30 ga nanegü rü 30 ga naxacügü nüxü̃́ nayexma. Rü guxü̃ma ga yema nanegü rü naxacügü rü tomare ga duü̃xü̃gümaxã nixãxma̱xgü rü nixãtegü. Rü nüma ga Ixcháü̃ rü 7 ga taunecü Iraétanüxü̃maxã inacua̱x.

1 Chamué 1:27

Rü nüxü̃ chaca̱a̱xü̃ nax choxna namuaxü̃ca̱x ya daa chaune, rü nüma rü marü choxü̃ nangãxü̃ ga yema naxca̱x íchaca̱xaxü̃.