Popera ga Títoca̱x naxümatüxü̃ ga Pauru 2:2 - Tupanaarü Ore

² ¡Rü ngẽma yaxõgüxü̃ i yaxü̃ rü yaxucu̱xẽgü nax mea naãẽxü̃ yacuáxü̃ca̱x, rü taxúema chixri nachiga idexagüxü̃ca̱x, rü mexü̃gu naxĩnüexü̃ca̱x! ¡Rü nangúexẽxẽ nax mea Tupanaaxü̃́ yaxõgüãxü̃ca̱x, rü guxü̃ i duü̃xü̃güxü̃ nangechaü̃güxü̃ca̱x, rü yáxna namaxã naxĩnüexü̃ca̱x ega woo ta̱xacürü guxchaxü̃ naxca̱x ínguxgu!

Popera ga Títoca̱x naxümatüxü̃ ga Pauru 2:2 Iomraidhean Croise

Yox 12:12

Rü ngẽma o̱xigü rü cua̱x nüxü̃́ nangẽxmagü. Rü ngẽma nax nayaexü̃ rü yexera naãẽxü̃ nicua̱x.

Wiyaegü 92:14

Rü woo ngẽxguma nayaegu rü tá nixãxacüetanüama rü guxü̃gutáma naporae.

Ucu̱xẽgüchiga 16:31

Ngẽma nax ípuxyaexü̃, rü ñoma wüxi i nga̱xcueruxü̃ i mexü̃rüxü̃ nixĩ, rü ngẽmawa nango̱x nax Tupanape̱xewa namexü̃ i tacüma.

Ichaía 65:20

Rü ngéma rü tataxuma ya buxe ya noxretama i ngunexü̃ maxü̃́xẽ rü paxa yuxe, rü bai ya yaxguã̱x ya tama mea rüyaexe. Rü yíxema 100 ya taunecü tüxü̃́ ngẽxmaxe yuxe rü tá ngextü̱xütama. Rü yíxema tama 100 ya taunecüwa nguxe nax tayuxü̃ rü tümaarü chixexü̃gagutama nixĩ i paxa tayuxü̃.

Lebítanüxü̃arü puracüchiga 19:32

¡Rü ngẽxguma yaxegüpe̱xewa cungexmagu rü inachi rü inawe̱x nax nüxü̃ cungechaxü̃xü̃! ¡Rü inawe̱x nax nüxü̃ cungechaxü̃xü̃ ya curü Tupana! Rü choma nixĩ i Cori ya Tupana.

Ore i mexü̃ ga Márcu ümatüxü̃ 5:15

Rü yexguma Ngechuchu íyexmaxü̃wa nangugügu, rü yéma nüxü̃ nadaugü ga gumá yatü ga ngo̱xo nawa yexmagüchirécü. Rü yéma narüto, rü naxãxchiru, rü meama naãxẽxü̃ nacua̱x. Rü poraãcü naba̱i̱xãchiãẽgü ga duü̃xü̃gü.

Ore i mexü̃ ga Luca ümatüxü̃ 8:35

Rü ga duü̃xü̃gü rü ínayadaugü ga yema ngupetüxü̃. Rü yexguma Ngechuchuxü̃tawa nangugügu, rü yéma nüxü̃ nadaugü ga gumá yatü ga ngo̱xoã̱xchirécü. Rü Ngechuchucutüxü̃tawa narüto, rü marü tama naxãũãẽ. Rü namuü̃e ga duü̃xü̃gü.

Ngechuchuarü ngúexü̃gü ga yamugüxü̃arü puracüchiga 24:25

Natürü yexguma Pauru namaxã nüxü̃ ixuxgu nax Tupana naxwa̱xexü̃ nax mea imaxü̃xü̃ rü nanaxwa̱xexü̃ nax tórü maxü̃maxã mea icuáxü̃ rü wüxi i ngunexü̃ Tupana tá tüxna naca̱xaxü̃ i tórü maxü̃chiga, rü yexguma ga Férix rü poraãcü naba̱i̱xãchi. Rü ñanagürü nüxü̃: —¡Ẽcü íixũ i ñu̱xmax! Rü ngẽxguma ñuxguacü icharüxã̱ũ̱xmaregu, rü wena táxarü cuxca̱x changema —ñanagürü.

Romanos 12:3

Rü Tupana ya chomaxã mecümacü, rü choxü̃ namu nax pemaxã nüxü̃ chixuxü̃ca̱x i guxãma i pemax nax tama namexü̃ nax texé i petanüwa tügü írütaxü̃ rü tügügu tarüxĩnüxü̃ nax togüarü yexera tixĩxü̃. Natürü name nixĩ nax wüxichigü mea tügü ngugüarü maxü̃ã́xü̃ rü tügügu rüxĩnüxü̃ nax Tupana yixĩxü̃ i tüxna naxãxü̃ i tümaarü cua̱x wüxigu namaxã i tümaarü õ.

1 Corintios 15:34

Rü name nixĩ i mea pegüãẽgu perüxĩnüe rü nüxü̃ perüxoe i ngẽma perü chixexü̃gü. Rü wüxi i perü ãne nixĩ nax pemaxã nüxü̃ chixuxü̃ nax ñuxre i pemax rü tama aixcüma Tupanaxü̃ pecua̱xgüxü̃.

1 Corintios 9:25

Guxü̃ma i ngẽma duü̃xü̃gü i nügü ngúexẽẽxü̃ naxca̱x i wüxi i inüca nax toguegüxü̃ naporamaexü̃ca̱x, rü mea nügüna nadaugü nax ngẽmaãcü nayauxgüãxü̃ca̱x i norü ãmare i paxaãchiruxü̃ ixĩxü̃. Natürü yixema nax yaxõgüxü̃ rü yigüna tadaugü nax nayauxgüxü̃ca̱x i tórü ãmare i taguma gúxü̃.

2 Corintios 5:13

Rü woo duü̃xü̃gü toxü̃ daugügu nax Tupanagu taxãũãẽgüxü̃, rü nüetama nixĩ i ngẽma erü nümatama ya Tupana rü meama toxü̃ nacua̱x. Natürü i pema rü meama toxü̃ pecua̱x nax meama toõxẽxü̃ tacuáãcüma pemaxã nüxü̃ tixuxü̃ ga norü ore.

Gálatas 5:23

Rü ngẽxguma Tupanaãxẽ ya Üünecü tawa ngẽxmagu, rü tama yigü ítarüta, rü mea yigümaxã itacua̱x rü yigüna tadau nax tama chixexü̃gu iyixü̃ca̱x. Rü nataxuma i mugü i nachu̱xuxü̃ i ngẽma nacümagü i mexü̃.

Filipenses 4:8

Rü ñu̱xma Pa Chauenexẽgüx, rü name nixĩ i nagu perüxĩnüe i guxü̃ma i ngẽma ore i aixcüma ixĩxü̃, rü guxü̃ma i ngẽma nacüma i taxucürüwama texé chixri nachiga idexaxü̃. Rü name nixĩ i nagu perüxĩnüe i guxü̃ma i ngẽma ore i aixcüma mea iwéxü̃, rü guxü̃ma i ngẽma Tupanape̱xewa mexü̃, rü guxü̃ma i nacümagü i duü̃xü̃gü namaxã taãẽxü̃, rü guxü̃ma i ngẽma nacümagü i duü̃xü̃gü mea nachiga idexagüxü̃. Rü ngẽmaãcü name nixĩ i nagu perüxĩnüe i guxü̃ma i ngẽma nacümagü i mexü̃ nax nüxü̃ icua̱xüü̃güxü̃.

1 Tesalonicenses 5:6

Rü ngẽmaca̱x tama name i taechita tamaxẽmare naxrüxü̃ i ngẽma duü̃xü̃gü i tama yaxõgüxü̃. Rü name nixĩ i taxããẽgü, rü mea taãxẽgu tarüxĩnüe.

1 Tesalonicenses 5:8

Rü yixema nax ngóonexü̃wa ingẽxmagüxü̃, rü tanaxwa̱xe i guxü̃guma taxũãẽgü. Rü tanaxwa̱xe i tórü õmaxã rü tórü ngechaü̃maxã rü tórü maxü̃ i taguma gúxü̃ i ínanguxẽẽxü̃maxã yigü ítapoxü̃gü ñoma wüxi i churara rü norü poxü̃remüruxü̃maxã rü napate̱xemaxã nügü ípoxü̃xü̃rüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:14

Rü yemaacü ga tórü Cori ya Ngechuchu rü poraãcü choxü̃ nangechaxü̃ rü choxü̃ narüngü̃xẽxẽ nax nüxü̃́ chayaxõxü̃ca̱x rü nagagu guxü̃ma i duü̃xü̃güxü̃ changechaü̃xü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:5

Rü ngẽma ucu̱xẽ i cumaxã nüxü̃ chixuxü̃ rü nachiga nixĩ i ngẽma ngechaü̃ i wüxi ya maxü̃ne ya ngearü chixexü̃ã́xü̃wa ne ũxü̃, rü wüxi i ĩnü i mexü̃wa ne ũxü̃, rü wüxi i õ i aixcüma ixĩxü̃wa ne ũxü̃. Rü name nax ngẽma ngechaü̃maxã yigü ingechaxü̃güxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:11

Rü naxma̱xgü i ngẽma yatügü i diácunugü, rü name nax duü̃xü̃gü nüxü̃ ngechaü̃güxü̃ yaxĩgüxü̃. Rü tama name i oregüta̱xaxgüxü̃ nixĩgü, natürü tanaxwa̱xe i mea namaxẽ rü aixcüma nayanguxẽẽgü i guxü̃ma i ngẽma nüxü̃ yaxugüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:2

Rü yíxema yaxõgüxü̃arü ãẽ̱xgacü rü tanaxwa̱xe nax aixcüma mecü tixĩxü̃ nax taxúema tümachiga chixri idexaxü̃ca̱x. Rü tanaxwa̱xe i wüxixicatama tixĩ ya tümama̱x, rü aixcüma mea tamaxü̃, rü mexü̃gu tarüxĩnü, rü duü̃xü̃gü rü tüxü̃ nangechaü̃gü rü tümaga naxĩnüe. Rü tanaxwa̱xe i ítamemare nax duü̃xü̃güxü̃ tayaxuxü̃ i tümapatawa, rü ngẽxgumarüxü̃ ta ítamemare nax duü̃xü̃güxü̃ tangúexẽẽxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:4

Rü tanaxwa̱xe i meama tümachiü̃maxã itacua̱x, rü tümaxacügü rü mea tümaga naxĩnüe, rü tüxü̃ nangechaü̃gü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:8

Rü ngẽxgumarüxü̃ ta i ngẽma diácunugü i Tupanapatawa ngü̃xẽẽtaegüxü̃, rü name nax duü̃xü̃gü nüxü̃ ngechaü̃güxü̃ yaxĩgüxü̃. Rü name i aixcüma nayanguxẽẽgü i ngẽma nüxü̃ yaxugüexü̃. Rü tama name i ngãxẽwa̱xexü̃ nixĩgü rüe̱xna duü̃xü̃güxü̃ nawomüxẽẽgüãcüma ngĩxü̃ nayauxgüxü̃ca̱x i diẽru.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:1

Tama name i cunanga i wüxi i yatü i cuxü̃ rüyamaẽxü̃. Rü narümemae nixĩ i meama cunaxucu̱xẽ ñoma cunatürüxü̃. Rü ngẽma ngextü̱xücügü rü name nixĩ i meama namaxã quidexa ñoma cuenexẽgüxüchirüxü̃.

Popera ga Títoca̱x naxümatüxü̃ ga Pauru 1:13

Rü aixcüma nixĩ ga yema ore ga nüxü̃ yaxuxü̃ ga yema yatü. Rü ngẽmaca̱x chanaxwa̱xe i poraãcü cuyaxucu̱xẽgü i ngẽma yaxõgüxü̃ nax aixcüma yaxõgüãxü̃ca̱x, rü tama nagu naxĩxü̃ca̱x i ngẽma Yudíugücüma. Rü tama name nax naga naxĩnüexü̃ i ngẽma duü̃xü̃gü i tama nüxü̃ cua̱xgüchaü̃xü̃ i ore i aixcüma ixĩxü̃.

Popera ga Títoca̱x naxümatüxü̃ ga Pauru 1:8

Natürü name nax duü̃xü̃güxü̃ mea tayaxuxü̃ i tümapatawa, rü mexü̃gu tarüxĩnüxü̃. Rü tanaxwa̱xe i wüxi i yatü i aixcüma tümaãẽxü̃ cuáxe tixĩ, rü duü̃xü̃gümaxã ixaixcümáxe tixĩ rü aixcüma Tupanaaxü̃́ yaxṍxe tixĩ, rü mea tügümaxã icuáxe tixĩ.

Popera ga Títoca̱x naxümatüxü̃ ga Pauru 2:7

¡Rü cumax, Pa Títox, rü name i mea nape̱xewa cumaxü̃ i guxü̃ma i ngẽma yaxõgüxü̃ nax ngẽmaãcü wüxi i norü cua̱xruxü̃ i mexü̃ quixĩxü̃ca̱x! Rü ngẽxguma cunangúexẽẽgu, rü cunaxwa̱xe i mexü̃gu curüxĩnüãcüma cunangúexẽxẽ rü tama ĩnücaãcüma namaxã nüxü̃ quixu i ngẽma ore.

Popera ga Filemúü̃ca̱x naxümatüxü̃ ga Pauru 1:9

Natürü tama chanaxwa̱xe i ngẽmaãcü cuxü̃ chamu, erü cuxü̃ changechaü̃. Rü ngẽmaca̱x cha̱u̱xca̱x narümemae nixĩ nax cuxü̃ chaca̱xaxü̃ naxca̱x i ngẽma ngü̃xẽxẽ. Rü choma i Pauru rü marü chaya rü ñu̱xma rü Ngechuchu ya Cristuca̱x chapoxcu.

Nüxíraxü̃xü̃ ga popera ga Pedru ümatüxü̃ 1:13

Rü ñu̱xma nax Cristuarü duü̃xü̃gü pixĩgüxü̃, rü penaxwa̱xe nax pexuãẽgüxü̃ rü ípememarexü̃ nax penaxüxü̃ i norü ngúchaü̃. Rü name nixĩ i aixcüma ípenangu̱xẽxẽ i guxü̃ma i ngẽma mexü̃gü ya Tupana tá pexna ãxü̃ i ngẽxguma Ngechuchu ya Cristu núma ũxgu.

Nüxíraxü̃xü̃ ga popera ga Pedru ümatüxü̃ 4:7

Rü marü ningaica nax nagúxü̃ i ñoma i naane rü guxü̃ma i ta̱xacü i nawa ngẽxmaxü̃. Rü ngẽmaca̱x name nixĩ nax pexuãẽgüxü̃, rü mea peãxẽxü̃ pecuáxü̃, rü guxü̃guma peyumüxẽgüxü̃.

Nüxíraxü̃xü̃ ga popera ga Pedru ümatüxü̃ 5:8

Rü name nixĩ i guxü̃guma pegüna pedaugü rü ípexuãẽgü, erü perü uanü i Chataná rü ñoma wüxi ya leóü̃ ya idüraxüchicürüxü̃ nanañaane rü tümaca̱x nadau nax texéxü̃ tá chixexü̃gu nanguxẽẽxü̃.

Norü taxre ga popera ga Pedru ümatüxü̃ 1:6

Rü ngẽma cua̱xétüwa penaxwa̱xe nax wüxichigü mea tügümaxã itacuáxü̃. Rü ngẽma nax mea tügümaxã itacuáxü̃étüwa penaxwa̱xe nax yáxna pexĩnüexü̃. Rü ngẽma nax yáxna pexĩnüexü̃étüwa penaxwa̱xe nax Tupanaga pexĩnüexü̃.