Popera ga Títoca̱x naxümatüxü̃ ga Pauru 1:5 - Tupanaarü Ore

⁵ Rü yexguma Crétaarü capaxũwa cuxna íchixũxgu, rü cumaxã nüxü̃ chixu nax yema yaxõgüxü̃tanüwa cunaxüxü̃ ga yema puracü ga tama chingu̱xẽẽxü̃ ga yexguma cuxna yéma chataegugu. Rü yemaca̱x cumaxã nüxü̃ chixu nax wüxichigü ya ĩanewa rü nüxü̃ cuxunetaxü̃ i yaxõgüxü̃arü ãẽ̱xgacügü nax ngẽma yaxõgüxü̃maxã inacua̱xgüxü̃ca̱x, yema cuxü̃ chamuxü̃rüxü̃.

Popera ga Títoca̱x naxümatüxü̃ ga Pauru 1:5 Iomraidhean Croise

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:32

Rü nümagü rü guma Tupanapata ga naxchirunaxca̱xpe̱xewa nawiyaegü rü ñu̱xmata Yerucharéü̃gu Charomóü̃ naxü̱x ga Tupanapata ga taxü̃ne. Rü yemawena ga yema wiyaetanüxü̃ rü guma Charomóü̃ üxü̃ne ga Tupanapatawa wiyaemaxã rü paxetamaxã inacua̱xgü yema nacüma ga nagu naxĩxü̃ãcütama.

Ngu̱xẽẽtaeruü̃arü ore 12:9

Rü yexguma yexera cua̱x nüxü̃́ yexmagu ga gumá orearü uruxü̃ rü yexera ga cua̱x duü̃xü̃güna naxã. Rü poraãcü nagu narüxĩnü rü nanangugü rü mea inananu ga muxü̃ma ga dexagü ga cua̱x nawa yexmagüxü̃.

Ichaía 44:7

¿Rü texé chomaxã tawüxigu? ¡Rü ẽcü chomaxã nüxü̃ tixu! ¿Rü texé tixĩ ga noxriarü ügügu nüxü̃ ixuxe i ngẽma tá ínguxü̃, rü ngẽma ngupetüchaü̃xü̃?

Lebítanüxü̃arü puracüchiga 14:42

Rü yimá nutagü ya nadecüchicüxü tá nai ya nutagü ngéma nanucu, rü ngexwaca̱xü̃xü̃ i ñaxruü̃maxã tá nanachaxtapüxgü ya yima ĩxtapü̱x.

Ngechuchuarü ngúexü̃gü ga yamugüxü̃arü puracüchiga 11:30

Rü yemaacü nanaxügü. Rü Bernabé rü Chaurumaxã yéma ngĩxü̃ namugü ga yema diẽru naxca̱x ga yema yaxõgüxü̃arü ãẽ̱xgacügü ga Yudéaanewa yexmagüxü̃.

Ngechuchuarü ngúexü̃gü ga yamugüxü̃arü puracüchiga 14:23

Rü Pauru rü Bernabé rü wüxichigü ga yema yaxõgüxü̃tücumüwa nüxü̃ nixunetatanü ga ñuxre ga yatügü nax yema yaxõgüxü̃arü ãẽ̱xgacügü yixĩgüxü̃ca̱x. Rü tama nachibüeãcüma naxca̱x nayumüxẽgü. Rü yimá Cori ya Tupana ga nüxü̃́ yaxõgüãcüna nanaxuaxü̃gü ga yema yaxõgüxü̃arü ãẽ̱xgacügü.

Ngechuchuarü ngúexü̃gü ga yamugüxü̃arü puracüchiga 27:12

Natürü yema türe rü tama name ga yéma nax tanangupetüxẽẽxü̃ ga gáuanexü̃. Rü yemaca̱x wixguxüchi guxü̃ma ga duü̃xü̃gü nagu narüxĩnüe rü narümemae nixĩ nax itaxĩãchixü̃ ga yéma. Rü nanaxwa̱xegü ga chi Feníchewa nax tangugüxü̃ nax yéma tanangupetüxẽẽxü̃ ga gáuanexü̃, yerü yema nixĩ ga wüxi ga Crétaarü türe ga mexü̃ ga tama poraãcü buanecü nawa nguxü̃.

Ngechuchuarü ngúexü̃gü ga yamugüxü̃arü puracüchiga 27:13

Rü inanaxügü nax meama tope̱xewaama nabuxü̃ ga buanecü ga súrwa ne ũcü, rü yemaca̱x ga nümagü ga marinérugü rü nüxü̃ nacua̱xgügu rü chi mea ítangugü ga yema ítaxĩxü̃wa. Rü yemaca̱x itaxĩãchi, rü nacutüarü ngaicamagu taxĩ ga yema Crétaarü capaxũ.

Ngechuchuarü ngúexü̃gü ga yamugüxü̃arü puracüchiga 27:21

Rü yexguma marü muxü̃ma ga ngunexü̃ tingegügu ga tama nax tachibüexü̃, rü yexguma guxü̃ma ga yema duü̃xü̃gütanüwa inachi ga Pauru, rü ñanagürü: —Narümemae chi nixĩ, Pa Chomücügüx, nax chauga pexĩnüexü̃, rü taxũchima nax ixĩãchixü̃ ga Crétawa, rü taxũchima ñu̱xmarüxü̃ tüxü̃ naxüpetü i ñaa ãũcümaxü̃ rü taxuxü̃chima i chixexü̃ tüxü̃ nangupetü.

Ngechuchuarü ngúexü̃gü ga yamugüxü̃arü puracüchiga 27:7

Natürü írarüwatama itiñaxwetaxü̃ ga muxü̃ma ga ngunexü̃gu, rü guxchaãcüma Chenídoarü to̱xma̱xtawa tangugü. Natürü towaama nabuema ga buanecü, rü yemaca̱x capaxũ ga Charmónaarü to̱xma̱xtawa tachopetü rü capaxũ ga Crétaxü̃ ítachoeguãchi.

1 Corintios 11:34

Rü ngẽxguma chi texé taiya̱xgu, rü name nixĩ i tümapatawatama tachibü nax tama Tupana pexü̃ poxcuexü̃ca̱x naxca̱x nax chixexü̃ pexügüxü̃ i perü ngutaque̱xegüwa. Rü ngẽma to i guxchaxü̃gü i pexü̃́ ngẽxmaxü̃, rü choma rü tá chanamexẽxẽ i ngẽxguma petanüwa chaxũxgu.

1 Corintios 14:40

Rü perü ngutaque̱xegüwa, rü name nixĩ nax mea penaxüxü̃ i guxü̃ma. Rü tama name i ngéma pexãũgatanü rü pegü ípetüexẽxẽ.

1 Corintios 4:17

Rü ngẽmaca̱x pexü̃tawa chanamu ya Timutéu ya poraãcü nüxü̃ changechaü̃cü. Rü nüma rü chaunerüxü̃ nixĩ i Coriarü puracüwa, rü aixcüma mea nayanguxẽxẽ i guxü̃ma i ngẽma nagu chanamuxü̃. Rü nüma tá pexna nüxü̃ nacua̱xãchixẽxẽ nax ñuxãcü Ngechuchu ya Cristupe̱xewa mea chamaxü̃xü̃ rü mea chanangúexẽẽxü̃ ga yema yaxõgüxü̃ ga natanügu chixũgüxü̃.

Colosenses 2:5

Rü woo tama petanüwa nax changexmaxü̃, natürü chauãẽwa rü poraãcü pegu charüxĩnü. Rü wüxi i chorü taãxẽ nixĩ nax nüxü̃ chacuáxü̃ nax mea pegümaxã ipecuáxü̃ rü tama nüxü̃ perüxoexü̃ nax Cristuaxü̃́ peyaxõgüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:3

Yexguma cuxna ichaxũãchigu nax Machedóniaanewa chaxũxü̃ca̱x rü cumaxã nüxü̃ chixu nax Epéchiuarü ĩanegu curüxã́ũxü̃ nax nüxna cunachu̱xuxü̃ca̱x i ngẽma duü̃xü̃gü i doramaãmare ngéma ngu̱xẽẽtaegüxü̃.

Norü taxre ga popera ga Timutéuca̱x naxümatüxü̃ ga Pauru 2:2

Yema ore ga chauxü̃tawa nüxü̃ cuxĩnüxü̃ ga yexguma muxü̃ma ga duü̃xü̃güpe̱xewa nüxü̃ chixuxgu, rü chanaxwa̱xe i ñu̱xma cuxí ngẽma oremaxã cunangúexẽxẽ i togü i yatügü i mea naãẽxü̃ cua̱xgüxü̃ nax nüxĩ́ togüxü̃ nangúexẽẽxü̃ca̱x namaxã i ngẽma ore.

Popera ga Títoca̱x naxümatüxü̃ ga Pauru 1:12

Rü wüxi ga yematama capaxũcüã̱x ga norü orearü uruxü̃ nixĩ ga natanüxü̃xü̃tama ixuxü̃ rü ñanagürü: “Ñaa Crétacüã̱x i duü̃xü̃gü rü nidorata̱a̱xgü, rü nidürae, rü nitaanü, rü nixoxochi”, ñanagürü.