Rux 4:11 - Tupanaarü Ore

¹¹ Rü nüma ga yema ãẽ̱xgacügü rü guxü̃ma ga yema duü̃xü̃gü ga yéma irüdaunüxü̃ rü nanangãxü̃ga rü ñanagürügü: —Aixcüma toma nixĩ i nua itarüdaunüxü̃ rü itarüxĩnüexü̃. Rü nüma ya Tupana i ñu̱xma cuxna imucü i ñaa nge, rü tanaxwa̱xe i ngĩxü̃ narüngü̃xẽxẽ nax naxãxacüxü̃ca̱x ngĩxrüxü̃ ga Raqué rü Léa ga ngĩwa ne ixĩcü i guxãma i yixema i Iraétanüxü̃. Rü cumax, Pa Boóx ¡rü Tupana cuxü̃ rüngü̃xẽxẽ nax wüxi ya yatü ya duü̃xü̃güpe̱xewa mecü quixĩxü̃ i nua Beréü̃wa i Efrátawa!

Rux 4:11 Iomraidhean Croise

Naanearü ügüchiga 23:10

Rü nüma ga Efróü̃ ga Itítanüxü̃ rü yéma natanüwa nayexma rü tagaãcü Abraáü̃xü̃ nangãxü̃ nax yemaacü nüxü̃ naxĩnüexü̃ca̱x ga yema natanüxü̃ rü guxü̃ma ga yema duü̃xü̃gü ga guma ĩanearü ĩã̱xwa chopetüxü̃. Rü ñanagürü: —Tama nixĩ, Pa Chorü Corix. ¡Rü dücax, choxü̃́ irüxĩnü! Choma rü cuxna chanaxãmare i ngẽma naane, rü ñu̱xũchi ngẽma naanewa ngẽxmaxü̃ i naxma̱xü̃. Rü ñaa chautanüxü̃ nixĩ i nüxü̃ ĩnüexü̃ rü nüxü̃ cua̱xgüxü̃ nax choma rü cuxna chanaxãmarexü̃. ¡Rü ngẽxma ngĩxü̃ nata̱x i cuxma̱x! —ñanagürü.

Naanearü ügüchiga 24:60

Rü ngĩenexẽgü rü mexü̃ Rebécamaxã naxuegugü rü ñanagürügü: —Pa Toeya̱x, ẽcü muxũchixü̃ i duü̃xü̃güarü mama tá quixĩ. Rü ngẽma cutaagü rü tá narüporamaegü nüxü̃ i norü uanügü —ñanagürügü.

Naanearü ügüchiga 29:16

Rü nüma ga Labáü̃ rü nüxü̃́ iyexma ga taxre ga naxacü. Rü yema rüyamaecü rü Léa nixĩ ga ngĩéga. Rü yema rübumaecü rü Raqué nixĩ ga ngĩéga.

Naanearü ügüchiga 29:25

Rü moxü̃ãcü ga Acóbu rü nüxü̃ nacua̱x nax Léa yixĩxü̃ ga yema ngĩmaxã inapecü. Rü nuãcüma Labáü̃na nayaca, rü ñanagürü: —¿Ta̱xacü chomaxã cuxü? ¿Tama ẽ̱xna Raquéca̱x yixĩxü̃ ga cuxü̃́ chapuracüxü̃? ¿Rü tü̱xcüü̃ i ñu̱xma i choxü̃ cuwomüxẽẽxü̃? —ñanagürü.

Naanearü ügüchiga 29:32

Rü yemaacü ga Léa rü Acóbuaxü̃́ ixãxacü, rü Rubéü̃gu inaxüéga. Rü yemagu inaxüéga yerü ñaxü̃gu irüxĩnü: —Tupana choxü̃ nadau nax changechaü̃xü̃, rü ñu̱xma ya yimá chaute rü tá choxü̃ nangechaü̃ —ngĩgürügü ga ngĩãẽwa.

Naanearü ügüchiga 35:23

Rü Acóbu nanegü rü 12 nixĩ. Rü gumá Léawaü̃gücü rü Rubéü̃ nixĩ ga Acóbu nane ga yacü. Rü naenexẽgü nixĩ ga Chimeóü̃, rü Lebí, rü Yudá, rü Ichacá, rü Chaburóü̃.

Naanearü ügüchiga 35:24

Rü gumá taxre ga Raquéwaü̃gücü rü Yúche rü Bẽyamíü̃ nixĩ.

Nüxíraxü̃xü̃ ga popera ga ãẽ̱xgacügüchiga 21:8

Rü yexgumatama ga ngĩma rü Acáxégagu inaxümatü ga ñuxre ga popera. Rü yemagu iyaxǘcuchi ga Acáxarü cua̱xruxü̃ ga norü ãnerawa yexmaxü̃. Rü ñu̱xũchi iyamu naxca̱x ga guma ĩane ga Yereéarü ãẽ̱xgacügü.

Wiyaegü 132:6

Rü noxri rü nüxü̃ taxĩnüechiga nax Efrátawa nayexmaxü̃ ga yema baú ga Tupanaarü mugüchixü̃. Rü yixcüra rü Yáaarü ĩanepemagu nüxü̃ itayangau.

Ucu̱xẽgüchiga 14:1

Ngẽma nge i ngĩãẽxü̃ cua̱xcü, rü mea namaxã icua̱x ya ngĩpata. Natürü ngẽma ngexü̃ i tama naãẽxü̃ cuáxü̃, rü nümatama nanachixexẽxẽ ya napata.

Ucu̱xẽgüchiga 31:23

Ngĩte rü ĩanewa duü̃xü̃gü meama nüxü̃ nacua̱xgü, rü yima ĩanearü ãẽ̱xgacügütanüwa nangẽxma.

Yeremía 32:10

Rü naxca̱x chadau ga ñuxre ga duü̃xü̃gü, rü yemape̱xewa chanaxümatü nax aixcüma naxca̱x chataxexü̃ ga yema naane. Rü ñu̱xũchi chauéga nagu chaxümatü ga yema popera rü chanaxütanü ga yema naane.

Miquéa 5:2

Rü cumax, Pa Beréü̃ i Efráta, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, natürü cugu tá nixĩ i nabuxü̃ ya yimá Iraéanecüã̱xgüarü ãẽ̱xgacü ya woetama marü ngẽxmaechacü.

Ore i mexü̃ ga Matéu ümatüxü̃ 2:6

Rü nüma rü ñanagürü: “Cumax, Pa Ĩane Pa Beréü̃ ya Yudáanewa Ngẽxmanex, rü cuma rü tama wüxi ya ngexnerüxünemare ya ĩane quixĩ natanüwa ya yima ĩanegü ya itaxü̃ne ya Yudáanewa ngẽxmagüne. Erü cugu tá nabu ya wüxi ya ãẽ̱xgacü i tá chorü duü̃xü̃gü i Iraétanüxü̃maxã icuácü”, —ñanagürü.

Wenaxarü naxümatü ga Tupanaarü mugü 25:7

Natürü ngẽxguma yimá yatü rü tama ngĩmaxã naxãxma̱xchaü̃gu i ngẽma norü ãmacü, rü ngĩma rü tá ãẽ̱xgacügüxü̃tawa ixũ, rü tá nüxü̃ iyarüxu nax tama ngĩmaxã naxãxma̱xchaü̃xü̃. Rü ngĩgürügü tá: “Chorü ãmacü rü tama nanaxwa̱xe nax naenexẽéga ngóxü̃ i Iraéanewa. Rü ñu̱xũchi tama chomaxã nayanguxẽxẽ nax chomaxã naxãmaxü̃ nax ngẽmaãcü nüxü̃́ chaxãxacüxü̃ca̱x”, ngĩgürügü tá.

Wenaxarü naxümatü ga Tupanaarü mugü 25:9

rü ngĩma i naxüma̱x rü tá naxca̱x iyaxũ rü ãẽ̱xgacüpe̱xewa tá nacutüwa nüxna inapu i norü chapatu. Rü ñu̱xũchi nachametüwa tá icuaxi rü ngĩgürügü tá: “Rü ñaa nixĩ i namaxã ixüxü̃ i ngẽma yatü i tama naenexẽna naxãxchaü̃xü̃ i wüxi ya nane”, ngĩgürügü.