Rux 4:1 - Tupanaarü Ore

¹ Rü nüma ga Boó rü guma ĩanearü ücuchicawa nayarüto yerü yéma nixĩ ga guxü̃ma ga duü̃xü̃gü nachopetüxü̃ rü namexẽẽãxü̃ ga norü guxchaxü̃gü. Rü yexguma yéma natoyane rü yéma naxüpetü ga gumá natanücü ga Boó Ruxmaxã nüxü̃ yaxucü. Rü nüma ga Boó rü naxca̱x naca rü ñanagürü nüxü̃: —Dücax, ¡nua chauxü̃tawa naxũ rü írüto, rü paxaãchi tá tidexagü! —ñanagürü. Rü nüma ga yema natanücü rü yéma naxũ, rü naxü̃tawa nayarüto.

Rux 4:1 Iomraidhean Croise

Naanearü ügüchiga 19:1

Rü yexguma marü nachütachaü̃gu rü yéma Chodómaarü ĩanewa nangugü ga yema taxre ga Tupanaarü orearü ngeruxü̃ i daxũcüã̱x. Rü guma ĩanearü ĩã̱xwa narüto ga Lox ga ngextá duü̃xü̃gü íngutaque̱xexü̃wa. Rü yexguma yema taxre ga duü̃xü̃güxü̃ nada̱u̱xgu, rü inachi ga Lox nax naya̱u̱xãxü̃ca̱x. Rü nape̱xegu waixü̃mügu nanangücuchi.

Naanearü ügüchiga 23:10

Rü nüma ga Efróü̃ ga Itítanüxü̃ rü yéma natanüwa nayexma rü tagaãcü Abraáü̃xü̃ nangãxü̃ nax yemaacü nüxü̃ naxĩnüexü̃ca̱x ga yema natanüxü̃ rü guxü̃ma ga yema duü̃xü̃gü ga guma ĩanearü ĩã̱xwa chopetüxü̃. Rü ñanagürü: —Tama nixĩ, Pa Chorü Corix. ¡Rü dücax, choxü̃́ irüxĩnü! Choma rü cuxna chanaxãmare i ngẽma naane, rü ñu̱xũchi ngẽma naanewa ngẽxmaxü̃ i naxma̱xü̃. Rü ñaa chautanüxü̃ nixĩ i nüxü̃ ĩnüexü̃ rü nüxü̃ cua̱xgüxü̃ nax choma rü cuxna chanaxãmarexü̃. ¡Rü ngẽxma ngĩxü̃ nata̱x i cuxma̱x! —ñanagürü.

2 Chamué 15:2

Rü pa̱xmama írüdaüüxü̃ rü namacüwagu nayachiixü̃ ga duü̃xü̃gü ĩaneca̱x íchocuxü̃wa. Rü guxãma ga guxema ãẽ̱xgacüxü̃ dauxchaü̃güxe nax tümaarü guxchaxü̃ tayamexẽẽgüxü̃ca̱x, rü nüma ga Acharóü̃ rü tümaca̱x naca rü ñu̱xũchi tüxna naca ga ngexnerüxüne ga ĩanewa nax ne taxuxü̃. Rü guxema tügü ixuxe nax wüxi ga Iraéanecüã̱xgütücumüwa nax taxüxü̃, rü nüma ga Acharóü̃ rü ñanagürü tüxü̃: —Aixcüma nixĩ i ngẽma nüxü̃ quixuxü̃, natürü nataxuma i ãẽ̱xgacüarü ngü̃xẽẽruü̃gü i cuxü̃ rüngü̃xẽẽxü̃ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 18:9

Rü nüma ga Acáx ga Iraéanearü ãẽ̱xgacü rü Yochapáx ga Yudáanearü ãẽ̱xgacü rü nagu nicu̱xgü ga norü ãẽ̱xgacüchirugü. Rü wüxi ga naxta̱xmüxü̃ ga Chamáriaca̱x íxücuxü̃wa yexmaxü̃wa narütogü nawa ga norü toruü̃gü. Rü guxü̃ma ga yema 400 ga orearü uruü̃gü rü nape̱xewa nüxü̃ nixugüe ga norü dexagü.

Yox 29:7

Rü yexguma ĩanearü ãẽ̱xgacügütücumüwa chaxüxgu, rü nayexma ga chorü tochicaxü̃ i ĩanearü ngutaque̱xechicawa.

Yox 31:21

Rü woochire̱x ãẽ̱xgacügü ga guxchaxü̃arü mexẽẽruü̃gümaxã nax chaxãmücüxü̃ rü taguma nape̱xewa tümagu chidauxcüraü̃ ga wüxi ga taxcuta.

Wiyaegü 69:12

Rü duü̃xü̃gü rü ĩanearü plazawa chauchiga nidexagü rü ngẽma ngãxẽxü̃ rü chaugu nawiyaegü.

Ucu̱xẽgüchiga 31:23

Ngĩte rü ĩanewa duü̃xü̃gü meama nüxü̃ nacua̱xgü, rü yima ĩanearü ãẽ̱xgacügütanüwa nangẽxma.

Ichaía 55:1

Cori ya Tupana rü ñanagürü: —¡Guxãma ya texé ya ita̱xawaexe rü nua taxĩ rü tayaxaxegü! ¡Rü yíxema ngearü diẽruã̱xgüxe rü nua taxĩ rü trigu rü bínu rü lechica̱x tadaugü rü ngetanüãcü tanangõ̱xgü rü taxaxegü!

Yeremía 32:10

Rü naxca̱x chadau ga ñuxre ga duü̃xü̃gü, rü yemape̱xewa chanaxümatü nax aixcüma naxca̱x chataxexü̃ ga yema naane. Rü ñu̱xũchi chauéga nagu chaxümatü ga yema popera rü chanaxütanü ga yema naane.

Amúx 5:15

¡Rü naxchi pexaie i ngẽma chixexü̃! ¡Rü nüxü̃ pengechaxü̃ i ngẽma mexü̃! ¡Rü aixcüma mea penamexẽxẽ i tümaarü guxchaxü̃ i ngẽxguma texé pepe̱xewa tayamexẽxẽchaü̃gu! Rü bexmana ngẽmaãcü tá nixĩ ya Cori ya Tupana ya Guxãétüwa Ngẽxmacü rü tümamaxã yaxãũxãchixü̃ ya yíxema Iraétanüxü̃ ya íyaxügüxe.

Chacaría 2:6

Rü nüma ya Tupana rü ñanagürü: —Choma nixĩ ga guxü̃ma ga togü ga nachixü̃anegügu pexü̃ chawoonexü̃. Natürü i ñu̱xmax rü pexü̃ chamu nax nawa ípechoxü̃xü̃ ya yima ĩane ya Babirónia rü Chióü̃ca̱x piwoeguxü̃. ¡Rü pibuxmü i naxme̱xwa i ngẽma nachixü̃ane i nórtewa ngẽxmaxü̃! Rü choma ya Iraéanearü Tupana nixĩ i pexü̃ chamuxü̃ —ñanagürü.

Wenaxarü naxümatü ga Tupanaarü mugü 16:18

Rü guxü̃nema ya perü ĩanegü ya perü Cori ya Tupana tá wüxichigü i natücumüna ãxü̃newa nüxü̃ pexuneta i ãẽ̱xgacügü i guxchaxü̃güarü mexẽẽruü̃gü rü norü ngü̃xẽẽruü̃gü nax nümagü aixcüma meama namexẽẽgüãxü̃ca̱x i ngẽma duü̃xü̃güarü guxchaxü̃gü.

Wenaxarü naxümatü ga Tupanaarü mugü 25:7

Natürü ngẽxguma yimá yatü rü tama ngĩmaxã naxãxma̱xchaü̃gu i ngẽma norü ãmacü, rü ngĩma rü tá ãẽ̱xgacügüxü̃tawa ixũ, rü tá nüxü̃ iyarüxu nax tama ngĩmaxã naxãxma̱xchaü̃xü̃. Rü ngĩgürügü tá: “Chorü ãmacü rü tama nanaxwa̱xe nax naenexẽéga ngóxü̃ i Iraéanewa. Rü ñu̱xũchi tama chomaxã nayanguxẽxẽ nax chomaxã naxãmaxü̃ nax ngẽmaãcü nüxü̃́ chaxãxacüxü̃ca̱x”, ngĩgürügü tá.

Yochué 20:4

Rü yíxema nagu yarücúxe ya wüxi ya yima ĩanegü ya cu̱xchicaxü̃ruxü̃ ixĩgüne, rü ngẽxguma yima ĩanearü ĩã̱xwa tanguxgu, rü yima ĩanearü ãẽ̱xgacügümaxã tá tügü tixu. Rü ngẽxguma i nüma i ngẽma ãẽ̱xgacügü rü tá tüxü̃ nimucuchigü rü tá tüxna nanaxã i wüxi i tümachica i nagu tá taxãchiü̃xü̃.

Rux 3:12

Natürü nangẽxma i wüxi i guxchaxü̃. Rü aixcüma nixĩ i cutanüxü̃ chixĩxü̃ i chomax, natürü nangẽxma i to i chorü yexera cutanüxü̃xü̃chi ixĩxü̃.

Rux 3:18

Rü yexguma ga ngĩma ga Noemí rü ngĩgürügü: —Ñu̱xma Pa Chauxacüx, rü name nixĩ i mea ícunangu̱xẽxẽ nax ñuxãcü tá nangupetüxü̃ i ngẽma cumaxã nüxü̃ yaxuxü̃. Erü nüma ya Boó rü taxũtáma nanangexrü ega tama namexẽẽãgu i ngẽma cumaxã nüxü̃ yaxuxü̃. Rü nüma rü ñu̱xmatatama nixĩ i namexẽẽãxü̃ —ngĩgürügü.