Rux 3:1 - Tupanaarü Ore

¹ Rü wüxi ga ngunexü̃gu ga Noemí rü Ruxü̃ ngĩgürügü: —Pa Chauxacüx, choma rü tá cuxü̃́ naxca̱x chadau ya wüxi ya cute ya taãxẽ tá cuxna ãcü.

Rux 3:1 Iomraidhean Croise

Naanearü ügüchiga 40:14

Rü ngẽxguma ngẽmaãcü tá yanguxgu rü chanaxwa̱xe i cuxü̃́ changechaü̃tümüxü̃. ¡Rü choxna nacua̱xãchi, rü Faraóü̃maxã choxü̃ ixu nax choxü̃ ínamuxũchixü̃ca̱x i nua!

Wiyaegü 128:2

Rü cuma rü tá cunangõ̱x i ngẽma curü puracüwa ne ũxü̃ i cunetüarü o. Rü tá cutaãxẽ rü mexü̃ tá cuxü̃ naxüpetü.

1 Corintios 7:36

Rü ngẽxguma texé nagu rüxĩnügu nax tümaxacü rü marü nax napaxü̃, rü tümaca̱x namexgu nax naxãtexü̃, rü marü name i ngĩxü̃ taxüte ega aixcüma tümaca̱x namexgu. Rü ngẽma nax naxãtexü̃ i tümaxacü rü tama pecadu nixĩ.

Wenaxarü naxümatü ga Tupanaarü mugü 4:40

¡Rü peyanguxẽxẽ i ngẽma norü mugü i ñaa ngunexü̃gu pemaxã nüxü̃ chixuxü̃! Rü ngẽmaãcü tá mea pexü̃ rü petanüxü̃xü̃ nangupetü rü ñu̱xũchi mucü ya taunecü tá nawa pemaxẽ i ngẽma naane i Cori ya perü Tupana tá pexna ãxü̃ nax guxü̃gutáma pexrü yixĩxü̃ca̱x —ñanagürü ga Moiché.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:14

Rü ngẽmaca̱x chanaxwa̱xe i ngẽma yutegüxü̃ i paxü̃gü nax wenaxarü naxãtegüxü̃, rü naxãxãcügüxü̃, rü mexü̃ i napataarü dauruü̃gü nax yixĩgüxü̃. Rü ngẽmaãcü i ngẽma duü̃xü̃gü i tama yaxõgüxü̃ rü taxucürüwa chixri ngĩchiga nidexagü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:8

Erü yíxema tama mea nüxna dauxe ya tümanatü rü tümaé rü tümatanüxü̃ rü tama aixcüma Tupanaaxü̃́ tayaxõ. Rü wüxi i tama yaxõxü̃arü yexera chixexü̃ tixĩ.

Rux 2:23

Rü yemaca̱x ga ngĩma ga Rux rü nawe irüxũ ga Boóxü̃taxü̃gü nax chebádaya̱xa ta nadexü̃ ñu̱xmata nagu ga nax yabuxgüãxü̃ ga chebáda rü trigu. Rü yemaacü ipuracü ga yexguma ngĩ̱xẽ ga Noemíxü̃tawa nayexmayane.

Rux 3:2

Rü dücax, rü yimá tatanüxü̃ ya Boó ya naxü̃tawa cupuracücü, rü ñoma i chütaxü̃gu rü tá naanewa naxũ nax ngéma chebáda íyabuxuchita̱xexü̃ca̱x.