Rux 2:8 - Tupanaarü Ore

⁸ Rü yexguma ga nüma ga Boó rü Ruxü̃ ñanagürü: —Pa Chauxacüx ¡irüxĩnü, rü tama chanaxwa̱xe i to i naanewa cuyabuxeta! ¡Nuxãtama rüxã̱ũ̱x natanügu i chauxü̃taxü̃gü!

Rux 2:8 Iomraidhean Croise

Norü taxre ga popera ga ãẽ̱xgacügüchiga 5:13

Natürü ga norü duü̃xü̃gü rü naxca̱x naxĩ rü ñanagürügü nüxü̃: —Pa Corix, ngẽxguma chi yimá orearü uruxü̃ rü ta̱xacürü guxchaxü̃ cuxü̃ naxüxẽẽgu rü ngẽxguma rü chi cunaxü. Natürü i ñu̱xma nax natauxchaxü̃ i ngẽma cumaxã nüxü̃ yaxuxü̃ rü yexera name nixĩ i naga cuxĩnü. ¡Rü cugü nayaxunemare nawa i ngẽma natü nax ngẽmaãcü cuxca̱x yataanexü̃ca̱x! —ñanagürügü.

Lebítanüxü̃arü puracüchiga 19:9

Rü ngẽxguma perü nanetügüarü buxgüwa nagu̱xgu, rü tama name nax guxü̃ma cubuxuxü̃ i ngẽma cuanewa ngẽxmaxü̃. ¡Rü taxṹ i guxü̃nema ya trigu ya ngéma yaxügüne cudexü̃!

Ore i mexü̃ ga Matéu ümatüxü̃ 9:2

Rü yéma guma ĩanewa rü duü̃xü̃gü rü Ngechuchuxü̃tawa nanangetaü̃gü ga wüxi ga yatü ga nawãĩxãchicü. Rü yexguma Ngechuchu nüxü̃ da̱u̱xgu nax aixcüma yaxõgüãxü̃ ga yema duü̃xü̃gü, rü ñanagürü nüxü̃ ga gumá ida̱xawecü: —¡Nataãxẽ, Pa Chaunex! Erü curü pecadugü rü marü cuxü̃́ nüxü̃ narüngüma —ñanagürü.

Ore i mexü̃ ga Matéu ümatüxü̃ 9:22

Natürü nüma ga Ngechuchu rü nügü ínidau, rü ngĩxü̃ nadau ga yema nge. Rü ñanagürü ngĩxü̃: —¡Nataãxẽ, Pa Chauxacüx! Marü cuxca̱x nitaane, erü cuyaxõ —ñanagürü. Rü yexgumatama ngĩxca̱x nitaane.

Filipenses 4:8

Rü ñu̱xma Pa Chauenexẽgüx, rü name nixĩ i nagu perüxĩnüe i guxü̃ma i ngẽma ore i aixcüma ixĩxü̃, rü guxü̃ma i ngẽma nacüma i taxucürüwama texé chixri nachiga idexaxü̃. Rü name nixĩ i nagu perüxĩnüe i guxü̃ma i ngẽma ore i aixcüma mea iwéxü̃, rü guxü̃ma i ngẽma Tupanape̱xewa mexü̃, rü guxü̃ma i nacümagü i duü̃xü̃gü namaxã taãẽxü̃, rü guxü̃ma i ngẽma nacümagü i duü̃xü̃gü mea nachiga idexagüxü̃. Rü ngẽmaãcü name nixĩ i nagu perüxĩnüe i guxü̃ma i ngẽma nacümagü i mexü̃ nax nüxü̃ icua̱xüü̃güxü̃.

Rux 2:7

Rü choxna ica nax ngẽma buxetatanüxü̃we chebádaya̱xa nax yadeetanüxü̃ca̱x. Rü pa̱xmamacürüwa inaxügü nax napuracüxü̃, rü ñu̱xmatama nixĩ i paxaãchi inangü̃xü̃ —ñanagürü.

Rux 2:9

¡Rü ñu̱xũchi nawe rüxũ i ngẽma buxetatanüxü̃ ega ngẽxguma nüxü̃ cuda̱u̱xgu i ngextá nax napuracüexü̃! Erü marü nüxna chaxãga i ngẽma chorü duü̃xü̃gü nax taxuxü̃ma cuxü̃ chixewexü̃ca̱x. Rü ngẽxguma quita̱xawaxgu ¡rü ngẽma dexápaü̃güwa naxũ rü ngẽma dexá i nüma nayauxgüxü̃wa naxaxe! —ñanagürü.

1 Chamué 3:16

Natürü nüma ga Erí rü Chamuéca̱x naca rü ñanagürü nüxü̃: —Pa Chaunex, Pa Chamuéx —ñanagürü. Rü nüma ga Chamué nanangãxü̃ rü ñanagürü: —Daxe chixĩ —ñanagürü.

1 Chamué 3:6

Natürü nüma ga Cori ya Tupana rü wenaxarü Chamuéna naca rü ñanagürü: —Pa Chamuéx —ñanagürü. Rü nüma ga Chamué rü ínarüwa̱x, rü Erí íyexmaxü̃wa naña rü ñanagürü: —Daxe chixĩ rü nua changexma. ¿Ta̱xacüca̱x cha̱u̱xca̱x cuca? —ñanagürü. Rü nüma ga Erí rü nanangãxü̃ga rü ñanagürü: —Taguma nixĩ i cuxca̱x chacaxü̃, Pa Chaunex. ¡Ẽcü nataegu rü yape! —ñanagürü.