Rux 2:2 - Tupanaarü Ore

² Rü wüxi ga ngunexü̃gu ga Rux rü Noemíxü̃ ngĩgürügü: —Chebádachitaxü̃wa tá chaxũ, rü ngürüãchi ngẽxma tá nüxü̃ chayangau i wüxi i buxetatanüxü̃ i choxü̃ nadexẽẽxü̃ i ngẽma chebáda i nawe iyietanüxü̃ —ngĩgürügü. Rü yexguma ga Noemí rü ngĩgürügü ngĩxü̃: —Marü name Pa Chauxacüx. ¡Ẽcü ngéma naxũ rü naxü i ngẽma nüxü̃ quixuxü̃! —ngĩgürügü.

Rux 2:2 Iomraidhean Croise

Naanearü ügüchiga 32:6

Rü yexguma marü Acóbuca̱x nawoegu̱xgu ga norü duü̃xü̃gü, rü ñanagürügü: —Marü naxü̃tawa tangugü ya cuenexẽ ya Echaú. Rü nüma rü tá nua naxũ nax nümatama cuxü̃ íyadauxü̃ca̱x namaxã i 400 i norü duü̃xü̃gü —ñanagürügü.

Lebítanüxü̃arü puracüchiga 19:10

¡Rü taxṹ i guxü̃ma i úbagü cubuxuxü̃ i ngẽma curü úbanecüwa! Rü tama name nax cunadexü̃ i ngẽma úbagü i rüyixü̃. ¡Ẽcü yíxema ngearü diẽruã̱xgüxeca̱x rü ñu̱xũchi yíxema to i nachixü̃anecüã̱xgüca̱x ngéma yaxüxẽxẽ! Erü choma nixĩ i perü Cori ya Tupana chixĩxü̃.

Lebítanüxü̃arü puracüchiga 19:16

¡Rü taxũtáma oregümaxã curü ĩanegü cunaxũane! Rü taxũtáma cumücüchiga doraxü̃ quixu nax ngẽmaãcü ãũcümaxü̃wa cunangexmaxẽẽxü̃ca̱x. Rü choma nixĩ ya Cori ya Tupana.

Lebítanüxü̃arü puracüchiga 19:9

Rü ngẽxguma perü nanetügüarü buxgüwa nagu̱xgu, rü tama name nax guxü̃ma cubuxuxü̃ i ngẽma cuanewa ngẽxmaxü̃. ¡Rü taxṹ i guxü̃nema ya trigu ya ngéma yaxügüne cudexü̃!

Lebítanüxü̃arü puracüchiga 23:22

Rü ngẽxguma perü nanetügüarü buxgüwa nanguxgu, rü tama name nax guxü̃ma cubuxuxü̃ i ngẽma cuanewa ngẽxmaxü̃. ¡Rü taxṹ i guxü̃nema ya trigu ya ngéma yaxügüne cudexü̃! ¡Ẽcü yíxema ngearü diẽruã̱xgüxeca̱x rü ñu̱xũchi yíxema to i nachixü̃anecüã̱xgüca̱x ngéma yaxüxẽxẽ! Erü choma nixĩ i perü Cori ya Tupana chixĩxü̃” —ñanagürü.

Rux 2:3

Rü yexguma ga Rux rü wüxi ga naanewa ixũ rü yema buxetatanüxü̃we iyadeetanü ga chebádaya̱xa ga yéma iyietanüxü̃. Rü megu ingu yerü yema naane rü Boó ga Erimérextanüxü̃arü nixĩ.

Rux 2:7

Rü choxna ica nax ngẽma buxetatanüxü̃we chebádaya̱xa nax yadeetanüxü̃ca̱x. Rü pa̱xmamacürüwa inaxügü nax napuracüxü̃, rü ñu̱xmatama nixĩ i paxaãchi inangü̃xü̃ —ñanagürü.

1 Chamué 1:18

Rü ngĩma ga Ána rü inangãxü̃ rü ngĩgürügü: —Moxẽxü̃chi naxca̱x i ngẽma dexa —ngĩgürügü. Rü ñu̱xũchi itaegu rü iyachibü rü marü taguma wena ingechaü̃.