Rux 2:16 - Tupanaarü Ore

¹⁶ ¡Rü woetama ngĩxca̱x ngéma peyayixetanüxẽxẽ nax ngĩma rü yadexetanüãxü̃ca̱x! ¡Rü taxṹ i ngĩxna penachu̱xuxü̃! —ñanagürü.

Rux 2:16 Iomraidhean Croise

Wiyaegü 112:9

Rü yíxema tüxü̃́ nataxúxe rü guxü̃guma norü ngúchaü̃maxã tüxna nanaxãmare i diẽru. Rü ngẽma nacüma i mexü̃ rü taguma nüxü̃ narüchau nax naxüaxü̃. Rü taxuca̱xma naxãne erü aixcüma nagu namaxü̃ i ngẽma nüxü̃ yaxuxü̃.

Ucu̱xẽgüchiga 19:17

Ngẽxguma wüxi i duü̃xü̃ i ngearü diẽruã́xü̃xü̃ curüngü̃xẽẽgu diẽrumaxã, rü Tupanaxü̃ nixĩ i curüngü̃xẽẽxü̃. Rü nüma ya Cori ya Tupana rü tá cuxü̃́ tüxü̃ natáeguxẽxẽ.

Ore i mexü̃ ga Matéu ümatüxü̃ 25:40

Rü nüma i Ãẽ̱xgacü rü tá nanangãxü̃, rü ñanagürü tá: “Aixcüma pemaxã nüxü̃ chixu rü yexguma nüxü̃ perüngü̃xẽxẽgügu i ngẽma chorü duü̃xü̃ i yexeraãcü ngearü ngẽmaxü̃áxü̃, rü choxü̃ nixĩ ga perüngü̃xẽxẽgüxü̃”, ñanagürü tá nüxü̃.

Romanos 12:13

Rü name nixĩ i nüxü̃ perüngü̃xẽxẽ i ngẽma yaxõgüxü̃ i nüxü̃́ nataxuxü̃. ¡Rü mea penayaxu i ngẽma duü̃xü̃gü i pexü̃tagu naxĩanexü̃!

Popera ga Filemúü̃ca̱x naxümatüxü̃ ga Pauru 1:7

Rü choma rü poraãcü chataãẽxü̃chi erü aixcüma nüxü̃ cungechaü̃ i ngẽma yaxõgüxü̃. Erü cugagu nixĩ, Pa Chauenexẽx, nax nataãẽgüxü̃ i ngẽma yaxõgüxü̃.

Popera ga Yudíugü ga yaxõgüxü̃ca̱x ümatüxü̃ 6:10

Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.

Rux 2:15

Rü yexguma wenaxarü buxetawa naxĩxgu, rü nüma ga Boó rü norü duü̃xü̃güna naxãga rü ñanagürü: —Marü name nax ngĩma rü ta chebádaya̱xa ta nadexü̃. ¡Rü taxṹ i ngĩxna peyanuxũxü̃!

Rux 2:17

Rü ngĩma ga Rux rü Boóanewa chebádaya̱xa ta ide ñu̱xmata nachütamare. Rü norü yá ga yema chebáda rü 20 quíruarü yexera nixĩ ga yexguma marü nabuxãxgu.