Rux 2:13 - Tupanaarü Ore

¹³ Rü ngĩma rü inangãxü̃ rü ngĩgürügü: —Cuma rü poraãcü chomaxã cumecümaxü̃chi, rü ngẽma curü ore rü choxü̃ nataãẽxẽxẽ. Erü cuma rü choxü̃ cungechaü̃ãcüma chomaxã quidexa nax woo tama wüxi i cuxü̃taxü̃ chixĩxü̃ —ngĩgürügü.

Rux 2:13 Iomraidhean Croise

Naanearü ügüchiga 32:6

Rü yexguma marü Acóbuca̱x nawoegu̱xgu ga norü duü̃xü̃gü, rü ñanagürügü: —Marü naxü̃tawa tangugü ya cuenexẽ ya Echaú. Rü nüma rü tá nua naxũ nax nümatama cuxü̃ íyadauxü̃ca̱x namaxã i 400 i norü duü̃xü̃gü —ñanagürügü.

Naanearü ügüchiga 33:10

Natürü nüma ga Acóbu rü nüxna nayaxãchigüama rü ñanagürü: —¡Taxṹ i choxü̃́ nüxü̃ cuxoxü̃, Pa Chauenexẽx! Rü ngẽxguma aixcüma chomaxã cutaãẽgu ¡rü nayaxu i ñaa chorü ãmare! Erü cuma rü meama choxü̃ cuyaxu. Rü ngẽma maxü̃́xẽ cuxü̃ nax chadauxü̃ rü ñoma Tupanaxü̃ chadauxü̃rüxü̃ nixĩ.

Naanearü ügüchiga 33:15

Rü nüma ga Echaú rü ñanagürü nüxü̃: —Rü name nixĩ i ñuxre i chorü duü̃xü̃gü i chowe nua ĩxü̃ rü cuxü̃ narüngü̃xẽẽgü —ñanagürü. Natürü Acóbu nanangãxü̃ rü nüxü̃ ñanagürü: —¡Taxṹ i cha̱u̱xca̱x cuxoegaãẽxü̃! —ñanagürü.

Naanearü ügüchiga 33:8

Rü yexguma ga nüma ga Echaú rü Acóbuna naca, rü ñanagürü: —¿Tü̱xcüü̃ cha̱u̱xca̱x ngéma cunamugü i ngẽma naxü̃nagü i nüxü̃ chingauchigüxü̃? —ñanagürü. Rü Acóbu nanangãxü̃ rü nüxü̃ ñanagürü: —Rü ngéma chanamugü nax ngẽmaãcü chomaxã cutaãẽxü̃ca̱x —ñanagürü.

Naanearü ügüchiga 34:3

Rü nüma ga Chiquéü̃ rü poraãcü ngĩxü̃ nangẽ̱xẽ rü nüxü̃́ ingúchaü̃ rü yemaca̱x ngĩmaxã namecüma.

Naanearü ügüchiga 43:14

Rü chanaxwa̱xe ya Tupana ya Guxü̃étüwa Ngẽxmacü nüxna naxĩnü ya yimá ãẽ̱xgacü nax nüxü̃́ pengechaü̃tümüxü̃güxü̃ca̱x, rü ínanguxuchixẽẽãxü̃ca̱x ya yimá peenexẽ ya Chimeóü̃, rü taxuxü̃ma nüxü̃ ngupetüxü̃ca̱x ya Bẽyamíü̃. Natürü ngẽxguma Tupana naxwa̱xegu nax changenexü̃, rü marü name nax ngẽmaãcü yixĩxü̃ —ñanagürü ga Acóbu.

2 Chamué 16:4

Rü yexguma nüma ga ãẽ̱xgacü ga Dabí rü Chibáxü̃ nangãxü̃ rü ñanagürü nüxü̃: —Ñu̱xma rü cuxrügü nixĩ i guxü̃ma i ngẽma noxri Mepi-bóchexarü ixĩxü̃ —ñanagürü. Rü nüma ga Chibá rü ãẽ̱xgacüpe̱xe nangücuchiãcüma nanangãxü̃ rü ñanagürü: —Chierüx guxü̃guma chomaxã cutaãẽgu, Pa Ãẽ̱xgacüx —ñanagürü.

Ucu̱xẽgüchiga 15:33

Ngẽma nax Cori ya Tupanaga ixĩnüexü̃, rü cua̱x tüxna naxã. Rü ngẽxguma cunaxwa̱xegu nax duü̃xü̃gü cuxü̃ icua̱xüü̃güxü̃, name nixĩ i cugüna cudau nax tama cugütama quicua̱xüü̃xü̃ca̱x.

Ochéa 2:16

Rü ngẽxguma rü tá: “Pa Cuxü̃ Tangechaxü̃cüx”, ñanagürügü choxü̃ rü tama “Pa Torü Yora i Baáx”, ñanagürügü. Rü choma i Cori ya Tupana nixĩ i nüxü̃ chixuxü̃ i ngẽma.

Filipenses 2:3

Rü tama name nax togüarü yexera pegü pixĩgüxẽẽxü̃ rü pegü picua̱xüü̃güxü̃. Rü narümemae nixĩ i wüxichigü nagu perüxĩnüe nax ngẽma togü rü perü yexera yixĩgüxü̃.

Rux 2:12

¡Rü Tupana cuxü̃́ naxütanü i ngẽma! ¡Rü nüma ya Cori ya Iraéanecüã̱xgüarü Tupana ga norü ngü̃xẽẽca̱x cudaucü cuxü̃́ naxütanü naxca̱x ga guxü̃ma ga yema mexü̃ ga cuxüxü̃! —ñanagürü.

Rux 2:14

Rü yexguma chibüarü orawa nanguxgu, rü nüma ga Boó rü ngĩxca̱x naca ga Rux, rü ñanagürü ngĩxü̃: —¡Nua naxũ rü tomaxã nua nachibü! —ñanagürü. Rü ngĩma ga Rux rü yema buxetatanüxü̃tanüwa irüto. Rü nüma ga Boó rü taxü̃ma ga õna ngĩpe̱xegu naxǘ. Rü ngĩma rü meama ichibü ñu̱xmata ngĩxü̃́ íyaxü.

1 Chamué 1:18

Rü ngĩma ga Ána rü inangãxü̃ rü ngĩgürügü: —Moxẽxü̃chi naxca̱x i ngẽma dexa —ngĩgürügü. Rü ñu̱xũchi itaegu rü iyachibü rü marü taguma wena ingechaü̃.

1 Chamué 25:41

Rü yexguma ngĩma ga Abigái rü waixü̃mügu iyangücuchi rü ngĩgürügü: —Choma rü wüxi i naxü̃taxü̃mare chixĩ nüxü̃́ ya Dabí, rü íchamemare nax chayayauxcutügüxü̃ca̱x i norü duü̃xü̃gü ega nüma choxü̃ naxüxẽẽãgu —ngĩgürügü.