Rux 2:12 - Tupanaarü Ore

¹² ¡Rü Tupana cuxü̃́ naxütanü i ngẽma! ¡Rü nüma ya Cori ya Iraéanecüã̱xgüarü Tupana ga norü ngü̃xẽẽca̱x cudaucü cuxü̃́ naxütanü naxca̱x ga guxü̃ma ga yema mexü̃ ga cuxüxü̃! —ñanagürü.

Rux 2:12 Iomraidhean Croise

Wiyaegü 17:8

¡Rü choxna nadau ñoma cugüpü̱xüxetüna cudauxü̃rüxü̃! ¡Rü choxü̃ ídüxü namaxã ya cuxpe̱xatügü!

Wiyaegü 19:11

Rü ngẽma curü mugü rü choxü̃ nüxü̃ nacua̱xẽxẽ naxü̃pa nax chixexü̃gu changuxü̃. Rü yíxema naga ĩnüexe i ngẽma curü mugü rü tá tanayauxgü i tümaarü ãmare.

Wiyaegü 36:7

Rü ngẽma curü ngechaü̃, Pa Tupanax, rü namexẽchi. Rü ngẽmaca̱x i duü̃xü̃gü rü cuxpe̱xatütüxü̃ca̱x nibuxmü nax ícupoxü̃xü̃ca̱x.

Wiyaegü 57:1

¡Cuxü̃́ changechaü̃tümüxü̃, Pa Chorü Tupanax, cuxü̃́ changechaü̃tümüxü̃! Erü cuxca̱x chiña nax choxü̃ ícupoxü̃xü̃ca̱x. Rü cuxpe̱xatütüü̃gu chaugü chicúxchaü̃ ñu̱xmatáta nangupetü i ngẽma ãũcümaxü̃.

Wiyaegü 58:11

Rü duü̃xü̃gü rü ñanagürügü tá: —Ngẽma mea Tupanape̱xewa maxẽxü̃ rü aixcüma nüxü̃́ nangẽxma i norü natanü. Rü aixcüma nixĩ nax nangẽxmaxü̃ ya Tupana ya ñoma i naanemaxã icuácü —ñanagürügü tá.

Wiyaegü 61:4

Rü chanaxwa̱xe nax guxü̃gutáma cupatawa changexmaxü̃ nax ngéma cuxpe̱xatütüü̃gu chicúxü̃ca̱x.

Wiyaegü 63:7

Rü cuxpe̱xatügütüü̃gu tá chawiyae, erü cuma nixĩ i choxü̃ curüngü̃xẽxẽxü̃.

Wiyaegü 91:4

Rü nüma rü tá nügüpe̱xátütüü̃wa cuxü̃ nangẽxmaxẽxẽ rü ngéma rü taxuxü̃táma cuxü̃ nangupetü. Rü nüma rü tá aixcüma cuxna nadau rü tá cuxü̃ ínapoxü̃.

Ucu̱xẽgüchiga 11:18

Ngẽma duü̃xü̃ i chixexü̃gu maxü̃xü̃, rü wüxi i paxaãchiruxü̃mare nixĩ i ngẽma diẽru i norü puracütanü i nayaxuxü̃, natürü yíxema mexü̃gu rüxĩnüxe, rü aixcüma natai i ngẽma tümaarü natanü i tayaxuxü̃.

Ucu̱xẽgüchiga 23:18

Erü ngẽxguma aixcüma Cori ya Tupanaga cuxĩnügu, rü ngẽma curü maxü̃ tá mexü̃wa naxũ rü ngẽma ícunangu̱xẽẽxü̃, rü tagutáma inarüxo. -15-

Yeremía 31:16

Natürü nüma ya Cori ya Tupana rü ñanagürü: “¡Pa Raquétanüxü̃ rü taxṹ i pexauxexü̃! ¡Rü marütama nax ípenaxũxü̃xẽẽxü̃ i pegüxü̃xetü! Erü perü ngechaü̃ rü tá naxãtanü. Rü pexacügü rü penegü rü tá nüxna nawoegu i perü uanügüarü nachixü̃ane. Rü choma ya Cori ya Tupana nixĩ i nüxü̃ chixuxü̃ i ngẽma.

Ore i mexü̃ ga Matéu ümatüxü̃ 23:37

Rü ñanagürü ta ga Ngechuchu: —Pa Yerucharéü̃cüã̱x, pema penadai i Tupanaarü orearü uruü̃gü, rü nutamaxã ípenamuxũchigü i ngẽma orearü ngeruü̃gü ya Tupana pexü̃tawa mugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃ ñoma wüxi i ota i naxacüxegü nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

Ore i mexü̃ ga Matéu ümatüxü̃ 5:12

¡Rü petaãxẽgüama rü tama pexoegaãẽgü! Erü daxũguxü̃ i naanewa tá penayauxgü i wüxi i perü ãmare i mexẽchixü̃. Rü ngẽma ñu̱xma pexü̃ ngupetüxü̃rüxü̃ nixĩ ga nüxü̃ nangupetüxü̃ ga nũxcümaü̃güxü̃ ga Tupanaarü orearü uruü̃gü.

Ore i mexü̃ ga Matéu ümatüxü̃ 6:1

Rü ngẽxguma ta̱xacürü mexü̃ pexü̱xgu, rü name i pexuãxẽ nax tama duü̃xü̃güpe̱xewa penaxüxü̃ i ngẽma nax duü̃xü̃gü pexü̃ dauxü̃ca̱x rü pexü̃ yacua̱xüü̃güxü̃ca̱x. Erü ngẽxguma duü̃xü̃gü pexü̃ icua̱xüü̃güxü̃ca̱x mexü̃ pexü̱xgu, rü Penatü ya daxũgucü rü taxũtáma ãmare pexna naxã.

Ore i mexü̃ ga Luca ümatüxü̃ 6:35

Natürü i pema rü name nixĩ i nüxü̃ pengechaü̃ i ngẽma pemaxã rüxuanügüxü̃, rü nüxü̃ perüngü̃xẽxẽ. Rü ngẽxguma ta̱xacüca̱x pexna nacaxgu, rü name nixĩ i nüxna penaxã woo ngürüãchi taxũtáma pexü̃́ natáeguxẽẽãgu. Erü ngẽxguma ngẽmaãcü penaxü̱xgu, rü Tupana ya Guxü̃étüwa Ngẽxmacü rü ngẽmaarü yexera tá pexü̃́ nanatáeguxẽxẽ, rü naxacügü tá pixĩgü. Erü nüma rü namaxã rü ta namecüma i ngẽma taguma moxẽ nüxna ãgüxü̃ rü ngẽma chixecümagüxü̃.

Colosenses 2:18

¡Rü taxṹ i naga pexĩnüexü̃ i ngẽma duü̃xü̃gü i pepe̱xewa nügü írüxíxragüxü̃ rü daxũcüã̱x i orearü ngeruü̃güxü̃ icua̱xüü̃güxü̃! Nümagü rü nügü nixugüe nax yango̱xetügüxü̃, rü ngẽmaãcü noxrütama ĩnügümaxã nügü nicua̱xüü̃gü.

Norü taxre ga popera ga Timutéuca̱x naxümatüxü̃ ga Pauru 1:18

Cuma meama nüxü̃ cucua̱x nax poraãcü tüxü̃ nangü̃xẽẽxü̃ ga Onechíferu ga Epéchiuarü ĩanewa. Rü ngẽmaca̱x chorü yumüxẽwa naxca̱x íchaca nax Tupanaaxü̃́ nangechaü̃tümüxü̃xü̃ca̱x i ngẽxguma wena ñoma i naanewa naxũxgu ya tórü Cori ya Ngechuchu.

Norü taxre ga popera ga Timutéuca̱x naxümatüxü̃ ga Pauru 4:8

Rü ñu̱xma rü marü ínamemare i ngẽma ãmare i mexẽchixü̃ ya tórü Cori ya Ngechuchu ya ãẽ̱xgacü ya mecü tá choxna ãxü̃ i ngẽxguma wenaxarü ñoma i naanewa naxũxgu. Rü taxũtáma chaxica choxna nanaxã i ngẽma ãmare, natürü tá tüxna nanaxã ya guxãma ya yíxema tümaarü ngúchaü̃maxã ínangu̱xuxẽẽgüxe nax wenaxarü núma naxũxü̃.

Popera ga Yudíugü ga yaxõgüxü̃ca̱x ümatüxü̃ 11:26

Rü yexgumarüxü̃ nax daxũguxü̃ ga naanena nax yaxũxü̃ ga Cristu nax ngúxü̃ yangexü̃ca̱x, rü yexgumarüxü̃ ta nixĩ ga Moiché ga ãẽ̱xgacüpatana nax yaxũxü̃, yerü naxca̱x rü narümemae nax Iraétanüxü̃maxã wüxigu ngúxü̃ yangexü̃. Rü taxuca̱xma yema ngúxü̃gu narüxĩnü ga Moiché, yerü norü ngúchaü̃ nixĩ nax naya̱u̱xãxü̃ i ngẽma natanü ya Tupana tá nüxna ãxü̃.

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

Popera ga Yudíugü ga yaxõgüxü̃ca̱x ümatüxü̃ 6:10

Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.

Rux 1:16

Natürü ngĩma ga Rux rü ngĩxü̃ ingãxü̃ga rü ngĩgürügü: —¡Taxṹ i choxü̃ cuca̱a̱xü̃xü̃ nax cuxna chixũgachixü̃ca̱x, rü cuxna chataeguxü̃ca̱x! Erü ngextá ícuxũxü̃wa rü ngéma tá chaxũ, rü ngextá ícupexü̃wa rü ngẽxma tá chape. Curü ĩane rü chorü ĩane tá nixĩ, rü yimá curü Tupana, rü chorü Tupana tá nixĩ.

Rux 2:11

Rü nüma ga Boó rü ngĩxü̃ nangãxü̃, rü ñanagürü: —Choma rü meama nüxü̃ chacua̱x ga ñuxãcü ngĩxü̃ nax cungechaü̃xü̃ ga cu̱xẽ nawena ga cute ga cuxna yucü. Rü ngẽxgumarüxü̃ ta meama nüxü̃ chacua̱x ga tüxna nax quixũxü̃ ga cunatü rü cué, rü curü naane nax nuxã totanügu cuyaxãchiü̃xü̃ca̱x ga woo tama toxü̃ cucuáxü̃ ga cumax.

Rux 2:13

Rü ngĩma rü inangãxü̃ rü ngĩgürügü: —Cuma rü poraãcü chomaxã cumecümaxü̃chi, rü ngẽma curü ore rü choxü̃ nataãẽxẽxẽ. Erü cuma rü choxü̃ cungechaü̃ãcüma chomaxã quidexa nax woo tama wüxi i cuxü̃taxü̃ chixĩxü̃ —ngĩgürügü.

Rux 4:15

Rü nüma tá nixĩ i cuxü̃ nataãẽxẽẽxü̃ rü cuxna nadauxü̃ i ngẽxguma cuya̱xgu, erü ngẽma cuneã̱x i cuxü̃ nangechaü̃xü̃chicü ngĩne nixĩ. Rü ngĩma rü cuxü̃́ ime i norü yexera ya 7 ya cunegü ega chi ngẽxgumaepü̱x cuxü̃́ ngẽxmagu —ngĩgürügügü.

1 Chamué 24:19

Rü aixcüma nixĩ i nataxuxü̃ma i duü̃xü̃ i tama norü uanüxü̃ imáxü̃ ega naxme̱xgu nanguxgu. Rü ngẽmaca̱x ¡Tupana cuxü̃́ naxütanü naxca̱x i ngẽma mexü̃ i ñu̱xma cha̱u̱xca̱x cuxüxü̃!

1 Chamué 24:20

Rü ñu̱xma nixĩ i aixcüma nüxü̃ chacuáxü̃ nax cuma tá yixĩxü̃ i Iraéanecüã̱xgüarü ãẽ̱xgacü quixĩxü̃. Rü cuma tá nixĩ i namaxã icucuáxü̃, rü cuxme̱xwa mea tá Iraéanecüã̱xgüxü̃ nangupetü.