Yema Cuáü̃ nüxü̃ dauxü̃ i yixcüra tá ngupetüxü̃chiga 9:6 - Tupanaarü Ore

⁶ Rü ngẽma ngunexü̃gügu rü duü̃xü̃gü tá naxca̱x nadaugü nax nayuexü̃, natürü taxũtáma nayue. Rü woo nanaxwa̱xegüxüchi nax nayuexü̃, natürü taxucürüwatama nayue.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:6 Iomraidhean Croise

2 Chamué 1:9

Rü yexguma rü cha̱u̱xca̱x naxca̱x nax naxca̱x chixũxü̃ca̱x nax wüxicana chayamáxü̃ca̱x yerü marü nayuxchaü̃, natürü namaxü̃ratama.

Ichaía 2:19

Rü ngẽxguma Cori ya Tupana inaxügügu nax yaxĩã̱xcüüxẽẽãxü̃ i ñoma i naane, rü ngẽma duü̃xü̃gü i chixexü̃ ügüxü̃ rü norü muü̃maxã tá nutaarü ãxmaxü̃gu rü waixü̃müarü ãxmaxü̃gu nicu̱xgü na̱xcha̱xwa ya Cori ya Tupana ya üünecü rü poraãcü ãũcümacü.

Yeremía 8:3

Rü ngẽma duü̃xü̃gü i chixexü̃ ügüxü̃ i ñu̱xma maxẽxü̃wa íyaxügüxü̃, rü choma rü tá to i nachixü̃anegu chanawoone. Rü ngẽma ínachamugüxü̃wa rü tá nagu narüxĩnüe rü chi narümemae ga noxtacüma nax nayuexü̃ rü tama namaxẽxü̃. Rü chomatama ya Cori ya Tupana ya Guxãétüwa Ngẽxmaxe nixĩ i nüxü̃ chixuxü̃ i ngẽma ore —ñanagürü.

Ochéa 10:8

Rü tá nagu napogüe i napatagü i ngẽma tupananetagü ga Iraéanecüã̱xgü chixexü̃ nawa ügüxü̃. Rü ngẽma norü ãmarearü guruü̃güétüwa tá narüxügü i chuxchuxü̃gü rü toragü. Rü nüma i ngẽma duü̃xü̃gü rü tá ngẽma ngüchitaerugüxü̃ ñanagürügü: “¡Toétüwa pebuemügü!” ñanagürügü. Rü yima ma̱xpǘnegüxü̃ tá ñanagürügü: “¡Toétügu peyi!” ñanagürügü —ñanagürü ga Ochéa.

Ore i mexü̃ ga Luca ümatüxü̃ 23:30

Rü ngẽxguma ínangugügu i ngẽma ngunexü̃gü rü duü̃xü̃gü rü tá ma̱xpǘnegüxü̃ naca̱a̱xü̃gü rü ñanagürügü tá: “¡Toétügu rübuemü!” ñanagürügü tá. Rü tá ngüchitaerugüxü̃xü̃ naca̱a̱xü̃gü, rü ñanagürügü tá: “¡Toxü̃ idüxétügü!” ñanagürügü tá.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:16

Rü guxü̃ma ga nümagü, rü guma ma̱xpǘnexü̃ rü gumá nutagüxü̃ ñanagürügü: “¡Toétügu peyi nax toxü̃ ipicu̱xgüxü̃ca̱x naxcha̱xwa ya yimá tochicaxü̃wa rütocü, rü na̱xcha̱xwa ya yimá Carnéruxacü nax tama norü numaxã toxü̃ napoxcuexü̃ ya yimá Carnéruxacü!