Yema Cuáü̃ nüxü̃ dauxü̃ i yixcüra tá ngupetüxü̃chiga 8:11 - Tupanaarü Ore

¹¹ Rü gumá woramacuri rü Üxüxü̃ nixĩ ga naéga. Rü wüxi ga yema norü tomaepü̱xarü üye ga guxü̃ma ga dexá rü naxüxchíü. Rü muxü̃ma ga duü̃xü̃gü rü yema dexáwa nayue yerü naxüxchíü.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:11 Iomraidhean Croise

Ínachoxü̃xü̃chiga 15:23

Rü yexguma Maráwa nangugügu, rü yexma dexáxü̃ inayangaugü, natürü taxucürüwama nawa naxaxegü yerü naxüxchiü. Rü yemaca̱x nixĩ ga Marágu naxüégagüãxü̃ ga yema nachica.

Ucu̱xẽgüchiga 5:4

Natürü ngẽxguma naga cuxĩnügu rü ñoma wüxi ya tuxchana quixaxüxü̃arü yexera tá nixĩ i naxüxüxü̃. Ñoma wüxi i taraarü yexera tá cuxü̃́ nangu̱x.

Yeremía 23:15

Rü ngẽmaca̱x i choma ya Cori ya Tupana ya Guxü̃étüwa Ngẽxmaxe, rü namaxã chanu i ngẽma orearü uruü̃güneta rü ñachagürü nüxü̃: “Pexü̃ tá chanangõ̱xẽxẽ i ta̱xacü i üxüxü̃, rü pexü̃ tá nawa chaxaxegüxẽxẽ i dexá i üxchíüxü̃, erü pemax, Pa Yerucharéü̃arü Orearü Uruü̃günetax, rü pegagu nixĩ nax guxü̃ i ñaa nachixü̃anewa nanguxü̃ i chixexü̃” —ñanagürü.

Yeremía 9:15

Rü ngẽmaca̱x i choma ya Cori ya Tupana ya Guxãétüwa Ngẽxmacü ya Iraétanüxü̃arü Tupana rü ñachagürü: “Choma rü tá õna i üxüxü̃ tá nüxü̃ changõ̱xẽxẽ, rü dexá i nawa iyuxü̃wa tá chayaxaxexẽxẽgü.

Auxexü̃chiga 3:19

Rü chauãẽwa nangu i ngẽma ngechaü̃ rü ngúxü̃ i chingexü̃ rü ñuxãcü chaxica nua nax chatáxü̃ rü taxúema choxü̃ rüngü̃xẽẽxü̃. Rü ngẽxguma ngẽmagu charüxĩnügu rü chorü ngúchaü̃ rü ñaxtüwa naxũ.

Auxexü̃chiga 3:5

Rü guxü̃cüwawa rü choxü̃ ínapoxexü̃ namaxã ga ãũcümaxü̃ rü ngúxü̃gü.

Amúx 5:7

Rü ngẽma duü̃xü̃gü i pexü̃tawa ĩxü̃ nax penamexẽẽxü̃ca̱x i norü guxchaxü̃gü rü pema, Pa Ãẽ̱xgacügüx, rü tama aixcüma nüxü̃́ penamexẽxẽ. Rü ngẽmaca̱x tama nataãxẽ i duü̃xü̃gü erü tama mugü nüxü̃ ixuxü̃ãcüma penaxü.

Amúx 6:12

¿Rü nüxü̃́ natauxchaxü̃ nax nutapütawa dauxü̃ naxĩgüxü̃ i cowarugü? ¿Ẽ̱xna natauxchaxü̃ i márwa nax naxaimüaneãxü̃ i wocagü? Natürü i pema rü ngẽma mugü i duü̃xü̃güarü ngü̃xẽẽruxü̃ ixĩxü̃ rü dairuxü̃ peyanguxuchixẽxẽ. Rü ngẽma aixcüma mexü̃ rü pema rü guxchaxü̃xü̃ peyanguxuchixẽxẽ.

Chacaría 13:8

Rü guxü̃ma i ñaa nachixü̃anewa maxẽxü̃ i duü̃xü̃gü rü ngẽma norü tomaepü̱xarü üyetanüwa rü taxre i üye tá nayue. Rü wüxi i norü üyexicatama tá namaxẽ.

Chacaría 13:9

Rü ngẽma duü̃xü̃gü i íyaxügüxü̃ rü tá nüxü̃ chaxü, ñoma diẽrumü i üxüwa idexexü̃ nax ínayixü̃ca̱x i norü ãũãchixü̃rüxü̃. Rü ñoma úiru i üxüwa idexexü̃ nax ínayixü̃ca̱x i norü ãũãchixü̃rüxü̃ tá nüxü̃ chaxü i ngẽma duü̃xü̃gü. Rü ngẽxguma i nümagü rü tá choxna nacagüe rü choma rü tá chanangãxü̃. Rü ñachagürü tá: “Nümagü rü chorü duü̃xü̃gü nixĩgü”, ñachagürü. Rü nümagü rü ñanagürügü tá: “Nüma ya Cori rü tórü Tupana nixĩ”, ñanagürügü tá. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Wenaxarü naxümatü ga Tupanaarü mugü 29:18

Rü tama penaxwa̱xe nax petanüwa nangemaxü̃ i wüxi i yatü, rüe̱xna wüxi i ngexü̃, rüe̱xna wüxi ya ĩpatacüã̱xgü, rüe̱xna wüxitücumü i duü̃xü̃gü i Cori ya Tupanana ixĩgachixü̃ naxca̱x nax ngẽma nachixü̃anegüarü tupananetagüxü̃ yacua̱xüü̃güxü̃ca̱x. Rü petanüwa rü tama name nax wüxíe ñoma wüxi i nai i üxchuma̱xãxü̃ i nawa iyuxü̃rüxü̃ ixĩxẽ.

Popera ga Yudíugü ga yaxõgüxü̃ca̱x ümatüxü̃ 12:15

¡Rü pegüna pedaugü nax taxúema nüxü̃ oxü̃ca̱x i ngẽma ngü̃xẽxẽ ya Tupana norü ngechaü̃maxã pexna ãxü̃! Erü tama tanaxwa̱xe nax texé petanüwa guxchaxü̃ íngu̱xẽẽxü̃ nax ngẽmaãcü ñoma wüxi i nanetü i chixexü̃rüxü̃ toguxexü̃ tachixexẽẽxü̃ nax Cristuna tixũgachixü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:4

Rü nareexü̃maxã inayatúgü ga wüxitücumü ga norü tomaepü̱xarü üye ga woramacurigü, rü ñoma ga naaneétügu nanawogü. Rü yema coya rü ngĩpe̱xegu nayachi ga yema nge ga íraxacüchaü̃cü, yerü tüxü̃ nangṍxchaü̃ ga guxema ngĩxacüxe ga yexguma tabuxgu.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:7

Rü yema nape̱xewa yexmaxü̃ ga Tupanaarü orearü ngeruxü̃ rü nüxíra nayacue ga norü cornéta. Rü yexgumatama ñoma ga naaneétügu narüyi ga gáuxü̃pütagü rü üxüẽma ga nagümaxã ãéü̃xü̃. Rü wüxi ga yema norü tomaepü̱xarü üye ga naane rü nixa. Rü yexgumarüxü̃ ta wüxi ga yema norü tomaepü̱xarü üye ga naixnecü rü nixa. Rü guxü̃ma ga natüane rü nixae.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:15

Rü yemaacü niwẽgüxü̃ ga yema ãgümücü ga orearü ngeruü̃gü nax nadaiaxü̃ca̱x ga wüxi ga yema norü tomaepü̱xarü üyetücumü ga duü̃xü̃gü. Yerü ga yema orearü ngeruü̃gü rü woetama yemaca̱x ínamemaregü nax yema ora rü yema ngunexü̃ rü gumá tauemacü rü gumá taunecü nadaiaxü̃ca̱x ga yema duü̃xü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:18

Rü wüxi ga norü tomaepü̱xarü üyetücumü ga duü̃xü̃gü rü nayue namaxã ga yema üxüema rü caxixü̃ rü achúfre ga yema cowarugüa̱xwa íchoxü̃xü̃.

Rux 1:20

Natürü ga ngĩma rü inangãxü̃ rü ngĩgürügü: —¡Taxṹ i Noemí ñaperügü choxü̃! Rü name nixĩ i Mára ñapegürü choxü̃. Erü Tupana ya Guxãétüwa Ngẽxmacü rü taxü̃ i guxchaxü̃ choxna naxã.