Yema Cuáü̃ nüxü̃ dauxü̃ i yixcüra tá ngupetüxü̃chiga 7:9 - Tupanaarü Ore

⁹ Rü yemawena ichadawenü, rü nüxü̃ chadau ga muxũchixü̃ma ga naguxü̃raü̃xü̃ ga nachixü̃anecüã̱x, rü naguxü̃raü̃xü̃ ga duü̃xü̃gütücumü, rü naguxü̃raü̃xü̃ ga ĩanegücüã̱x, rü naguxü̃raü̃xü̃ ga duü̃xü̃gü ga to ga nagawa idexagüxü̃. Rü yema tochicaxü̃pe̱xegu rü gumá Carneruxacüpe̱xegu nachigü. Rü yema nax namuxũchixü̃ rü taxucürüwa texé tayaxugü nax ñuxre yixĩxü̃. Rü naxchiru ga icómüxü̃ rü imáxü̃maxã nixãxchiru. Rü naxme̱xwa nanangegü ga wairaatügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:9 Iomraidhean Croise

Naanearü ügüchiga 13:16

Rü choma rü tá chayamuxẽxẽ i cutaagü rü ñoma naxnücüte̱xerüxü̃ tá namuxũchi. Rü ngẽmaãcü taxúetama tayaxugü i ngẽma cutaagü.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Wiyaegü 2:8

¡Rü choxna naxca̱x naca nax cuxme̱xwa chanangexmagüxẽxẽxü̃ca̱x i guxü̃ma i nachixü̃anegü i ñoma i naanewa ngẽxmagüxü̃ nax cuxrü yixĩxü̃ca̱x! Rü choma rü tá cuxna chanaxã.

Wiyaegü 22:27

Rü Pa Guxãma i Pema i Ñoma i Naanewa Maxẽxex ¡rü nüxna pecua̱xãchie ya Cori ya Tupana rü naxca̱x pexĩ! ¡Rü nape̱xegu pecaxã́pü̱xügü rü nüxü̃ picua̱xüü̃gü!

Wiyaegü 76:4

¡Rü cumax, Pa Corix, rü guxü̃arü yexera cuxãũcümaxü̃chi! Rü yima ma̱xpǘnegü i guxü̃guma ngẽxmaechanearü yexera quixĩ.

Wiyaegü 77:2

Rü ngẽma ngunexü̃ i guxchaxü̃wa changexmagu rü Tupanaca̱x chadau. Rü taguma nüxü̃ charüchau nax chaxunagüme̱xẽãcüma chütacü chayumüxẽxü̃. Natürü woo ngẽmaãcü chayumüxẽgu rü taguma chataãxẽ.

Wiyaegü 98:3

Erü nüma rü tüxü̃ nangechaü̃ rü tama nüxü̃ narüngüma ga norü uneta ga Iraétanüxü̃maxã nüxü̃ yaxuxü̃. Rü yema nax tórü uanügüxü̃ naporamaexü̃ rü guxü̃ i naanewa nanguchiga.

Yeremía 16:19

Rü choma i Yeremía rü Cori ya Tupanana chacaama rü ñachagürü: —Pa Corix ya Chorü Poraxẽẽruxü̃ rü Chorü Tüpechitaruxü̃, rü cuma nixĩ i choxü̃ ícupoxü̃xü̃ i ngẽxguma ãũcümaxü̃wa changexmagu. Rü cuxü̃tawa tá naxĩ i nachixü̃anecüã̱xgü i naane iyacuáxü̃wa ne ĩxü̃, rü cuxü̃ tá ñanagürügü: “Yema nũxcümaü̃güxü̃ ga torü o̱xigü rü yema taxuwama mexü̃ rü ngearü poraáxü̃ ga tupananetachicüna̱xãgü nixĩ ga namaxã natupanaã̱xgüxü̃”, ñanagürügü tá.

Yeremía 3:17

Rü ngẽxguma ya Yerucharéü̃ rü Cori ya Tupanaarü tochicaxü̃gu tá naxãéga. Rü guxü̃ i nachixü̃anecüã̱xgü tá ngẽxma nangutaque̱xegü nax ngéma choxü̃ yacua̱xüü̃güxü̃ca̱x. Rü ñu̱xũchi ngẽma norü duü̃xü̃gü rü marü taxũtáma nagu namaxẽ i ngẽma chixexü̃gü i naãẽwa nagu naxĩnüexü̃.

Echequié 47:5

Rü yexguma ga gumá yatü rü to ga 500 metru inangu, rü yema natü ga poraü̃chiüxü̃ rü wüxi ga natü ga taxucürüwa nawa chixüexü̃ nixĩ. Rü yema nax wüxi ga natü ga mátamaxü̃ nax yixĩxü̃ rü wẽxẽẽãcüxicatama tocutüwa tangu.

Danié 4:1

—Choma i ãẽ̱xgacü i Nabucudonochó rü taãẽãcüma pexü̃ charümoxẽ, Pa Guxü̃ma i Nachixü̃anecüã̱xgü i Ñoma i Naanewa Maxẽxü̃ rü To i Nagawa Idexagüxü̃x. Rü chanaxwa̱xe i mea pexü̃ nangupetü.

Danié 6:25

Rü yexguma ga nüma ga ãẽ̱xgacü ga Daríu rü wüxi ga popera naxümatü naxca̱x ga guxü̃ma ga nachixü̃anecüã̱xgü rü ngẽma to ga nagawa idexagüxü̃ ga duü̃xü̃gü. Rü yema poperawa rü nüma ga ãẽ̱xgacü rü ñanagürü: —Chanaxwa̱xe nax petaãẽgüxü̃ rü mea pexü̃ nangupetüxü̃.

Ochéa 1:10

Natürü wüxi i ngunexü̃gu i ngẽma Iraétanüxü̃ rü tá namuxũchi ñoma naxnecü i márpechinüwa ngẽxmacürüxü̃. Rü ngẽmaca̱x taxucürüwa texé tayaxugü nax ñuxre yixĩxü̃. Rü woo noxri pemaxã nüxü̃ chixu nax tama chorü duü̃xü̃gü pixĩgüxü̃, natürü wüxi i ngunexü̃ rü choma ya Tupana ya Maxü̃cü tá pemaxã nüxü̃ chixu nax chorü duü̃xü̃gü pixĩgüxü̃.

Lebítanüxü̃arü puracüchiga 23:40

Rü ngẽma petaarü nüxíraxü̃ i ngunexü̃gu rü ngẽma rümemaexü̃ i penetüarü o tá pebuxu. Rü tá penayaxu i palmeraátügü rü nai i metanüxü̃átügü rü nai i natüanacüwa rüxüxü̃átügü, rü 7 i ngunexü̃ tá Cori ya Tupanape̱xewa petaãẽgü.

Chacaría 10:8

Rü choma rü tá naxca̱x changema rü wüxiwa tá chanagagü, yerü choma nixĩ ga íchananguxü̃xẽẽxü̃. Rü nümagü rü wena tá nimu noxrirüxü̃.

Chacaría 2:11

Rü ngẽxguma nawa nanguxgu i ngẽma ngunexü̃ rü muxü̃tama i nachixü̃anegü rü tá Cori ya Tupanawe narüxĩ. Rü nüma rü ñanagürü tá: —Ngẽma nachixü̃anegüarü duü̃xü̃gü rü tá chorü duü̃xü̃gü nixĩgü. Rü choma rü tá natanüwa chamaxü̃ —ñanagürü. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

Ore i mexü̃ ga Luca ümatüxü̃ 12:1

Rü yoxni yexma nangutaque̱xegü ga muxũchixü̃ ga duü̃xü̃gü. Rü yema nax namuxũchixü̃ca̱x rü düxwa nügü nicuxnetaetanü. Rü Ngechuchu inanaxügü ga norü ngúexü̃gümaxãxíra nax yadexaxü̃, rü ñanagürü: —¡Pexũãxẽgü naxca̱x i ngẽma Parichéugücüma! Erü duü̃xü̃güpe̱xewa mea namaxẽneta, natürü naãxẽwa rü chixexü̃gu narüxĩnüe.

Ore i mexü̃ ga Luca ümatüxü̃ 21:36

Rü ngẽmaca̱x name nixĩ i pegü ípemexẽẽgü. ¡Rü guxü̃guma peyumüxẽgü nax ngẽmaãcü tama pexü̃ naxüpetüxü̃ca̱x i guxü̃ma i ngẽma ãũcümaxü̃gü i tá íngugüxü̃, rü aixcüma pimexü̃ca̱x i ngẽxguma nape̱xewa pengugügu ya Tupana Nane ya duü̃xü̃xü̃ ixĩcü! —ñanagürü ga Ngechuchu.

Ore i mexü̃ ga Cuáü̃ ümatüxü̃ 12:13

Rü yexguma moruátüta nadaü̃gü rü yemamaxã Ngechuchuxü̃ nayatüxgütanüãchi. Rü tagaãcü ñanagürügü: —¡Namaxü̃! ¡Namecümaxüchi ya daa Tupanaégagu núma ũcü! ¡Namecümaxüchi ya daa Iraétanüxü̃arü Ãẽ̱xgacü! —ñanagürügü.

Romanos 11:25

Pa Chauenexẽgü i Yaxõgüxü̃x, nangẽxma i wüxi i ore ga noxri tama duü̃xü̃güxü̃ nüxü̃ nacua̱xẽẽxü̃ ga Tupana. Natürü chanaxwa̱xe i nüxü̃ pecua̱x i ngẽma ore nax tama nagu perüxĩnüexü̃ca̱x nax duü̃xü̃gü i nüxü̃ cua̱xüchixü̃ pixĩgüxü̃, rü pexicatama Tupana pexü̃ dexü̃. Rü dücax, nangẽxmagü i Iraétanüxü̃ i tama yaxõgüchaü̃xü̃. Rü ngẽmaãcü tá nixĩ ñu̱xmatáta yaxõgüã i guxü̃ma i ngẽma tama Yudíu ixĩgüxü̃ ya Tupana dexü̃.

Efesios 6:13

Rü ngẽmaca̱x name nixĩ i penayauxgü i guxü̃ma i ngẽma poxü̃ruü̃gü ya Tupana pexna ãxü̃, nax ngẽmaãcü pegü ípepoxü̃xü̃ca̱x i ngẽxguma ngẽma naãxẽgü pexü̃ nachixexẽẽchaü̃gu. Rü ngẽmaãcü taxũtáma pemaxã tapora i ngẽma naãxẽgü i chixexü̃ rü tá nüxü̃ perüporamaegü.

Popera ga Yudíugü ga yaxõgüxü̃ca̱x ümatüxü̃ 11:12

Rü yemaacü ga Abráü̃ rü woo marü yaxguã̱xü̃chi nax yixĩxü̃, natürü nüxü̃́ nayexma ga wüxi ga nane, rü gumáwa ne naxĩ ga muxü̃ma ga nataagü ga ñoma ẽxtagürüxü̃ muxũchixü̃, rü ñoma márpechinüwa ngẽxmacü ya naxnücü ya taxuacüma yaxugücürüxü̃ nixĩgü.

Popera ga Yudíugü ga yaxõgüxü̃ca̱x ümatüxü̃ 12:22

Erü ñu̱xma i pema rü marü nüxna pengaicamagü ya yima ma̱xpǘne ya Chióü̃ ya yimá Tupana ya Maxü̃cüarü ĩane ya daxũgune ya Yerucharéü̃. Rü marü nüxna pengaicamagü i ngẽma muxũchixü̃ma i norü orearü ngeruü̃gü i daxũcüã̱x i Tupanaxü̃ icua̱xüü̃güxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:3

Rü ngéma rü nataxutama i ta̱xacü ya Tupana chixexü̃ namaxã ueguxü̃. Rü yima ĩanewa tá nangẽxma i norü tochicaxü̃ ya Tupana rü yimá Corderuxacü. Rü norü duü̃xü̃gü rü tá nüxü̃ nicua̱xüü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:18

Rü ñu̱xma rü cuxü̃ chaxucu̱xẽ nax chauxü̃tawa naxca̱x cutaxexü̃ca̱x i úiru i marü üxüwa iguxü̃ i nüxicatama ixĩxü̃. Rü ngẽmaãcü tá aixcüma cuxü̃́ nangẽxma i curü ngẽmaxü̃gü. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i cuxchiru i cómüxü̃ nax ngẽmagu quicúxü̃ca̱x nax taxúema cuxü̃ dauxü̃ca̱x nax cungexchiruxü̃. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i curü ma̱ĩ̱xetüxü̃ nax curümexẽtüxü̃ca̱x rü wena quidauchixü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:4

Rü yema tochicaxü̃cüwawa nayexmagü ta ga to ga 24 ga tochicaxü̃gü ga nüxü̃ ínumaeguãchixü̃. Rü yema tochicaxü̃güwa narütogü ga 24 ga yaxõgüxü̃arü ãẽ̱xgacügü. Rü naxchiru rü nicómü, rü norü nga̱xcueruü̃gü rü úirunaxca̱x nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:11

Rü yemawena ichadawenü, rü nüxü̃ chaxĩnü ga naga ga muxũchixü̃ma ga Tupanaarü orearü ngeruü̃gü ga daxũcüã̱x. Rü norü ngãxü̃wa nayexma ga yema tochicaxü̃ rü yema ãgümücü ga daxũcüã̱x ga maxẽxü̃ rü yema 24 ga ãẽ̱xgacügü. Rü namuxũchima ga yema Tupanaarü orearü ngeruü̃gü ga daxũcüã̱x ga yéma yexmagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:9

Rü nagu nawiyaegü ga wüxi ga wiyae ga yexwaca̱xüxü̃ ga ñaxü̃: “Cuma nixĩ i cumexü̃ nax cunayaxuxü̃ i ngẽma popera rü cuyagáutanüxü̃ i ngẽma norü ñaxtachipe̱xexü̃. Yerü cuma rü marü quima̱xchire̱x, rü cugümaxã Tupanaaxü̃́ naxca̱x cutaxe i naguxü̃raü̃xü̃ i duü̃xü̃gütücumü rü naguxü̃raü̃xü̃ i duü̃xü̃gü i to i nagawa idexagüxü̃ rü naguxü̃raü̃xü̃ i ĩanegücüã̱x rü naguxü̃raü̃xü̃ i nachixü̃anecüã̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:11

Rü ñu̱xũchi wüxichigü ga yema duü̃xü̃güna nanaxã ga naxchiru ga máxü̃ rü cómüxü̃. Rü yema duü̃xü̃güãẽgüxü̃ ñanagürü: “¡Paxaãchi iperüngüe ñu̱xmatáta yangu i norü mu i ngẽma peenexẽgü i pexrüxü̃ Cristuarü puracüca̱x nada̱i̱xü̃!” ñanagürü.