Yema Cuáü̃ nüxü̃ dauxü̃ i yixcüra tá ngupetüxü̃chiga 7:16 - Tupanaarü Ore

¹⁶ Rü marü tagutáma tataiyae, rü tagutáma tita̱xawae. Rü marü tagutáma üa̱xcü tüxü̃ nigu, rü tagutáma üa̱xcüarü naianexü̃ tüxü̃́ nangu̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:16 Iomraidhean Croise

Wiyaegü 121:5

Rü nüma ya Cori ya Tupana nixĩ i cuxna nadauxü̃ rü cuxü̃ ínapoxü̃xü̃, erü guxü̃guma cuxü̃tawa nangẽxma nax cuxü̃ nangü̃xẽẽxü̃ca̱x.

Wiyaegü 121:6

Rü ngunecü rü yima üa̱xcü rü taxuxü̃táma chixexü̃ cumaxã naxü rü woo ya tauemacü i chütacü.

Wiyaegü 143:6

Rü ngẽma nax chacuxwa̱xexüchixü̃ ñoma waixü̃mü i paxü̃ i dexá naxwa̱xexüchixü̃rüxü̃, rü cuxca̱x chaxunagüme̱xẽ chayumüxẽ.

Wiyaegü 42:2

Rü choxü̃́ nangúchaü̃ nax namaxã chaxãmücüxü̃ ya Tupana ya maxü̃arü yora. ¿Rü ñuxgu tá napatawa chaxũxü̃ nax ngéma nape̱xewa changexmaxü̃ca̱x?

Wiyaegü 63:1

Pa Chorü Tupanax, cuma nixĩ i aixcüma chorü Tupana quixĩxü̃. Rü guxü̃ma i chorü ngúchaü̃maxã cuxca̱x chadau erü poraãcüxüchi chanaxwa̱xe i chauxü̃ta cungexmaxü̃. Rü guxü̃ma i chorü maxü̃nemaxã chanaxwa̱xe nax chauxü̃ta cungexmaxü̃, ñoma paanexü̃ rü dexá naxwa̱xexü̃rüxü̃.

Charumóü̃arü wiyae 1:6

¡Rü taxṹ i cha̱u̱xcha̱xmüü̃ i waxraxü̃gu perüdaunüxü̃! Rü choma rü chawaxracha̱xmüü̃ yerü üa̱xcü choxü̃ nigu. Rü chauenexẽgü rü chomaxã nanue rü norü úbanecüna choxü̃ nadauxẽẽgü. Rü yemaca̱x chorü úbanecü rü yéma chanata̱xmare.

Ichaía 25:4

Rü yíxema ngearü poraã̱xgüxeca̱x rü cumax, Pa Corix, rü tümaarü poxü̃ruxü̃ quixĩ. Rü cuma rü tümaarü ngü̃xẽẽruxü̃ quixĩ ya yíxema taxúema tüxü̃ rüngü̃xẽẽgüxe. Rü cuma rü tümaétüwa cuchogü ya yíxema guxchaxü̃wa ngẽxmagüxe. Rü cuma rü tümaarü gáuxpechitaruxü̃ quixĩ ya yíxema üa̱xcüarü naiemaxü̃ tüxü̃ iguxe. Rü tüxü̃ ícupoxü̃ nüxna i ngẽma duü̃xü̃gü i poraãcü chixecümagüxü̃ i ñoma taxüchicü ya buanecü ya pucümaxã íngucürüxü̃ ixĩgüxü̃.

Ichaía 32:2

Rü wüxichigü i ngẽma ãẽ̱xgacügü rü ñoma cu̱xchicaxü̃ i buanecücha̱xwa naxchipeta icúxü̃rüxü̃ tá nixĩgü. Rü ñoma ĩpata ya pucü ya taxüchicücha̱xwa natüxü̃gu ngaxínerüxü̃ tá nixĩgü. Rü ñoma natügü i paanexüchixü̃gu iya̱xgüxü̃rüxü̃ tá nixĩgü. Rü ñoma chianexü̃wa ngẽxmacü ya taxüchicü ya nutachipetarüxü̃ tá nixĩgü i ngẽma ãẽ̱xgacügü.

Ichaía 41:17

Rü yíxema ngearü diẽruã̱xgüxe rü tita̱xawae rü naxca̱x tadaugü i dexá natürü taxuxü̃ma itayangaugü. Rü ta̱xawamaxã tipaarü conüã̱x. Natürü choma ya Cori ya Tupana rü tá tüxü̃ charüngü̃xẽxẽxü̃, rü choma nax Iraétanüxü̃arü Tupana chixĩxü̃ rü taxũtáma tüxü̃ íchawogümare.

Ichaía 49:10

Rü taxũtáma petaiyae rü pita̱xawae rü taxũtáma üa̱xcü pexü̃́ nangu̱x, erü choma rü pexü̃ changechaü̃ rü pemaxã ichacua̱x, rü dexá íngẽxmaxü̃wa tá pexü̃ chagagü.

Ichaía 65:13

Rü Tupana rü ñanagürü ta: —Ngẽma chorü duü̃xü̃gü i choxü̃́ yaxõgüxü̃ rü taxũtáma nataiyae, natürü i pema ya choxna ixĩgachitanüxẽ rü tá pitaiyae. Rü ngẽma chorü duü̃xü̃gü rü tá naxaxegü, natürü i pema rü tá pita̱xawae. Rü ngẽma chorü duü̃xü̃gü rü tá nataãẽgü, natürü i pema rü tá pexãnee.

Yoná 4:8

Rü yexguma üa̱xcü ngunagügu rü Tupana yéma nanamu ga wüxi ga buanecü ga naiemacü ga éstewaama ne bucü. Rü nüma ga üa̱xcü rü Yonáerugu nabáxi rü yemaacü poraãcü nüxü̃́ nangu̱xema rü namaxã nayuéga yerü poraãcü nangu̱xema. Rü yemaca̱x ñanagürü: —Narümemae nixĩ nax noxtacüma chayuxü̃ rü tama nax chamaxü̃xü̃ —ñanagürü.

Ore i mexü̃ ga Matéu ümatüxü̃ 13:21

Natürü ngẽma nax tama aixcüma nagu naxĩnüexü̃ i ngẽma ore, rü paxaãchitama nayaxõgü, rü yixcüra ngẽxguma ngẽma oregagu guxchaxü̃gü nüxü̃ üpetügu rüe̱xna duü̃xü̃gü naxchi aiegu, rü ínanata̱xgü i ngẽma ore.

Ore i mexü̃ ga Matéu ümatüxü̃ 13:6

Natürü yexguma nangunagügu ga üa̱xcü, rü narüñẽxgü ga yema trigu Rü nayue yerü tama poraãcü nixãma̱xã.

Ore i mexü̃ ga Matéu ümatüxü̃ 5:6

Tataãẽgü ya yíxema poraãcü tüxü̃́ nangúchaü̃güxe nax Tupanape̱xewa mexü̃ taxügüxü̃, erü Tupana tá tüxna nanaxã i ngẽma mexü̃ i tüxü̃́ ngúchaü̃güxü̃.

Ore i mexü̃ ga Márcu ümatüxü̃ 4:17

Natürü tama aixcüma nagu narüxĩnüe i ngẽma ore, rü paxaãchitama nayaxõgü. Rü ngẽmaca̱x ngẽxguma ngẽma oregagu guxchaxü̃gü naxca̱x ínguxgu rüe̱xna duü̃xü̃gü naxchi aiegu, rü nüxü̃ narüxoe i ngẽma ore i noxri yaxõgüxü̃.

Ore i mexü̃ ga Márcu ümatüxü̃ 4:6

Natürü yexguma nangunagügu ga üa̱xcü, rü narüñexgü ga yema trigu Rü nayue, yerü tama poraãcü nixãma̱xã.

Ore i mexü̃ ga Luca ümatüxü̃ 1:53

Rü guxema taiyaexe, rü muxü̃ma ga mexü̃gü tüxna naxã. Natürü guxema muarü diẽruã̱xgüxe rü ngẽãcume̱xẽãcüma tüxü̃ ínimugü.

Ore i mexü̃ ga Luca ümatüxü̃ 6:21

¡Rü petaãxẽgü i pemax i ñu̱xma taiyaexe! Erü yixcama rü tá meama pingãxcharaü̃gü. ¡Rü petaãxẽgü i pemax i ñu̱xma ngechaü̃güxe! Erü yixcama rü tá taãẽãcüma pecugüe.

Ore i mexü̃ ga Cuáü̃ ümatüxü̃ 4:14

Natürü texé ya yíxema choma tá tüxna chaxãxü̃ i dexáwa axexe, rü tagutáma wena tita̱xawa. Erü ngẽma dexá i choma tá tüxna chaxãxü̃ rü wüxi ya puchu ya guxü̃guma ibaibecürüxü̃ tá nixĩ i tümawa, erü ngẽma dexáwa nangẽxma i maxü̃ i taguma gúxü̃ —ñanagürü.

Popera ga Chantiágu ümatüxü̃ 1:11

Rü ngẽxguma nangunagügu ya üa̱xcü rü poraãcü nangu̱xetügu, rü narüñexẽ i ngẽma putüra rü narüngu i nachacu, rü ngẽxma nagu̱x nax namexü̃. Rü ngẽxgumarüxü̃ tá ta nayu i ngẽma diẽruã̱xü̃chixü̃ rü ngẽxma tá guxü̃ma i norü ngẽmaxü̃gümaxã inayarüxo.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:4

Rü nüma tá ínanapi i naxgüü̃xẽtü i guxü̃ma i ngẽma duü̃xü̃gü. Rü marü taxũtáma texé tayu, rü taxũtáma texé tümaarü ngechaü̃maxã taxaxu, rü taxũtáma texé ngúxü̃ tingegü. Erü guxü̃ma ga yema noxri yexmaxü̃ rü marü inayarüxo”, ñanagürü.