Yema Cuáü̃ nüxü̃ dauxü̃ i yixcüra tá ngupetüxü̃chiga 5:9 - Tupanaarü Ore

⁹ Rü nagu nawiyaegü ga wüxi ga wiyae ga yexwaca̱xüxü̃ ga ñaxü̃: “Cuma nixĩ i cumexü̃ nax cunayaxuxü̃ i ngẽma popera rü cuyagáutanüxü̃ i ngẽma norü ñaxtachipe̱xexü̃. Yerü cuma rü marü quima̱xchire̱x, rü cugümaxã Tupanaaxü̃́ naxca̱x cutaxe i naguxü̃raü̃xü̃ i duü̃xü̃gütücumü rü naguxü̃raü̃xü̃ i duü̃xü̃gü i to i nagawa idexagüxü̃ rü naguxü̃raü̃xü̃ i ĩanegücüã̱x rü naguxü̃raü̃xü̃ i nachixü̃anecüã̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:9 Iomraidhean Croise

Wiyaegü 144:9

Pa Corix, ngexwaca̱xü̃xü̃ i wiyaegu tá cuxca̱x chawiyae chorü paxetaruü̃maxã. Rü ngẽmaãcü chorü wiyaemaxã tá cuxü̃ chicua̱xüxü̃.

Wiyaegü 149:1

¡Rü nüxü̃ picua̱xüxü̃gü ya Cori ya Tupana! ¡Rü naxca̱x pewiyae nagu i wüxi i wiyae i ngexwaca̱xü̃xü̃! ¡Rü ngẽmaãcü nüxü̃ picua̱xüxü̃gü i norü duü̃xü̃güarü ngutaque̱xewa!

Wiyaegü 33:3

¡Rü ngexwaca̱xü̃xü̃ i wiyaegümaxã Tupanaca̱x pewiyaegü! ¡Rü mea pepaxetagüãcüma nüxü̃ picua̱xüü̃gü!

Wiyaegü 40:3

Rü wüxi ga yexwaca̱xü̃xü̃ ga wiyae cha̱u̱a̱xwa nanguxẽxẽ nax yemamaxã nüxü̃ chicua̱xüxü̃xü̃ca̱x ga Tupana. Rü muxü̃ma ga duü̃xü̃gü rü nüxü̃ nadaugü ga yema Tupana üxü̃ rü namuü̃e rü nüxü̃́ nayaxõgü.

Wiyaegü 96:1

¡Ngexwaca̱xü̃xü̃ i wiyaegu Cori ya Tupanaca̱x pewiyaegü i guxãma i pemax i ñoma i naanewa maxẽxü̃!

Wiyaegü 98:1

¡Rü ngexwaca̱xü̃xü̃ i wiyaegu Cori ya Tupanaca̱x pewiyaegü! Yerü muxü̃ma ga mexü̃ ga taxü̃gü norü poramaxã naxü. Rü nachacüxü ya üünene rü poranemaxã tórü uanügüxü̃ narüporamae.

Ichaía 42:10

Rü ñanagürü ga Ichaía: —¡Tupanaxü̃ picua̱xüü̃gü wüxi i ngexwaca̱xü̃xü̃ i wiyaemaxã! Rü guxü̃ma i nachixü̃anecüã̱x i ñoma i naanewa ngẽxmagüxü̃, rü guxü̃ma i duü̃xü̃gü i yáxü̃wa márcutüwa maxẽxü̃, rü guxü̃ma i duü̃xü̃gü i márgu yarüxĩĩxü̃, rü guxü̃ma i márwa maxẽxü̃, rü name nixĩ i Tupanaxü̃ nicua̱xüü̃gü.

Danié 3:4

Rü yema namaxã icuáxü̃ ga yema ãxü̃chichigaarü ügü rü tagaãcü duü̃xü̃güxü̃ ñanagürü: —¡Iperüxĩnüe Pa Duü̃xü̃gü i Guxü̃ i ĩanecüã̱xgü, rü Guxü̃ i Nachixü̃anecüã̱xgü, rü Guxãma i Pemax i To i Nagawa Idexagüchigüxex!

Danié 4:1

—Choma i ãẽ̱xgacü i Nabucudonochó rü taãẽãcüma pexü̃ charümoxẽ, Pa Guxü̃ma i Nachixü̃anecüã̱xgü i Ñoma i Naanewa Maxẽxü̃ rü To i Nagawa Idexagüxü̃x. Rü chanaxwa̱xe i mea pexü̃ nangupetü.

Danié 5:19

Rü yema pora ga Tupana nüxna ãxü̃gagu rü guxü̃ma ga ĩanecüã̱xgü rü nachixü̃anecüã̱xgü naguxü̃raü̃xü̃ ga nagawa idexagüxü̃ rü naga naxĩnüe rü nüxü̃ namuü̃e. Rü naxme̱xwa nayexma nax tüxü̃ yamáxü̃ rüe̱xna tüxü̃ namaxẽẽxü̃ ga guxema norü me ixĩxẽ. Rü tümaxe rü tüxü̃ nataxẽxẽ, rü toguxe rü tüxü̃ naxãneexẽxẽ.

Danié 6:25

Rü yexguma ga nüma ga ãẽ̱xgacü ga Daríu rü wüxi ga popera naxümatü naxca̱x ga guxü̃ma ga nachixü̃anecüã̱xgü rü ngẽma to ga nagawa idexagüxü̃ ga duü̃xü̃gü. Rü yema poperawa rü nüma ga ãẽ̱xgacü rü ñanagürü: —Chanaxwa̱xe nax petaãẽgüxü̃ rü mea pexü̃ nangupetüxü̃.

Ore i mexü̃ ga Matéu ümatüxü̃ 20:28

Yerü Tupana Nane ya duü̃xü̃xü̃ ixĩcü rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Ore i mexü̃ ga Matéu ümatüxü̃ 26:28

Erü daa bínu rü chaugü nixĩ. Rü yimámaxã Tupana duü̃xü̃güxü̃ nanawe̱x nax aixcüma yixĩxü̃ i norü uneta. Rü yimá chaugü rü muxü̃ma i duü̃xü̃güca̱x nixĩ i nabaxü̃ nax Tupana nüxü̃́ nüxü̃ irüngümaxü̃ca̱x i norü pecadugü.

Ngechuchuarü ngúexü̃gü ga yamugüxü̃arü puracüchiga 20:28

Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.

1 Corintios 6:20

Erü Tupana rü marü pexca̱x nataxe rü poraãcü nüxü̃́ petatanü. Rü ngẽmaca̱x penaxwa̱xe i ngẽma pexenemaxã mea Tupanaca̱x pemaxẽ rü nüxü̃ picua̱xüü̃gü.

1 Corintios 7:23

Tupana rü marü pexca̱x nataxe rü poraãcü nüxü̃́ petatanü. ¡Rü ngẽmaca̱x i ñu̱xma rü taxũtáma naga pexĩnüe i ngẽma duü̃xü̃gü i wenaxarü ñoma i naanearü ngúchaü̃wa pexü̃ gagüchaü̃xü̃!

Efesios 1:7

Rü Tupana rü poraãcü tüxü̃ nangechaü̃, rü yemaca̱x nanamu ga Nane nax taxca̱x nayuxü̃ rü nagü ibaxü̃ nax yemaacü tüxü̃ ínanguxü̃xẽẽü̃ca̱x rü tüxü̃́ nüxü̃ iyanangümaxü̃ca̱x ga tórü pecadugü.

Efesios 5:19

Rü name nixĩ i Tupanaarü orechigagu rü norü wiyaegügu pegümaxã pidexagü rü pegümaxã nüxü̃ pixu. Rü name nixĩ i naguxü̃raü̃xü̃ i norü wiyaegügu pewiyaegü, nax ngẽmaãcü guxü̃ne ya perü maxü̃nemaxã tórü Corixü̃ picua̱xüü̃güxü̃ca̱x.

Colosenses 1:14

Rü gumá Nanegagu nixĩ ga tüxü̃ namaxẽxẽẽxü̃ rü tüxü̃́ nüxü̃ iyanangümaxü̃ ga tórü pecadugü.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:14

Rü nümagü nax ngẽma ñagüxü̃ rü ngẽmawa meama tüxü̃ nüxü̃ nacua̱xẽxẽ nax ñu̱xma rü ta naxca̱x nadaugüxü̃ i wüxi i to i nachixü̃ane nax noxrü yixĩxü̃ca̱x.

Norü taxre ga popera ga Pedru ümatüxü̃ 2:1

Nũxcüma rü Yudíugütanüwa nayexma ga Tupanaarü orearü uruü̃güneta. Rü ngẽxgumarüxü̃ tá ta petanüwa nangẽxma i ngu̱xẽẽruü̃netagü. Rü nümagü rü cúãcü tá doramaxã nanaxüchicüxü i Tupanaarü ore, rü ngẽmaãcü tá nayaxã ya yimá tórü Cori ya norü Maxẽxẽẽruü̃chire̱x ixĩcü. Rü ngẽmagagu tá noxtacüma napoxcue i ngẽma duü̃xü̃gü i ngẽmaãcü maxẽxü̃, rü paxa tá inayarüxogü.

Nüxíraxü̃xü̃ ga popera ga Cuáü̃ ümatüxü̃ 1:7

Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.

Nüxíraxü̃xü̃ ga popera ga Cuáü̃ ümatüxü̃ 2:2

Rü nüma ga Ngechuchu ya Cristu nixĩ ga nügü inaxãxü̃ rü nayuxü̃ nax naxütanüãxü̃ca̱x ga tórü pecadugü. Rü tama tórü pecadugüxicatama naxütanü, natürü guxü̃ma i duü̃xü̃güarü pecadugü rü ta naxütanü.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:11

Rü ñu̱xũchi chomaxã nüxü̃ nixu, rü ñanagürü choxü̃: “Name nixĩ nax wenaxarü Tupanaarü orexü̃ quixuxü̃ nachiga i muxü̃ma i duü̃xü̃gütücumügü, rü muxü̃ma i nachixü̃anecüã̱xgü i duü̃xü̃gü, rü muxü̃ma i duü̃xü̃gü i to i nagawa idexagüxü̃, rü muxü̃ma i nachixü̃anegüarü ãẽ̱xgacügü”, ñanagürü choxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:9

Rü tomaepü̱x i ngunexü̃arü ngãxü̃ rü naguxü̃raü̃xü̃ i ĩanegücüã̱x, rü naguxü̃raü̃xü̃ i duü̃xü̃gütücumü, rü naguxü̃raü̃xü̃ i duü̃xü̃gü i to i nagawa idexagüxü̃, rü naguxü̃raü̃xü̃ i nachixü̃anecüã̱x rü tá nüxü̃ nadaugü i naxü̃negü. Rü taxũtáma nanaxwa̱xegü nax texé inata̱xgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:7

Rü yema coya ga Chataná rü yema ngo̱xoxü̃ naporaxẽxẽ nax Tupanaarü duü̃xü̃gümaxã nügü nada̱i̱xü̃ca̱x ñu̱xmatáta tüxü̃ nayexera. Rü ãẽ̱xgacüxü̃ nayaxĩxẽxẽ nax namaxã inacuáxü̃ca̱x ga naguxü̃raü̃xü̃ ga duü̃xü̃gütücumü, rü naguxü̃raü̃xü̃ ga ĩanegücüã̱x, rü naguxü̃raü̃xü̃ ga duü̃xü̃gü ga to ga nagawa idexagüxü̃, rü naguxü̃raü̃xü̃ ga nachixü̃anecüã̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:8

Rü tá ngẽma ngo̱xoxü̃ nicua̱xüü̃gü i guxü̃ma i ñoma i naanecüã̱x i ngeégagüxü̃ nawa i norü popera ya yimá Carnéruxacü ga yama̱xgüãcü. Rü noxritama naanearü ügügu rü yima Carnéruxacüarü poperagu nixĩ i naxümatüxü̃ i naéga i ngẽma duü̃xü̃gü i nüxü̃́ nangẽxmagüxü̃ i maxü̃ i taguma gúxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:6

Rü ñu̱xũchi nüxü̃ chadau ga wüxi ga to ga orearü ngeruxü̃ ga daxũguxü̃ ga naanegu íxexeü̃xü̃ ga yangexü̃ ga Tupanaarü ore i guxü̃gutáma ixĩxü̃, nax namaxã nüxü̃ yaxuxü̃ca̱x ga duü̃xü̃gü ga ñoma ga naanewa maxẽxü̃, rü naguxü̃raü̃xü̃ ga duü̃xü̃gütücumü, rü naguxü̃raü̃xü̃ ga duü̃xü̃gü ga to ga nagawa idexagüxü̃, rü naguxü̃raü̃xü̃ ga ĩanegücüã̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:15

Rü yema orearü ngeruxü̃ rü ñanagürü ta choxü̃: “Ngẽma taxü̃ i dexá i nüxü̃ cudauxü̃ i naétüwa natoxü̃ i ngẽma nge i naxü̃nemaxã taxexü̃, rü ngẽma nixĩ i naguxü̃raü̃xü̃ i ĩanegücüã̱x, rü naguxü̃raü̃xü̃ i duü̃xü̃gütücumü, rü naguxü̃raü̃xü̃ i nachixü̃anecüã̱x, rü naguxü̃raü̃xü̃ i duü̃xü̃gü i to i nagawa idexagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:11

Rü ñanagürügü: “Pa Torü Cori, Pa Torü Tupanax, cuxü̃ nixĩ i namexü̃ nax ticua̱xüü̃güxü̃ rü cuxü̃ tataxẽẽgüxü̃, yerü cuma nixĩ ga cunaxüxü̃ ga guxü̃ma, rü curü ngúchaü̃gagu nixĩ i ñu̱xma nangẽxmagüxü̃ i ngẽma cuxüxü̃”, ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:12

Rü tagaãcü ñanagürügü: “Yimá Carnéru ga pecaduarü ütanüca̱x yucü rü yimá nixĩ yamecü nax guxü̃arü ãẽ̱xgacü yixĩxü̃, rü guxü̃arü yora yixĩxü̃. Rü name nax guxü̃ i cua̱x nüxü̃́ ngẽxmaxü̃, rü guxü̃arü yexera naporaxü̃. Rü nüma nixĩ i namexü̃ nax guxãma nüxü̃ ngechaü̃güxü̃ rü nataxẽẽgüxü̃ rü nüxü̃ icua̱xüü̃güxü̃”, ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:6

Rü ñu̱xũchi nüxü̃ chadau ga wüxi ga Carnéruxacü ga ma̱xwa írüdaxü̃ ga yexma chixü̃ naxü̃tagu ga gumá tochicaxü̃wa rütocü rü norü ngãxü̃tanügu ga yema ãgümücü ga daxũcüã̱x ga maxẽxü̃ rü yema 24 ga ãẽ̱xgacügü. Rü nüxü̃́ nayexma ga 7 ga naxchata̱xcu̱xre rü 7 ga naxetü. Rü gumá 7 ga naxetü rü ngẽma nixĩ i ngẽma 7 i Tupanaãxẽ ya Üünecü i guxü̃wama i ñoma i naanewa namugüxü̃.