Yema Cuáü̃ nüxü̃ dauxü̃ i yixcüra tá ngupetüxü̃chiga 4:7 - Tupanaarü Ore

⁷ Rü wüxi ga yema daxũcüã̱x ga maxẽxü̃ rü nanaleóü̃raxü̃. Rü yema to rü nanawoca iyatüxü̃rüxü̃. Rü yema norü tomaepü̱x rü nanaduü̃xü̃chiweraxü̃. Rü yema norü ãgümücü rü nanaxĩyü i gonagüxü̃raxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:7 Iomraidhean Croise

Naanearü ügüchiga 49:9

Cumax, Pa Chaunex, Pa Yudáx, Rü ñoma wüxi i leóü̃xacürüxü̃ quixĩ. Rü ngẽxguma naeü̃ nangõ̱xguwena rü nayarümaxãchi rü waixü̃müanegu naca ñoma leóü̃ i yáxü̃rüxü̃. ¿Rü texé tá tanachixewe i ngẽxguma?

2 Chamué 1:23

Rü duü̃xü̃gü rü poraãcü Chaúxü̃ rü Yonatáü̃xü̃ nangechaxü̃gü rü nanaxwa̱xegü. Rü yexguma namaxẽgu rü taguma nügüna nixĩgachitanü rü ñu̱xma nax nayuexü̃ rü wüxigu nayue. Rü nümagü rü ĩyügüarü yexera napaxaãẽgü rü leónarü yexera narüporamaegü.

Ucu̱xẽgüchiga 28:2

Ngẽxguma wüxi i nachixü̃ane chixri ixũxgu, rü to ningucuchichigü i norü ãẽ̱xgacügü. Natürü ngẽxguma nangẽxmagu i wüxi i ãẽ̱xgacü i aixcüma naãẽxü̃ cuáxü̃, rü mea norü duü̃xü̃gümaxã inacua̱x.

Ichaía 40:31

Natürü yíxema aixcüma Cori ya Tupanaaxü̃́ yaxṍxe rü guxü̃gutáma tüxü̃́ ningexwaca̱xü̃chigü i tümaarü pora. Rü ñoma ĩyügürüxü̃ rü tá taporaama. Rü woo ngẽxguma poraãcü itañaãchigu rü taxũtáma nagu̱x i tümaarü pora. Rü woo ngẽxguma yáxü̃wa taxũxgu, rü taxũtáma tipa.

Echequié 1:10

Rü nachiwegü ga yema ãgümücü ga querubíü̃gü rü ñaãcü nixĩ: Rü yema nachametü ga nape̱xewa üxü̃ rü nanaduü̃xü̃chiweraxü̃. Rü yema norü tügünecüwawa üxü̃ rü nanaleóü̃chiweraxü̃. Rü yema norü to̱xwecüwawa üxü̃ rü nanawoca i yatüxü̃chiweraxü̃. Rü yema naxca̱xwe̱xwa üxü̃ rü nanaxĩyüchiweraxü̃.

Echequié 1:8

Rü ñu̱xũchi yema norü ãgümücüchametüwa rü norü ãgümücüpe̱xatüwa ga yema querubíü̃gü rü nanaduü̃xü̃güme̱xẽraxü̃ ga yema norü ãgümücücüwawa ga naxpe̱xatügütüü̃wa. Rü guma naxpe̱xatügü rü nügümaxã nayarüxüüxü̃. Rü yexguma inaxĩxgu rü nügüpe̱xewaama naxĩ, rü tama nügüweama naxĩ.

Echequié 10:14

Rü wüxichigü ga yema querubíü̃gü rü naxãgümücüchiwe: rü yema norü wüxi rü nanawoca i yatüxü̃chiweraxü̃, rü yema norü taxre rü nanaduü̃xü̃chiweraxü̃, rü yema norü tomaepü̱x rü nanaleóü̃chiweraxü̃, rü yema norü ãgümücü rü nanaxĩyüchiweraxü̃.

Echequié 10:21

Rü wüxichigü ga yema querubíü̃gü rü naxãgümücüchiwe rü naxãgümücüpe̱xatü. Rü guma naxpexatügütüü̃wa rü nanayatüme̱xẽgüraxü̃.

Danié 7:4

Rü yema nüxíraxü̃xü̃ ga ngo̱xo rü nanaleóü̃raxü̃, natürü nanaxĩyüpe̱xatüraxü̃. Rü yexguma nüxü̃ íchadawenüyane rü nanatúxü̃pe̱xatü. Rü waixü̃müanewa ínanadaxẽẽgü. Rü guma naweama yexmagüne ga naparamaxã inanachixẽẽgü ñoma wüxi i yatü ichixü̃rüxü̃. Rü guma norü maxü̃ne rü naxüchicüxü rü duü̃xẽarü maxü̃ne nüxna naxãgü.

Abdía 1:4

Natürü woo ñoma ĩyürüxü̃ daxũwaxü̃chi pengẽxmagügu rü ma̱xpǘnetape̱xegu pexãchiü̃gu ñoma ĩyürüxü̃, rü ngéma tá pexü̃ charüyi̱xẽxẽ —ñanagürü ga Cori ya Tupana.

Iraétanüxü̃arü muxchiga 23:24

Rü ngẽma duü̃xü̃gü i Iraétanüxü̃ rü ñoma wüxi i leóü̃rüxü̃ nixĩgü. Rü ngẽma leóü̃ i yauxẽü̃chaü̃xü̃ rü tama ínayachaxãchi ñu̱xmata nüxü̃ nanguxü̃ i ngẽma naeü̃ i yayauxchaü̃xü̃ nax nagüwa naxaxexü̃ca̱x —ñanagürü.

Iraétanüxü̃arü muxchiga 24:9

Rü ngẽxguma ipecagügu nax pepeexü̃ca̱x rü ñoma wüxi i leóü̃ i pexü̃rüxü̃ pixĩgü rü taxúetama tügü ítarüpora nax pexü̃ ítaba̱i̱xgüxü̃ca̱x. ¡Rü mexü̃ tüxü̃ ngupetü ya yíxema mexü̃ pemaxã ueguxe, Pa Iraétanüxü̃x, rü chixexü̃ tüxü̃ ngupetü ya yíxema chixexü̃ pemaxã ueguxe! —ñanagürü ga Balaáü̃.

1 Corintios 14:20

Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.

Wenaxarü naxümatü ga Tupanaarü mugü 28:49

Rü Cori ya Tupana rü wüxi i nachixü̃ane i yáxü̃wama ngẽxmaxü̃ i tama nagaxü̃ cucuáxü̃ tá cuxca̱x ínayachoõchixẽxẽ, ñoma wüxi i ĩyü i goexü̃ i poraxüchixü̃rüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:6

Rü yema tochicaxü̃pe̱xewa rü nayexma ga ta̱xacü ga ñoma taxü̃ ga dexáétüwarüxü̃ iya̱u̱xracüüxü̃. Rü ñoma bídriurüxü̃ nichipetü. Rü yema tochicaxü̃xü̃ ínachomaeguãchi ga ãgümücü ga daxũcüã̱x ga maxẽxü̃ ga guxü̃wama ãxetüxü̃ naweama rü nape̱xewa.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:3

Rü yexguma gumá Carnéruxacü yagáuyegu ga yema norü taxre ga yema poperaarü ñaxtachipe̱xexü̃, rü nüxü̃ chaxĩnü ga yema norü taxre ga yema daxũcüã̱x ga maxü̃xü̃ ga ñaxü̃ choxü̃: “¡Nua naxũ!” ñaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:5

Rü yexguma gumá Carnéruxacü yagáuyegu ga yema norü tomaepü̱x ga yema poperaarü ñaxtachipe̱xexü̃, rü nüxü̃ chaxĩnü ga yema norü tomaepü̱x ga yema daxũcüã̱x ga maxü̃xü̃ ga ñaxü̃ choxü̃: “¡Nua naxũ!” ñaxü̃. Rü ichadawenü rü nüxü̃ chadau ga wüxi ga cowaru ga waxüxü̃. Rü yema naétüwa rütoxü̃ rü naxme̱xwa nüxü̃́ nayexma ga wüxi ga yáruxü̃ ga balanza.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:7

Rü yexguma gumá Carnéruxacü yagáuyegu ga yema norü ãgümücü ga yema poperaarü ñaxtachipe̱xexü̃, rü nüxü̃ chaxĩnü ga yema norü ãgümücü ga daxũcüã̱x ga maxẽxü̃ ga ñaxü̃ choxü̃: “¡Nua naxũ!” ñaxü̃.