Yema Cuáü̃ nüxü̃ dauxü̃ i yixcüra tá ngupetüxü̃chiga 3:19 - Tupanaarü Ore

¹⁹ Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19 Iomraidhean Croise

2 Chamué 7:14

Choma rü tá nanatü chixĩ rü nüma rü tá chaune nixĩ. Rü ngẽxguma nüma chixexü̃ naxü̱xgu, rü choma rü tá chanapoxcu rü tá nüxna chanacuaixca ngẽxgumarüxü̃ i guxü̃ma i papa rü nanena nacua̱i̱xcaxü̃rüxü̃.

Yox 5:17

Rü nataãxẽ ya yimá yatü ya Tupana ucu̱xẽcü. ¡Rü taxṹ i nüxü̃ cuxoxü̃ ya yimá Guxãétüwa Ngẽxmacüarü ucu̱xẽ!

Wiyaegü 39:11

Rü cuma rü cuyaxucu̱xẽ rü cuyacua̱i̱xgü i ngẽma duü̃xü̃gü i chixexü̃gu maxẽxü̃. Rü ñoma nawerüxü̃ cunaxüte̱xe i ngẽma yexeracü nüxü̃́ ngúchaü̃xü̃. Rü wüxichigüarü maxü̃ rü ñoma wüxi i ngü̃ãcüürüxü̃ nixĩ.

Wiyaegü 6:1

Pa Corix ¡taxṹ i choxü̃ cuxüáxü̃ ega cunuxgu! Rü ega cunuxgu rü ¡taxṹ i choxü̃ cupoxcuxü̃!

Wiyaegü 69:9

Rü choma rü poraãcü chayanuxũ ya cupata. Rü chauxchama chanangenagü i norü guxchigagü i ngẽma cumaxã rüxuanügüxü̃.

Wiyaegü 94:10

¿Rü pexca̱x rü yimá nachixü̃anegüarü poxcuruxü̃ rü taxũtáma pexü̃ napoxcu? ¿Rü pexca̱x rü taxũtáma nüxü̃ nacua̱x ya yimá duü̃xü̃güxü̃ ngúexẽẽcü nax naãẽxü̃ yacuáxü̃ca̱x?

Ucu̱xẽgüchiga 15:10

Yíxema nüxü̃ rüxoxe nax nagu tixũxü̃ i ngẽma mexü̃ i nacüma, rü Tupana tá düxwa tüxü̃ napoxcu. Rü yíxema tama nayaxúxe i ucu̱xẽ i mexü̃ rü tá tayu.

Ucu̱xẽgüchiga 15:32

Yíxema tama ucu̱xẽ yaxúxe, rü tama tügü tangechaü̃. Natürü yíxema nayaxúxe i ucu̱xẽ, rü cua̱x tüxü̃́ nangẽxma.

Ucu̱xẽgüchiga 22:15

Ngẽma ngextü̱xügüxü̃arü ĩnü rü ngeãẽmare nixĩ, natürü cua̱ximaxã itayanawe̱xãchixẽxẽ nax nüxü̃ naxoxü̃ca̱x i ngẽma nacüma i chixexü̃.

Ichaía 26:16

Rü yexguma guxchaxü̃ toxca̱x ínguxgu, Pa Corix, rü cuxca̱x tadaugüama naétüwa ga yema ngúxü̃ ga toxca̱x ícunguxẽẽxü̃ nax toxü̃ curüwe̱xãchigüxẽẽxü̃ca̱x.

Yeremía 10:24

¡Rü toxü̃ íyarüwe̱xãchixẽxẽgü, natürü tama cunuãcüma nax tama tayuexü̃ca̱x!

Yeremía 2:30

Rü choma rü chanapoxcu ga petanüxü̃gü, natürü tama chauga naxĩnüe, rü yemaacü natüca̱xmamare nixĩ nax chapoxcuexü̃. Rü pematama penadai ga perü orearü uruü̃gü, ñoma leóü̃gü i idüraexü̃ nada̱i̱xü̃rüxü̃.

Yeremía 30:11

Rü choma ya Cori ya Tupana rü ñachagürü: “Choma rü pemaxã changexma nax pexü̃ íchanguxü̃xẽxẽxü̃ca̱x naxme̱xwa i perü uanügü. Rü tá chayanaxoxẽxẽ i guxü̃ma i ngẽma nachixü̃anegü i nagu pexü̃ chawoonexü̃. Natürü i pema rü tagutáma pexü̃ ichayarüxoxẽxẽ. Natürü ngẽma pexna üxü̃ i poxcumaxã tá pexü̃ chapoxcue. Rü taxũtáma nüxü̃ chaxüpetümare nax pexü̃ chapoxcuexü̃” —ñanagürü.

Yeremía 31:18

Rü Cori ya Tupana rü ñanagürü: —Marü nüxü̃ chaxĩnü nax auxeãcü chomaxã yadexagüxü̃ i Efraíü̃tanüxü̃ rü ñanagürügü: “Toma rü ñoma wüxi i wocaxacü i tama íyapuxü̃rüxü̃ tixĩgü. Natürü i cuma rü marü toxü̃ ícuyapuexẽxẽ. ¡Rü cugüca̱x toxü̃ nawoeguxẽxẽ! Erü cuma nixĩ i torü Cori ya Tupana quixĩxü̃.

Yeremía 7:28

¡Rü namaxã nüxü̃ ixu rü ñanagürü nüxü̃! “Ñaa nixĩ i ngẽma nachixü̃ane i tama norü Cori ya Tupanaga ĩnüexü̃ rü tama naxwa̱xexü̃ nax texé naxucu̱xẽxü̃. Rü norü duü̃xü̃gü rü marü tama naã̱xwa ínaxũxũ i ore i aixcüma ixĩxü̃”, ñacurügü nüxü̃ —ñanagürü.

Chofonía 3:2

Rü tama Cori ya Tupanaarü ucu̱xẽ cuyaxu rü tama curü me nixĩ nax cuxü̃ naxucu̱xẽxü̃. Rü tama Cori ya Tupanaaxü̃́ cuyaxõ rü tama nüxna cungaicamachaü̃.

Ore i mexü̃ ga Matéu ümatüxü̃ 25:7

Rü guxcüma ga yema pacügü rü íirüdagü, rü iyamexẽẽgü ga ngĩrü daparinagü.

Ore i mexü̃ ga Cuáü̃ ümatüxü̃ 2:17

Rü yexguma ga norü ngúexü̃gü rü nüxna nacua̱xãchie ga nũxcümaü̃xü̃ ga ümatüxü̃ ga ñaxü̃: “Chauxchi naxaie erü chanachu̱xu nax ta̱xacürü chixexü̃ naxügüxü̃ i Tupanapatawa”, ñaxü̃.

Romanos 12:11

Rü tama name i pexo. Natürü name nixĩ i perü ngúchaü̃maxã penaxü i Cori ya Tupanaarü puracü.

1 Corintios 11:32

Natürü ngẽxguma tórü Cori ñoma i tórü maxü̃wa tüxü̃ poxcugu, rü ngẽmaãcü tüxü̃ inayarüwe̱xãchixẽxẽ nax tama yixcüra naanearü gu̱xgu tüxü̃ napoxcuxü̃ca̱x wüxigu namaxã i ngẽma duü̃xü̃gü i tama yaxõgüxü̃.

2 Corintios 6:9

Rü ngẽma duü̃xü̃gü rü tama toxü̃ nacuáxü̃rüxü̃ tomaxã nixĩgü, woo nax meama toxü̃ nacua̱xgüchiréxü̃. Rü guxü̃guma ãũcümaxü̃wa tangexmagü, erü toxü̃ nadaixchaü̃, natürü naétüwa namaxẽama. Rü toxü̃ napoxcue, natürü tama toxü̃ nadaixichi.

2 Corintios 7:11

Rü yema ngechaü̃ ga Tupana pexca̱x íngu̱xẽẽxü̃ nawa ga yema popera ga pexca̱x chaxümatüxü̃, rü dücax i ngẽma mexü̃ i nawa ínguxuchixü̃. Yerü yema perü ngechaü̃gagu rü aixcüma nagu perüxĩnüe ga yema chixexü̃ ga petanüwa ngupetüxü̃, rü meama chomaxã nüxü̃ pixu ga yema. Rü yema perü ngechaü̃gagu rü peãẽwa nangu̱x ga yema chixexü̃, rü poraãcü Tupanaxü̃ pemuü̃e. Rü yemaca̱x penaxwa̱xe nax yéma chaxũxü̃ nax pexü̃ chayarüngü̃xẽẽxü̃ca̱x, yerü penamexẽẽgüchaü̃ ga yema chixexü̃. Rü yemaca̱x ípenamuxuchi ga yema duü̃xü̃ ga chixexü̃ üxü̃. Rü guxü̃ ga yemawa rü ipenawe̱x nax tama pegagu yixĩxü̃ ga yema chixexü̃ ga ngupetüxü̃.

Gálatas 4:18

Rü ngẽma orearü uruü̃gü rü marü name nax pegu naxĩnüexü̃, natürü nanaxwa̱xe nax perü mexü̃ca̱x nadaugüxü̃ i guxü̃guma. Rü tama name nax petanüwa changexmaguxicatama perü mexü̃ca̱x nax nadaugüxü̃ i ngẽma duü̃xü̃gü.

Wenaxarü naxümatü ga Tupanaarü mugü 8:5

¡Rü nüxna pecua̱xãchie rü yimá perü Cori ya Tupana rü pexü̃ inayarüwe̱xãchigüxẽxẽ ñoma wüxi i papa nanexü̃ rüwe̱xãchixẽẽxü̃rüxü̃!

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Popera ga Chantiágu ümatüxü̃ 1:12

Rü tataãxẽ ya yíxema yáxna namaxã ĩnüxe i ngẽxguma ta̱xacü tüxna ĩnügu. Erü ngẽxguma yáxna namaxã taxĩnügu, rü Tupana tá tümamaxã nataãxẽ rü tá tüxna nanaxã i norü ãmare i maxü̃ i taguma gúxü̃. Rü ngẽma nixĩ i ãmare ya Tupana tümamaxã ixunetaxü̃ ya yíxema nüxü̃ ngechaü̃güxe.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:5

¡Rü ngẽmaca̱x nüxna nacua̱xãchi i ngẽma chixexü̃ i cuxüxü̃ rü Tupanaca̱x nataegu rü wenaxarü noxrirüxü̃ nüxü̃ nangechaxü̃! Natürü ngẽxguma chi tama nüxü̃ curüxoxgu i curü chixexü̃, rü paxa tá cuxü̃ íchayadau, rü tá nachicawa cuxna chanayaxu i curü omüarü üruxü̃ ega tama Tupanaca̱x cutaegu̱xgu.