Yema Cuáü̃ nüxü̃ dauxü̃ i yixcüra tá ngupetüxü̃chiga 22:16 - Tupanaarü Ore16 Rü choma ya Ngechuchu, rü chanamu i chorü orearü ngeruxü̃ nax guxü̃ma i ngẽma yaxõgüxü̃tücumümaxã nüxü̃ yaxuxü̃ca̱x i ngẽma chorü ore. Rü choma nixĩ i ãẽ̱xgacü ga Dabítaxa chixĩxü̃. Rü choma nixĩ ya yimá woramacuri ya pa̱xmama poraãcü nangóonexẽẽcürüxü̃ chixĩxü̃”, ñanagürü. Faic an caibideil |
Yema Cuáü̃ nüxü̃ dauxü̃ i yixcüra tá ngupetüxü̃chiga 22:16
30 Iomraidhean Croise
Rü Yochuémaxã nüxü̃ ixu rü ñacurügü nüxü̃: “Tupana ya Guxãétüwa Ngẽxmacü rü ñanagürü cuxü̃: ‘Choma rü tá nua nüxü̃ chaxuneta i wüxi i yatü nax wena naxüaxü̃ca̱x ya chopata ya taxü̃ne. Rü naéga i ngẽma yatü rü Wena Namexẽẽcü, tá nixĩ. Rü nüma rü tá ãẽ̱xgacü nixĩ rü nagu tá nicu̱x i ãẽ̱xgacüchiru. Rü norü tochicaxü̃wa tá narüto rü ngéma tá duü̃xü̃gümaxã inacua̱x. Rü nacüwawa tá narüto i wüxi i chacherdóte. Rü ngẽma taxre rü tá nügüga naxĩnüe rü tá nügümaxã nataãẽgü’ ” —ñacurügü nüxü̃.
Tórü Tupana rü poraãcü nüxü̃́ tangechaü̃tümüxü̃gü. Rü ngẽmaca̱x ñoma ngexwaca̱xü̃xü̃ i ngunexü̃arü üa̱xcü ngóxü̃rüxü̃ daxũguxü̃ i naanewa taxca̱x ne nanamu i ñoma i naanearü nangóonexẽẽruxü̃ i ngexwaca̱xü̃xü̃ nax nangóonetanüxẽxẽãxü̃ca̱x i ngẽma duü̃xü̃gü i ẽanexü̃ i ãũcümaxü̃wa ngẽxmagüxü̃. Rü nüma tá tüxü̃ narüngü̃xẽxẽ nax Tupanamaxã rüngüxmüe”, ñanagürü ga Chacaría.
Rü yemaacü nüxü̃ tadau nax aixcüma yixĩxü̃ ga yema ore ga nũxcümaü̃güxü̃ ga Tupanaarü orearü uruü̃gü nüxü̃ ixugügüxü̃. Yerü yema nüxü̃ yaxugügüxü̃rüü̃tama nixĩ ga nüxü̃ tadauxü̃. Rü name nixĩ i pema rü ta aixcüma mea nagu perüxĩnüe i ngẽma ore, erü wüxi i omü i ẽanexü̃wa ibáxixü̃rüxü̃ nixĩ. Rü ngẽma ore rü tá pexü̃ nüxü̃ nacua̱xẽxẽ i Tupanachiga ñu̱xmatáta ínangu ya tórü Cori ya Ngechuchu ya Cristu ya yimá woramacuri ya ngunetüxü̃ ngócürüxü̃ ixĩcü. Rü ngẽxguma ínanguxgu i nüma rü tá perü maxü̃gu nabáxi.
Rü choma i Cuáü̃ rü pexca̱x chanaxümatü i pema i 7 tücumügü i yaxõgüxe i Áchiaanewa ngẽxmagüxe. Rü chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ ya yimá Tupana ya woetama yexmacü rü ñu̱xma ngẽxmacü rü guxü̃gutáma ngẽxmacü. Rü ngẽxgumarüxü̃ ta chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ i ngẽma 7 i Naãxẽgü i Tupanaarü tochicaxü̃pe̱xewa ngẽxmagüxü̃.
Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i ngẽma chixexü̃ rü tá tüxna chanaxã i paũ i daxũcüã̱x. Rü tá tüxna chanaxã ya wüxi ya nutaxacü ya chócü i wüxi i naéga i ngexwaca̱xü̃xü̃ nagu ümatüxü̃. Rü yíxema nayaxúxexicatama tixĩ ya nüxü̃ cuáxe i ngẽma naéga’ ”, ñanagürü i Naãxẽ ya Üünexü̃.
Natürü ngẽma chixexü̃ ügüxü̃, rü nüetama nixĩ nax chixexü̃ naxügüamáxü̃. Rü ngẽma chixexü̃gu maxẽxü̃, rü nüetama nixĩ nax chixexü̃gu namaxẽxü̃. Natürü yíxema mexü̃ ügüxe, rü name nixĩ i yexera mexü̃ taxügüechaxü̃. Rü yíxema Tupanape̱xewa ixüünexe, rü name nixĩ nax yexera tügü tixüünexẽxẽ”, ñanagürü.
Rü ñu̱xũchi ga yema Tupanaarü orearü ngeruxü̃ rü ñanagürü choxü̃: “Ñaa ore rü aixcüma nixĩ, rü name nax yaxõxü̃. Rü nüma ya tórü Cori ya Tupana ga nũxcüma norü orearü uruü̃gümaxã nüxü̃ ixucü nax ta̱xacü tá ínguxü̃, rü nümatama nixĩ i ñu̱xma inamuãxü̃ i norü orearü ngeruxü̃ i daxũcüã̱x nax norü duü̃xü̃güxü̃ nüxü̃ nadauxẽẽxü̃ca̱x nax ta̱xacü tá paxa ínguxü̃”, ñanagürü.
Sanasan