Yema Cuáü̃ nüxü̃ dauxü̃ i yixcüra tá ngupetüxü̃chiga 21:8 - Tupanaarü Ore

⁸ Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8 Iomraidhean Croise

Ucu̱xẽgüchiga 19:5

Ngẽma chogüruü̃neta ixĩxü̃, rü taxũtáma niña nax napoxcuxü̃. Rü ngẽxgumarüxü̃ ta i ngẽma idorata̱xáxü̃, rü taxũtáma poxcuwa niña.

Ucu̱xẽgüchiga 19:9

Ngẽma chogüruü̃neta, rü taxũtáma niña nax napoxcuxü̃. Rü ngẽxgumarüxü̃ ta i ngẽma idorata̱xáxü̃, rü yu tá naxca̱x ínangu.

Ichaía 51:12

Rü Tupana rü Yerucharéü̃xü̃ ñanagürü: —Chomatama nixĩ i cuxü̃ chataãẽxẽẽxü̃. ¿Rü texéxü̃ nixĩ i cumuü̃exü̃? ¿Ẽ̱xna yatügüxü̃ i duü̃xü̃gümare ixĩgüxü̃? Natürü nümagü rü ñoma maxẽrüxü̃ nayue.

Ichaía 57:11

¿Rü ta̱xacügü nixĩ i ngẽma perü tupananetagü i nüxü̃ pemuü̃exü̃ rü nüxü̃ picua̱xüü̃güxü̃, rü ngẽmaca̱x choxü̃ iperüngümaexü̃chixü̃ rü tama chauga pexĩnüexü̃? ¿Ẽ̱xna pema rü tama choxü̃ pemuü̃e erü muxü̃ i ngunexü̃ chachianemare rü taxu ñachagürü?

Ichaía 9:15

Rü ngẽma naeru rü nachiga nixĩ i Iraéanearü ãẽ̱xgacügü rü norü ngü̃xẽẽruü̃gü. Rü ngẽma narexü̃ rü nachiga nixĩ i orearü uruü̃gü i doramaxã ngu̱xẽẽtaegüxü̃.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Ore i mexü̃ ga Matéu ümatüxü̃ 10:28

¡Rü taxṹ i nüxü̃ pemuü̃exü̃ i ngẽma duü̃xü̃gü i taxü̃nexü̃ imáxü̃! Erü taxucürüwa nayama̱x i taãxẽ. Natürü name nixĩ i nüxü̃ pemuü̃e ya yimá Tupana. Erü nüma nüxü̃́ nangẽxma i pora nax napoxcuãxü̃ca̱x i pexene rü peãxẽ rü ta nagu ya yimá üxü ya taguma ixoxü̃ne.

Ore i mexü̃ ga Matéu ümatüxü̃ 25:25

Rü yemaca̱x chamuü̃. Rü waixü̃mügu ngĩxü̃ chixaixmaü̃ rü ngĩxü̃ ichata̱x. Natürü ñaa iyixĩ i ngẽma curü diẽru”, ñanagürü.

Ore i mexü̃ ga Matéu ümatüxü̃ 8:26

Rü Ngechuchu nanangãxü̃, rü ñanagürü nüxü̃: —Pa Duü̃xü̃gü i Tama Aixcüma Yaxõgüxü̃x, ¿tü̱xcüü̃ pemuü̃e? —ñanagürü. Rü yexguma ga Ngechuchu rü ínarüda, rü buanecüna rü yuapena nachogü. Rü ínayachaxãchi ga buanecü, rü inayarüxo ga yuape, rü ínachaxanemare.

Ore i mexü̃ ga Cuáü̃ ümatüxü̃ 8:44

Penatü rü chataná nixĩ rü pema rü naxacügü pixĩgü. Rü ngẽmaca̱x penaxü i ngẽma nüma pexü̃́ nanaxwa̱xexü̃. Rü ngẽma chataná rü noxriarü ügügumama wüxi i máẽtaxü̃ nixĩ. Rü taguma ore i aixcümaxü̃gu narüxĩnü rü taguma ore i aixcümaxü̃ nixu. Rü ngẽxguma yadexaxgu rü doraxü̃xicatama nixu, erü nüma rü wüxi i dorata̱xáxü̃ nixĩ. Rü guxü̃ma i dorata̱xaxü̃natü nixĩ.

Wenaxarü naxümatü ga Tupanaarü mugü 20:8

Rü ngẽmawena rü ngẽma churaragüerugü rü wena tá norü churaragüxü̃ ñanagürügü: “Rü ngẽxguma texé muü̃gu, rü name nax tümapataca̱x tataeguxü̃ nax ngẽmaãcü tama tanamuü̃xẽẽxü̃ca̱x i ngẽma togü i tümamücügü”, ñanagürügü tá.

2 Tesalonicenses 2:9

Rü ngẽma Tupanamaxã rüxuanüã́xü̃, rü Chatanáarü ngü̃xẽẽmaxã tá ínangu rü ngẽmaca̱x tá naporaxüchi. Rü tá nanaxü i naguxü̃raü̃xü̃ i cua̱xruü̃gü i Chatanáarü poramaxã naxüxü̃ i namaxã duü̃xü̃güxü̃ nawomüxẽẽxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:2

Rü ngẽma duü̃xü̃gü i nüxü̃ rüxoexü̃ nax yaxõgüãxü̃ rü tá nüxü̃́ inarüxĩnüe i ngẽma duü̃xü̃gü i nawomüxẽẽgüxü̃ rü idorata̱xaxgüxü̃. Erü ngẽma duü̃xü̃gü i dorata̱xaxgüxü̃ rü düxwa namaxã nixü nax chixexü̃guxicatama naxĩnüexü̃.

Popera ga Títoca̱x naxümatüxü̃ ga Pauru 1:16

Rü ngẽma duü̃xü̃gü i tama yaxõgüxü̃ rü nügü yaxugügu rü Tupanaxü̃ nacua̱xgü, natürü ngẽma naxügüxü̃wa nüxü̃ tacua̱x nax tama aixcüma Tupanaxü̃ nacua̱xgüxü̃. Rü nümagü rü Tupanape̱xewa nichixe, rü tama naga naxĩnüe, rü taxuwama name i ngẽma naxügüxü̃.

Popera ga Yudíugü ga yaxõgüxü̃ca̱x ümatüxü̃ 12:24

Rü marü naxca̱x pexĩ ya Ngechuchu ga taxca̱x yucü nax tüxü̃ namaxẽxẽẽxü̃ca̱x, ngẽma Tupanaarü uneta i ngexwaca̱xü̃xü̃ tamaxã nüxü̃ ixuxü̃rüxü̃. Rü nüma rü nagümaxã pexü̃́ iyanaxoxẽxẽ ga perü chixexü̃gü nax aixcüma Tupanape̱xewa pimexü̃ca̱x. Rü gumá nagü ga nũxcümaü̃cü ga Abé rü naxca̱x ínaca nax nayuxü̃ ga yema yamáxü̃, natürü yimá nagü ya Cristu rü tüxna nanaxã i maxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 13:4

Rü ngẽma yatügü i ãmaxü̃ rü name i aixcüma naxma̱xü̃ nangechaü̃gü. Rü ngẽxgumarüxü̃ ta i ngexü̃gü, rü name i aixcüma mea natexü̃ nangechaxü̃gü. Rü name i naxma̱xmaxãxicatama rü natemaxãxicatama nanaxü i norü ngúchaü̃. Erü Tupana rü tá nüxna naca rü tá nanapoxcue i ngẽma duü̃xü̃gü i nai i ngexü̃maxã rü ẽ̱xna nai ya yatümaxã maxẽxü̃. Rü aixcüma tá tüxü̃ napoxcue ya guxãma ya yíxema naxma̱xna to i ngexü̃maxã maxü̃́xẽ rü ngẽma natena to i yatümaxã maxü̃́xẽ.

Nüxíraxü̃xü̃ ga popera ga Cuáü̃ ümatüxü̃ 2:22

¿Texé tixĩ ya idorata̱xáxe? Yíxema ñagüxe: “Ngechuchu rü tama aixcüma Cristu ya Tupana Nane nixĩ”, ñagüxe. Rü yíxema tixĩ ya Cristuarü uanü, erü tama nüxü̃ tacuáxchaü̃ ya Tanatü ya Tupana rü Nane ya Ngechuchu.

Nüxíraxü̃xü̃ ga popera ga Cuáü̃ ümatüxü̃ 3:15

Rü yíxema tümaenexẽchi aixe rü wüxi i máẽtaxü̃ tixĩ. Rü pema nüxü̃ pecua̱x rü wüxi i máẽtaxü̃ rü nüxü̃́ nataxuma i norü maxü̃ i taguma gúxü̃.

Nüxíraxü̃xü̃ ga popera ga Cuáü̃ ümatüxü̃ 5:10

Rü yíxema nüxü̃́ yaxṍxe ya Tupana Nane rü nüxü̃ tacua̱x nax aixcüma yixĩxü̃ i ngẽma ore ya Tupana nüxü̃ ixuxü̃ i Nanechiga. Natürü yíxema tama Tupanaaxü̃́ yaxṍxe rü dorata̱a̱x nüxü̃ tawogü ya Tupana erü tama tayaxõ i ngẽma ore ya Tupana nüxü̃ ixuxü̃ i Nanechiga.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:20

Rü yema nüxíraxü̃xü̃ ga ngo̱xo rü niyaxu. Rü wüxigu namaxã niyaxu ga yema to ga ngo̱xo ga orearü uruü̃neta ixĩxü̃ ga yema nüxíraxü̃xü̃ ga ngo̱xope̱xewa naxüxü̃ ga cua̱xruü̃gü ga duü̃xü̃gü tama nüxü̃ cuáxü̃ nax naxügüãxü̃. Rü yema cua̱xruü̃gümaxã nixĩ ga nawomüxẽẽãxü̃ ga yema duü̃xü̃gü ga nüxü̃ icua̱xüü̃güxü̃ ga naxchicüna̱xã ga yema nüxíraxü̃xü̃ ga ngo̱xo rü nügü ixãgüxü̃ nax yema ngo̱xoégamaxã nax yaxüégagüxü̃. Rü yema nüxíraxü̃xü̃ ga ngo̱xo rü yema to ga ngo̱xo ga orearü uruü̃neta ixĩxü̃, rü wüxigu maxẽxacü̃ma nawa nawoü̃ ga gumá naxtaxa ga achúfremaxã iya̱u̱xrachiüne.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:11

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema ñoma i naanewa nüxü̃ rüporamaexẽ i chixexü̃, rü taxũtáma ngẽma tama Tupanaga ĩnüexü̃ ípoxcuexü̃gu tapoxcu’ ”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:2

Choma nüxü̃ chacua̱x i guxü̃ma i ngẽma cuxüxü̃. Rü nüxü̃ chacua̱x nax ñuxãcü poraãcü choxü̃́ cupuracüxü̃ rü ñuxãcü cunaxüamaxü̃ i ngẽma puracü woo ngẽmaca̱x muxü̃ma i guxchaxü̃gü cuxca̱x ínguxgu. Rü nüxü̃ chacua̱x nax tama curü me yixĩxü̃ i ngẽma duü̃xü̃gü i chixexü̃ ügüxü̃. Rü ngẽxgumarüxü̃ ta nüxü̃ chacua̱x nax mea cunangugüarü maxü̃ã́xü̃ i ngẽma duü̃xü̃gü i nügü ixugüxü̃ nax Tupana imugüxü̃ yixĩgüxü̃, natürü tama aixcüma Tupana nayamugü. Rü cuma rü nüxü̃ cucua̱xama nax idorata̱a̱xgüxü̃ yixĩgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:27

Natürü tagutáma ngẽxma naxücu i ta̱xacü i Tupanape̱xewa chixexü̃, rü bai ya texé ya chixexü̃ ǘxe rüe̱xna idorata̱xáxe. Rü yíxema Carnéruxacüarü poperawa ngo̱xégagüxexica tá tixĩ ya ngẽxma chocuxe rü nayauxgüxe i maxü̃ i taguma gúxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:15

Natürü taxũtáma yima ĩanewa nichocu i ngẽma chixexü̃gü maxẽxü̃, rü ngẽma iyuüxü̃, rü ngẽma naxü̃nearü ngúchaü̃gu maxẽxü̃, rü ngẽma máetagüxü̃, rü ngẽma tupananetachicüna̱xãgüxü̃ icua̱xüü̃güxü̃, rü ngẽma womüxẽẽwa̱xegüxü̃ rü taxũtáma nawa nichocu ya yima ĩane.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:17

Rü yemaacü nixĩ ga nüxü̃ chadauxü̃ ga yema cowarugü ga yexguma chango̱xetügu. Rü yema churaragü ga yema cowaruétügu ĩxü̃ rü nüxü̃́ nayexma ga norü nga̱xcuxü̃nexü̃ ga poxü̃ruxü̃ ixĩxü̃ ga ñoma üxüxetürüxü̃ iyauraxü̃. Rü yema poxü̃ruxü̃ rü nixãmatü rü nidaumatü rü niya̱u̱xmatü rü nidexmatü. Rü yema cowaruerugü rü ñoma leóü̃erurüxü̃ nixĩgü. Rü naã̱xgüwa ínaxũxũ ga üxüema rü caxixü̃ rü achúfre.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:21

Rü tama nüxü̃ narüxoe nax namáetagüxü̃, rü yayuüexü̃, rü naxü̃nearü ngúchaü̃ naxügüxü̃ rü nangĩ́ta̱a̱xgüxü̃.

Ãẽ̱xgacügü ga guxchaxü̃güarü mexẽxẽruü̃gü 7:3

¡Rü ngẽmaca̱x namaxã nüxü̃ ixu i ngẽma duü̃xü̃gü rü texé yamuü̃xe rü tümachiü̃ca̱x tawoegu! —ñanagürü ga Tupana. Rü yexguma nüma ga Yedeóü̃ rü yema duü̃xü̃gümaxã nüxü̃ nixu. Rü 22,000 nachiü̃ca̱x nawoegu, rü 10,000 yéma nayaxüãchi.