Biblia Todo Logo
Bìoball air-loidhne

- Sanasan -




Yema Cuáü̃ nüxü̃ dauxü̃ i yixcüra tá ngupetüxü̃chiga 21:6 - Tupanaarü Ore

6 Rü yemawena rü ñanagürü choxü̃: “Ñu̱xma rü marü ningu i guxü̃ma. Choma nixĩ i norü ügü i guxü̃ma, rü chowa nixĩ i yacuáxü̃ erü nataxuma i ta̱xacü i choweama üxü̃. Rü yíxema ita̱xawaxe, rü choma rü tá ngetanüãcüma tüxü̃ chaxaxexẽxẽ nawa i ngẽma dexáarü chuxchuxü̃arü dexá i maxẽẽruxü̃.

Faic an caibideil Dèan lethbhreac




Yema Cuáü̃ nüxü̃ dauxü̃ i yixcüra tá ngupetüxü̃chiga 21:6
26 Iomraidhean Croise  

Rü cuma nixĩ i maxü̃arü yora quixĩxü̃. Rü cuma nixĩ i toxca̱x cunangóonexẽẽxü̃.


Rü pema rü tá taãẽãcüma nawa pexaxegü i ngẽma dexá i maxü̃ tüxna naxãxü̃.


Rü ngẽma chorü duü̃xü̃gü rü taxre ga pecadu nixĩ ga chope̱xewa naxügüxü̃. Rü choxna nixĩgachi ga choma nax dexá i maxü̃xü̃ chixĩxü̃. Rü ñu̱xũchi nügüca̱x nanaxügü ga norü puchugü ga tama dexá nawa yexmaechaxü̃.


Rü ñanagürü ya Cori ya Tupana: —Ngẽma duü̃xü̃gü i tama chauga ĩnüexü̃ rü tá chaugümaxã ichanangüxmüexẽxẽ. Rü tá nüxü̃ changechaü̃ama woo tamachire̱x ngẽma nixĩ i norü natanü. Erü marü choxü̃ nangupetü nax namaxã chanuxü̃.


Rü ngẽma ngunexü̃gu rü yima ma̱xpǘnegüwa tá nangẽxma ya tacü ya bínu rü lechi ñoma dexárüxü̃. Rü Yudáanearü natügüwa rü tá nata i norü dexá. Rü yima chopata ya taxü̃newa rü tá nichuxchu i wüxi i dexá i tá Chitíü̃arü doxonexü̃wa yawaianexẽẽxü̃.


Rü Ngechuchu ngĩxü̃ nangãxü̃, rü ñanagürü: —Ngẽxguma chi nüxü̃ cucua̱xgu i ngẽma Tupana cuxna ãxchaü̃xü̃, rü chi nüxü̃ cucua̱xgu nax texé yixĩxü̃ ya yimá dexáca̱x cuxna cacü, rü cuma rü chi nüxna cuca i dexá, rü nüma rü chi cuxna nanaxã i dexá i maxü̃ nawa ngẽxmaxü̃ —ñanagürü.


Rü yema ngecü inangãxü̃, rü ngĩgürügü nüxü̃: —Pa Corix, ¿ñuxãcü tá dexá ta cuyaxu? Erü daa puchu rü namátamaxü̃chi rü cuxü̃́ nataxuma nax ta̱xacümaxã cunayaxuxü̃ i dexá. ¿Rü ngextá tá cunayaxuxü̃ i ngẽma dexá i maxü̃ nawa ngẽxmaxü̃ nax choxna cunaxãxü̃ca̱x?


Natürü texé ya yíxema choma tá tüxna chaxãxü̃ i dexáwa axexe, rü tagutáma wena tita̱xawa. Erü ngẽma dexá i choma tá tüxna chaxãxü̃ rü wüxi ya puchu ya guxü̃guma ibaibecürüxü̃ tá nixĩ i tümawa, erü ngẽma dexáwa nangẽxma i maxü̃ i taguma gúxü̃ —ñanagürü.


Natürü Tupana rü tamaxã namecüma rü yemaca̱x tüxü̃́ nangetanüãcüma tüxü̃ nimexẽẽgü nax nape̱xewa imexü̃ca̱x. Erü Ngechuchu ya Cristu marü tüxü̃́ nanaxütanü ga tórü pecadugü nax tama ipoxcuexü̃ca̱x.


Nüma ga Tupana rü tama tüxna nayanuxũ ga Nanexü̃chi, natürü taxca̱x inanamu ga Nane nax taxca̱x nayuxü̃ca̱x i guxãma i yixema. Rü ñu̱xma nax taxca̱x inamuãxü̃ ga Nane nax taxca̱x nayuxü̃ca̱x, ¿rü taux ẽ̱xna tüxna naxããxü̃ i guxü̃ma i ngẽma inaxwa̱xexü̃ nax mea naxca̱x imaxẽxü̃ca̱x?


Rü yixema rü tama ñoma i naanecüã̱x i naãxẽ nixĩ ga iyauxgüxü̃. Natürü tanayauxgü i ngẽma Naãxẽ ya Üünexü̃ ga Tupana taxca̱x núma muxü̃ nax nüxü̃ icuáxü̃ca̱x i guxü̃ma i ngẽma ngü̃xẽẽgü ga Tupana norü ngechaü̃maxã tüxna ãxü̃.


Rü ñu̱xma nax Ngechuchu ya Cristu yixĩxü̃ ga inaxügücü i ngẽma puracü rü wüxichigü i yixema rü tanaxwa̱xe i taxuãxẽ nax mea yanguxẽẽxü̃ i ngẽma puracü i Cristu tüxna ãxü̃. Erü yíxema aixcüma mea naxǘxe i ngẽma puracü, rü ñoma wüxi i ĩpataarü üruxü̃ i úirumü rü diẽrumü rü nuta ya mexẽchicümaxã üpataxü̃rüxü̃ tixĩ. Natürü yíxema tama aixcüma mea naxǘxe i ngẽma puracü rü ñoma ĩpataarü üruxü̃ i chixexü̃ i nai rü naixatü rü dexnemena̱xãmaxã üpataxü̃rüxü̃ tixĩ.


Rü ngẽmaca̱x tama name i texé tügü ticua̱xüxü̃ ega duü̃xü̃güarü cua̱x tüxü̃́ ngẽxmagu. Erü Tupana rü marü pexna nanaxã i guxü̃ma nax pexrü yixĩxü̃ca̱x.


Rü ngẽxguma mea nagu rüxĩnüegu, ¿rü ta̱xacü chixĩ i choma i Paurux? rü ¿ta̱xacü nixĩ i nüma i Apórux? Toma rü Tupanaarü duü̃xü̃gümare tixĩgü, rü togagu nixĩ ga nüxü̃́ peyaxõgüxü̃ ya Cori ya Ngechuchu. Rü wüxichigü ga toma rü tanaxü ga yema puracü ga tórü Cori toxna ãxü̃.


Rü yexguma nüxü̃ chada̱u̱xgu, rü nape̱xegu chayangu ñoma chayuxü̃rüxü̃. Natürü ga nüma rü norü tügüneme̱xẽmaxã choxü̃ ningõgü, rü ñanagürü choxü̃: “¡Taxṹ i cumuü̃xü̃! Choma nixĩ i chaxíra chayexmaxü̃ rü guxü̃gutáma changexmaechaxü̃.


Rü nüma ya tórü Cori ya Tupana ya Guxü̃étüwa Ngẽxmacü ya Guxü̃guma Yexmacü rü Ñu̱xma Ngẽxmacü, rü Guxü̃gutáma Ngẽxmaechacü rü ñanagürü: “Chowa nixĩ ga inaxügüxü̃ ga guxü̃ma, rü chowa nixĩ i yacuáxü̃”, ñanagürü.


Rü inaxuneta naégagu ga Tupana ya yimá guxü̃guma maxü̃cü ya yimá naxücü i daxũguxü̃ i naane rü ñoma i naane rü már rü guxü̃ma i ta̱xacü nawa ngẽxmagüxü̃. Rü ñanagürü ga yema orearü ngeruxü̃: “Paxa tá ningu i ngẽma Tupana nüxü̃ ixuxü̃.


Rü yema norü 7 ga orearü ngeruxü̃, rü buanecügumare nayabaãcu ga norü copu. Rü guma Tupanapata ya daxũguxü̃ i naanewa ngẽxmanewa inanaxũ ga wüxi ga naga ga tagaxü̃ ga yema Tupanaarü tochicaxü̃wa inaxũxü̃ ga ñaxü̃: “Marü ningu i ngẽma 7 i poxcu”, ñaxü̃.


Choma nixĩ i norü ügü i guxü̃ma, rü chowa nixĩ i yacuáxü̃, rü nataxuma i ta̱xacü i nüxíra ngẽxmaxü̃ rü nataxuma i ta̱xacü i choweama üxü̃.


Rü Tupanaãxẽ ya Üünecü rü guxü̃ma i yaxõgüxü̃, rü Ngechuchuxü̃ ñanagürügü: “¡Nua naxũ!” ñanagürügü. Rü yíxema nüxü̃ ĩnüxe i ñaa ore, rü: “¡Nua naxũ!” ñatagügü. Rü yíxema ita̱xawaxe rü tüxü̃́ nachi̱xégaxe, rü name nixĩ i nua taxũ rü tüxü̃́ nangetanüãcüma nawa taxaxe i ngẽma dexá i maxẽẽruxü̃.


Rü yema chomaxã idexaxü̃ rü ñanagürü ta: “Chanaxwa̱xe i Laodichéawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü rü ñacurügü tá: ‘Ñaa nixĩ i norü ore ya yimá aixcüma ixĩcü. Rü nüma nixĩ i nüxü̃ yaxuxü̃ i ore i aixcüma ixĩxü̃ rü inaxügüxü̃ ga guxü̃ma ga yema Tupana üxü̃’.


Erü yimá Carnéruxacü i ngẽma tochicaxü̃wa ngẽxmacü, rü tá mea tüxna nadau ñoma carnérugüna idauxü̃rüxü̃. Rü nawa tá tüxü̃ nagagü i ngẽma dexáarü chuxchuxü̃gü i maxẽẽruxü̃. Rü Tupana tá tüxü̃́ ínanapi i guxü̃ma i tümagüxü̃etü”, ñanagürü.


Lean sinn:

Sanasan


Sanasan