Yema Cuáü̃ nüxü̃ dauxü̃ i yixcüra tá ngupetüxü̃chiga 19:12 - Tupanaarü Ore

¹² Rü naxetügü, rü ñoma üxüemarüxü̃ niyauracüxü. Rü naeruwa rü namu ga norü nga̱xcueruü̃gü. Rü nacatügu naxümatü ga wüxi ga naéga ga nüxicatama nüxü̃ nacuáxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:12 Iomraidhean Croise

Naanearü ügüchiga 32:29

Rü yexguma ga Acóbu rü nüxí nüxna naca rü ñanagürü: —Ñu̱xma chanaxwa̱xe i chomaxã nüxü̃ quixu ¿rü ta̱xacü nixĩ i cuéga? —ñanagürü. Natürü ga yema duü̃xü̃ rü nanangãxü̃ rü ñanagürü: —¿Tü̱xcüü̃ nüxü̃ cucuáxchaü̃ i chauéga? —ñanagürü. Rü ñu̱xũchi ga yema duü̃xü̃ rü yématama Acóbumaxã mexü̃ naxuegu.

Wiyaegü 8:5

Rü wixgutaa̱x cugürüxü̃ cuyaxĩxẽxẽ ya yimá yatü, rü nüxna cunaxã i pora rü cua̱x.

Ínachoxü̃xü̃chiga 23:21

Rü tama chanaxwa̱xe nax nüxna cuyáxü̃xü̃. Rü name nixĩ i naga cuxĩnü. Rü tama name i namaxã cunuama erü nüma rü chauchicüüxü̃ nixĩ i ngẽxma chanamuxü̃, rü nüma rü taxũtáma pexü̃́ nüxü̃ inayarüngüma i perü chixexü̃gü.

Ucu̱xẽgüchiga 30:4

¿Texé tixĩ ya yíxema marü daxũguxü̃ i naanegu ĩnagüxe rü ngéma írüxĩxe? ¿Rü texé tügüme̱xẽgu tayayauxema ya buanecü? ¿Rü texé tügüchirugu tananuque i már? ¿Rü texé nüxü̃ tixu nax ngexta yacuáxü̃ i ñoma i naane? ¿Rü texé nüxü̃ tacua̱x i naéga rü naneéga?

Charumóü̃arü wiyae 3:11

Pa Pacügü i Chióü̃cüã̱x ¡rü ípechoxü̃ nax ípeyadaugüxü̃ca̱x ya ãẽ̱xgacü ya Charomóü̃ rü nüxü̃ pedau i ngẽma nga̱xcueruxü̃ ga naé nüxü̃́ üxü̃ naxca̱x ga yema ngunexü̃ ga nagu yangĩxü̃ rü poraãcü nagu nataãẽxü̃.

Ichaía 62:3

Rü cuma rü ñoma wüxi i ãẽ̱xgacüarü nga̱xcueruxü̃ i mexẽchixü̃ i Cori ya Tupaname̱xẽwa ngẽxmaxü̃rüxü̃ tá quixĩ.

Ichaía 9:6

Erü tatanügu nabu i wüxi i õxchana. Rü nüma ya Tupana rü tüxna nanamu ya yimá nane. Rü yimána nixĩ i naxããxü̃ i pora nax tamaxã inacuáxü̃ca̱x. Rü ñaagü tá nixĩ i naégagü i namaxã naxugüãxü̃: “Mexẽchicü ya Ucu̱xẽruxü̃”, rü “Tupana ya Poraxüchicü”, rü “Tanatü ya Taguma Yucü, rü Tupana Nane ya Ngüxmüxẽẽruxü̃ ixĩcü”. Rü ngẽma tá nixĩ i naégagü.

Danié 10:6

Rü yema naxü̃ne rü ñoma nuta ya topáchiurüxü̃ niyauracüxü, rü yema nachiwe rü ñoma ba̱i̱xbeanexü̃rüxü̃ nixĩ. Rü guma naxetügü rü ñoma üxüemagürüxü̃ nixĩ, rü guma nachacüügü rü nacutügü rü ñoma bróũche iya̱u̱xracüüxü̃rüxü̃ nixĩ. Rü yema naga rü ñoma muxü̃ i duü̃xü̃gü idexagüxü̃rüxü̃ nixĩ.

Chacaría 9:16

Rü ngẽma ngunexü̃gu rü Cori ya norü Tupana rü tá norü duü̃xü̃güxü̃ ínapoxü̃ ñoma carnérugüxü̃ ínapoxü̃xü̃rüxü̃. Rü norü duü̃xü̃gü rü ñoma ngã̱xcueruü̃arü nutaxacügürüxü̃ tá niyauratanücüxü.

Ore i mexü̃ ga Matéu ümatüxü̃ 11:27

Rü ñanagürü ta ga Ngechuchu: “Chaunatü choxna nanaxã i guxü̃ma i ta̱xacü i nüxü̃́ ngẽxmaxü̃. Rü Chaunatüxicatama choxü̃ nacua̱x nax texé chixĩxü̃ i choma i Nane. Rü tama guxü̃ma i duü̃xü̃gü aixcüma nüxü̃ nacua̱x ya Chaunatü. Rü choma ya Nane, rü ñu̱xũchi ngẽma duü̃xü̃gü i Chaunatüxü̃ nüxü̃ chacua̱xẽẽchaü̃xü̃xicatama nixĩ i aixcüma Chaunatüxü̃ cua̱xgüxü̃.

Ore i mexü̃ ga Matéu ümatüxü̃ 21:5

“¡Chióü̃cüã̱xgümaxã nüxü̃ pixu rü ñapegü! ‘¡Dücax ya perü ãẽ̱xgacü ya nua pexü̃tawa ũcü! Rü nüma rü tama nügü yacua̱xüü̃ãcü ínangu, rü wüxi i búruxacüétügumare naxaunagüãcü ínangu’ ”, ñanagürü ga yema ore.

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Ore i mexü̃ ga Luca ümatüxü̃ 10:22

Rü ñanagürü ga Ngechuchu: —Chaunatü rü marü choxna nanaxã ga guxü̃ma. Rü taxúema ya toguxe nüxü̃ tacua̱x nax texe yixĩxü̃ ya Tupana Nane rü Nanatüxicatama nixĩ i aixcüma nüxü̃ cuácü. Rü taxúema ya toguxe nüxü̃ tacua̱x nax texe yixĩxü̃ ya Nanatü, rü nüma ya Nanexicatama nixĩ ya nüxü̃ cuácü. Rü ngẽxgumarüxü̃ ta yíxema Nane tüxü̃ nüxü̃ nacua̱xẽẽchaü̃güxe nixĩ i aixcüma Nanatüxü̃ cua̱xgüxe —ñanagürü.

Ore i mexü̃ ga Cuáü̃ ümatüxü̃ 17:11

Choma rü marü taxũtáma ñoma i naanewa changexmaecha, natürü nümagü rü ñoma i naanewa tá nangẽxmagü i ngẽxguma cuxü̃tawa chaxũyane. Pa Chaunatü ya Üünecüx, rü chanaxwa̱xe nax curü pora ga choxna cuxãxü̃maxã nüxna cudauxü̃ i ngẽma choxna cumugüxü̃, nax ngẽmaãcü wüxitama yaxĩgüxü̃ca̱x ngẽma cuma rü choma nax wüxitama ixĩgüxü̃rüxü̃.

Ore i mexü̃ ga Cuáü̃ ümatüxü̃ 17:12

Rü yexguma ñoma ga naanewa natanüwa chayexmagu, rü curü pora ga choxna cuxãxü̃maxã nüxna chadau rü íchanapoxü̃. Rü taxuxü̃ma inarütaxu. Rü yema woetama marü irütaxuxü̃xicatama inarütaxu nax yanguxü̃ca̱x i curü ore i ümatüxü̃.

Efesios 1:21

Rü yemaacü guxü̃étüwa nanayexmaxẽxẽ. Rü ngẽmaca̱x i ñu̱xma rü Cristume̱xẽwa nangẽxmagü i guxü̃ma i daxũguxü̃ i naanecüã̱x i ãẽ̱xgacügü rü guxü̃ma i ñoma i naanecüã̱x i ãẽ̱xgacügü rü guxü̃ma i pora i ñu̱xma ngẽxmagüxü̃ rü guxü̃ma i pora i yixcüra tá ngẽxmagüxü̃.

Popera ga Yudíugü ga yaxõgüxü̃ca̱x ümatüxü̃ 2:9

Natürü ngẽma nüxü̃ idauxü̃ nixĩ ya Ngechuchu. Rü yexguma Tupana ñoma ga naanewa namuãgu rü paxaãchi norü orearü ngeruü̃gü ga daxũcüã̱xgüarü ñaxtüwaama nayexma. Natürü i ñu̱xma ya Tupana rü Ngechuchuxü̃ naporaxẽxẽ rü nanataxẽxẽ rü guxü̃arü ãẽ̱xgacü nayaxĩxẽxẽ yerü ngúxü̃ ninge rü guxü̃ma ga duü̃xü̃güca̱x nayu. Rü nüma ga Tupana rü poraãcü duü̃xü̃güxü̃ nangechaxü̃ rü yemaca̱x nixĩ nax nayuxü̃ ga Cristu nax yemaacü namaxẽxẽẽãxü̃ca̱x i guxü̃ma i duü̃xü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:14

Rü nayae rü nachoxochi ñoma carnéruta̱xa i cho̱xochixü̃rüxü̃ rü ñoma gáuxü̃te̱xe i cho̱xochixü̃rüxü̃. Rü naxẽtü rü ñoma üxüemarüxü̃ niyauracüxü.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:3

Rü yemawena daxũwa nango̱x ga to ga cua̱xruxü̃. Rü yéma nayexma ga wüxi ga coya ga dauxü̃ ga taxüchixü̃ ga 7 ga naeru nüxü̃́ yexmaxü̃ rü 10 ga naxchata̱xcure. Rü wüxichigü ga naeruwa rü nüxü̃́ nayexma ga norü nga̱xcueruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:1

Rü nüxü̃ chadau ga wüxi ga ngo̱xo ga taxü̃ ga márwa íxüãchixü̃. Rü nüxü̃́ nayexma ga 7 ga naerugü rü 10 ga naxchata̱xcuregü. Rü wüxichigü ga naxchata̱xcu̱xre rü nüxü̃́ nayexma ga norü nga̱xcueruxü̃. Rü yema 7 ga naerugü rü nixãéga. Rü yema naégagü rü Tupanachiga chixexü̃ nixugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:16

Rü naxchirugu rü naperemagu naxümatü ga wüxi ga naéga ga ñaxü̃: “Guxü̃ma i Nachixü̃anegüarü Ãẽ̱xgacügüarü Ãẽ̱xgacü, rü Guxü̃ma i Corigüarü Cori Ixĩcü”, ñaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:12

Rü yíxema nüxü̃ rüporamaegüxe i ngẽma chixexü̃, rü Chaunatü ya Tupanapatawa tá tüxü̃ chaxüchica nax tagutáma ngéma ítachoxü̃xü̃ca̱x. Rü tümagu tá chanaxümatü i naéga ya Chaunatü ya Tupana. Rü ngẽxgumarüxü̃ tá ta tümagu chanaxümatü i naéga ya Tupanaarü ĩane ya Yerucharéü̃ ya ngexwacaxü̃ne ya Tupanaxü̃tawa i daxũguxü̃ i naanewa írüxĩxü̃ne. Rü ngẽxgumarüxü̃ tá ta tümagu chanaxümatü i chauéga i ngexwaca̱xü̃xü̃’.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:2

Rü ichadawenü rü nüxü̃ chadau nax yéma nangóxü̃ ga wüxi ga cowaru ga cómüxü̃. Rü yema naétüwa rütoxü̃ rü nüxü̃́ nayexma ga wüxi ga norü würa. Rü wüxi ga nga̱xcueruxü̃ nüxna naxã. Rü nüma rü nagu narüxĩnü nax norü uanügüxü̃ tá narüporamaexü̃. Rü inaxũãchi nax norü uanügüxü̃ naporamaexü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 13:18

Natürü yema Tupanaarü orearü ngeruxü̃ i daxũcüã̱x rü nanangãxü̃ rü ñanagürü: —¿Ta̱xacüca̱x nüxü̃ cucuáxchaxü̃ i chauéga? Chauéga rü wüxi i ẽxü̃guxü̃ nixĩ —ñanagürü.