Yema Cuáü̃ nüxü̃ dauxü̃ i yixcüra tá ngupetüxü̃chiga 15:8 - Tupanaarü Ore

⁸ Rü gumá Tupanapata ga taxü̃ne rü namaxã naxããcu ga yema caxixü̃ ga Tupanaarü üüne i poraxü̃wa ne ũxü̃. Rü taxucürüwama texé yexma taxücu ñu̱xmata nagu̱x ga yema 7 ga poxcuruü̃gü ga yema 7 ga orearü ngeruü̃güaxü̃́ yexmaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:8 Iomraidhean Croise

Wiyaegü 29:9

Rü ngẽma naga ya Cori rü nayawa̱xgüxẽxẽ ya yima castañagü rü nanangearü naixnecüã̱xẽxẽ i ngẽma naane. Rü napatawa rü guxü̃ma nüxü̃ nicua̱xüü̃gü.

Ínachoxü̃xü̃chiga 19:18

Rü guxü̃wama ga guma ma̱xpǘne ga Chinaí rü narücaxi yerü Tupana rü üxüemamaxã yexma ínarüxĩ. Rü yema caxixü̃ rü ñoma wüxi ga üxüemarüxü̃ nixĩ. Rü yexgumatama ga guma ma̱xpǘne rü poraãcü nixĩã̱xcüxü.

Ichaía 6:4

Rü yema nagamaxã rü guma Tupanapata ga taxü̃nearü ĩã̱x rü naxĩã̱xãchi. Rü nümatama ga guma Tupanapata ya taxü̃ne rü caixanexü̃maxã nanapá.

Yeremía 15:1

Nüma ya Cori ya Tupana rü ñanagürü choxü̃: —Rü woo chi Moiché rü Chamué nua chauxü̃tawa ĩxgu nax naétüwa yachogüexü̃ca̱x i ñaa duü̃xü̃gü, rü marü taxũchima nüxü̃́ ichaxĩnü nax choxü̃́ nangechaü̃tümüxü̃güxü̃ i ñaa duü̃xü̃gü. ¡Rü namaxã nüxü̃ ixu rü choxna yaxĩgachitanü!

Auxexü̃chiga 3:44

Rü cuma rü wüxi ga caixanexü̃gu cugü quicu̱x nax tama nüxü̃ cuxĩnüxü̃ca̱x i torü yumüxẽgü.

Lebítanüxü̃arü puracüchiga 16:2

Rü Cori ya Tupana rü ñanagürü Moichéxü̃: —¡Namaxã nüxü̃ ixu ya cuenexẽ ya Aróü̃ rü tama name i ngexü̃rüüxü̃ i ngunexü̃gumare nagu naxücu i ngẽma naxmachiã i Üünexüchixü̃ i tüyemachiü̃ca̱xwena ngẽxmaxü̃ rü bai nüxna nangaicama i ngẽma baúátaü̃ nax tama nayuxü̃ca̱x! Erü choma rü tá ngẽma baúátaü̃étüwa caixanexü̃wa chaugü chango̱xẽxẽ.

Romanos 11:33

Rü guxü̃ma i ngẽma Tupanaarü mexü̃gü rü taxúema nüxü̃ tacua̱x i norü mu. Rü ngẽxgumarüxü̃ ta i norü cua̱x rü norü ĩnü rü taxúema nüxü̃ tacua̱x i ngẽma. Rü taxúema nüxü̃ tacua̱x i ngẽma nagu naxĩnüxü̃ rü naxüxü̃.

2 Tesalonicenses 1:9

Rü ngẽma duü̃xü̃gü rü poxcu i taguma guxü̃gu tá inarütauxe, rü tórü Cori ya Ngechuchuarü yáxü̃wa tá nawogü. Rü ngéma rü tagutáma nüxü̃ nadaugü i tórü Cori ya Ngechuchuarü mexü̃ rü norü pora.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:1

Rü ñu̱xũchi ga daxũguxü̃ ga naanewa rü nüxü̃ chadau ga wüxi ga to ga taxü̃ ga cua̱xruxü̃ ga namaxã ibaixãchixü̃. Rü nayexma ga 7 ga orearü ngeruü̃gü ga daxũcüã̱x ga nüxü̃́ yexmagüxü̃ ga 7 ga poxcuruü̃gü. Rü yema guxchaxü̃gu nixĩ ga yagúxü̃ ga norü nu ga Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:11

Rü guma ĩane rü Tupanaarü ya̱u̱xracüüxü̃maxã nangóone. Rü yema norü ya̱u̱xracüüxü̃ ga guma ĩane rü ñoma wüxi ya nuta ya nga̱xãẽruxü̃ ya diamánte nixĩ. Rü ñoma nuta ya nga̱xãẽruxü̃ ya yásperüxü̃ nixĩ nax yachipetüxü̃.