Yema Cuáü̃ nüxü̃ dauxü̃ i yixcüra tá ngupetüxü̃chiga 15:6 - Tupanaarü Ore

⁶ Rü gumá Tupanapata ya taxü̃newa ínachoxü̃ ga yema 7 ga orearü ngeruü̃gü ga daxũcüã̱x ga nüxü̃́ nayexmagüxü̃ ga yema 7 ga poxcuruü̃gü. Rü línuchinaxca̱x ga naxchiru ga mexẽchixü̃maxã rü iyauracüüxü̃maxã nixãxchiru. Rü naremüwa nüxü̃́ nayexma ga norü goyeremüruü̃gü ga úirunaxca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:6 Iomraidhean Croise

Danié 10:5

Rü ngürüãchi nüxü̃ chadau ga wüxi ga yatü ga línuchimaxã ãxchiruxü̃ rü úirumaxã goyexü̃ã́xü̃.

Ore i mexü̃ ga Luca ümatüxü̃ 24:4

Rü yema ngecügü rü poraãcü ibaixãchiãẽgü, rü tama nüxü̃ icua̱xgüéga ga ta̱xacü nax naxügüxü̃. Rü ngürüãchi nüxü̃ idaugü ga taxre ga yatügü ga ngĩxü̃tagu chigüxü̃ ga poraãcü iyaurachirutanücüüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:13

Rü yema 7 ga omüarü üruü̃güarü ngãxü̃tanüwa nüxü̃ chadau ga wüxi ga duü̃xü̃ ga cha̱u̱xca̱x nax Ngechuchu ga duü̃xü̃xü̃ ixĩcüraü̃xü̃. Nüma rü wüxi ga naxchiru ga mámüxü̃gu nicu̱x rü wüxi ga goyexü̃ ga úirunaxca̱xmaxã nigoyeremü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:15

Rü Tupanapata ya taxü̃newa ínaxũxũ ga wüxi ga to ga orearü ngeruxü̃ ga daxũcüã̱x ga tagaãcü ñaxü̃ nüxü̃ ga gumá caixanexü̃étüwa rütocü: “¡Inaxügü nax cunadexü̃ i ngẽma duü̃xü̃gü i cuxrü ixĩgüxü̃! Erü marü nawa nangu nax cugüxü̃tawa cunagagüxü̃, erü ngẽma curü duü̃xü̃gü i ñoma i naanewa ngẽxmagüxü̃ rü ínamemare nax cunadexü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:17

Rü ñu̱xũchi daxũguxü̃ i naanewa ngẽxmane ya Tupanapata ya taxü̃newa ínaxũxũ ga wüxi ga to ga orearü ngeruxü̃ ga daxũcüã̱x. Rü nüma rü ta nüxü̃́ nayexma ga wüxi ga cüxchi ga ínapomaguxü̃ ga te̱xechixü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:1

Rü ñu̱xũchi ga daxũguxü̃ ga naanewa rü nüxü̃ chadau ga wüxi ga to ga taxü̃ ga cua̱xruxü̃ ga namaxã ibaixãchixü̃. Rü nayexma ga 7 ga orearü ngeruü̃gü ga daxũcüã̱x ga nüxü̃́ yexmagüxü̃ ga 7 ga poxcuruü̃gü. Rü yema guxchaxü̃gu nixĩ ga yagúxü̃ ga norü nu ga Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:8

Rü ngẽma tá namaxã naxãmücüxü̃na nanaxã i mexẽchixü̃ rü cómüxü̃ rü iya̱u̱xracüüxü̃ i naxchiru nax namaxã yaxãxchiruxü̃”, ñanagürügü. Rü ngẽma naxchiru i mexẽchixü̃ rü ngẽma nixĩ i ngẽma duü̃xü̃güarü maxü̃ i mexü̃chiga.